電磁學
外觀
電磁學是研究電磁相互作用个學問,是物理學个一個分支。電磁相互作用是自然界當中四種基本相互作用之一[1]。電學搭仔磁學密切相關,廣義浪向講電磁學包含个兩門學問,狹義浪向講電磁學是研究電搭磁之間關係个學科。電磁作用通常个表現有得電磁場、電場、磁場搭仔光。電磁相互作用是自然界當中四種基本相互作用之一,另外三種相互作用是強相互作用、弱相互作用搭引力。
電磁力在拉我伲日常生活當中交關物質个內部性質當中發揮仔主要个作用。譬方物質里向各个分子之間个分子間相互作用,就有得電磁力。在拉原子內部,電子畀束縛在許原子核周圍,原子搭原子之間因為電磁力咾形成功仔分子。化學反應從分子之間个相鄰个原子之間个相互作用產生,迭个也是電磁力个作用。
參考資料
[編輯]- ↑ (2010)Fundamentals of applied electromagnetics,6th,Boston:Prentice Hall.ISBN 978-0-13-213931-1.