Hu (veye)

Hu (a Mouhå et les ôtes viyaedjes tot åtoû, on prononce Hë (/hœ/) riscrît e sistinme Feller «Heu» ^{aschoûtez lu}; F. Huy, nl. Hoei), c' est èn ancyin ptit ban del Walonreye, divnou intité, el province di Lidje.

Sint Mingôl, sol Bassinea

Li "pontea" a divnou on gros et stocaesse pont

posteure do Coirneu sol Bassinea a Hu

Mwaissès dnêyes

• Limeros del posse :
  • asteure : 4500.
  • davance : 5200.
• Limero diyalectolodjike : H 1; mwaisse pont d' l' A.L.W.
• Arondixhmint : Hu (mwaisse veye d' arondixhmint)
• Lomaedje et spotaedje des djins :
  • Lomaedje : Hutwès, Hutwesse; (F. Hutois).
  • Sipotaedje Schitåd-e-Mouze (hitâd-è-Moûze).

No di des plaeces di Hu

• Tcherå
• Tchamp d’ Côroe (Côrû)
• Pire ås Troes Potales
• Li Bassinea (Bassinia)
• Li Pontea (Pontia)
• Li Tchestea (Tchestia)
• Sol Grand-Plaece (sol Grond-plèce)
• Å Tiyoû (Â tiyou)
• Inte-deus-Poites (Inte-deus-pwètes), Li Poite des Aveules (Pwète des aveules)
• Sint-Cwelin
• Les vegnes (les végnes)
• Falijhe (Falhize)

Djeyografeye

Hu est raiwé d' Mouze, ey des aiwes di Mouhagne et Hoyou ki s' î vnèt egoliner dins Mouze.

Ci sreut cisse dierinne rivire, Hoyou, k' åreut dné l' no del veye di Hu.

Istwere

E 1066, les Bordjoes ont bén vlou rbasti Hu (k' aveut broûlé) s' il avént des droets. Ç' a stî l' prumire tchåte wice kel Prince-Eveke a ricnoxhou des droets azès bordjoes.

A vey

prononçaedje des merveyes di Hu

Les cwate merveyes di Hu -avou des mots ki fwaiynut rima:

• li coledjåle, avou si Rondea (ene rôze k' est dins l' tour).
• li Pontea (li pont so Mouze).
• li Bassinea (li fontinne del grande plaece).
• li Tchestea (Citadele, li fôrt di Hu).

On radjoute

• li monumint da "Li Bea" (Joseph Lebeau)

Tuzance walone

• Soces pol walon :
  • Li Coirneu
  • Li Cavea hutwès
• Sicrijheu e walon :
  • Robert Boxus a scrît ene pårt di si ouve e notant l' accint di Hu (sapinse k' i n' dit lu-minme).
• Accint do walon :
  • li betchfessî ea est sol cogne namurwesse (-ia), çou ki n' egzistêye ki la, po les veyes ki sont dins l' Province di Lidje : pontia, tchestia, bassinia
  • Li betchfessî ea est sol cogne lidjwesse (è) : plèce
  • Li betchfessî å s' î prononce "â" : hitâd