回归年

回归年（tropical year），也叫太阳年（solar year），是勒地球浪观察，太阳平黄经变化360°，就是太阳亦回转黄道（勒天球浪太阳走个轨道）浪一样个场化用个辰光。相对于分点搭至点，精确个辰光取决于你勒黄道浪拣个场化：从北半球个春分点，四只基础点之一，开始个叫春分点年；对勒黄道浪所有个场化取平均值个年叫平回归年。岁实是中国用个回归年，是从冬至再回转冬至用个辰光。

勒地球浪，人类注意著回归年个进展，从太阳慢慢较从南朝北搭再回转来个运动，希腊人从有“转动”意思个tropos引申出“tropical”该个字，意思就是“回归”。太阳跑到顶北面搭顶南面个回归分别由北回归线搭南回归线标示，也是还好看见“日正当中”个纬度。太阳位置好由每日天正午辰光指时针（一根垂直个柱或者棍：圭）影子个长短来测量，该个是测量每年长度顶自然个方法：用日照来确认季节。

因为春分点受著进动个影响勒黄道浪倒退，回归年比恒星年短一眼眼，勒2000年交差20.409分钟，勒1900年交差20.400分钟。

回归年是制定各种阳历（包括现在个公历）搭阴阳历个基础，中国传统历法里向拿冬至点测量个一回归年叫一“岁”。

1回归年 = 365.2421990741日 = 365天5小时48分46秒

回归年，地球绕太阳公转<360°。因为回归年比恒星年短20分24秒，经过计算，地球勒20分24秒个辰光里向，绕太阳少公转差弗多50.260角秒，所以回归年地球绕太阳公转个角度是360°-50.260角秒=359度59分9角秒740毫角秒。

回归年比恒星年短20分24秒，所以勒25786年（365.2421990741*1440/20.4）个辰光里向倒退一圈，该个就是岁差周期。