連續介質力學
外觀
連續介質力學(Continuum mechanics),又叫連續體力學,是物理學、力學个一隻分支,處理包括固體、流體个所謂「連續介質」(continuous medium)或者「連續體」(continuum,台灣也簡稱連體)宏觀性質,19世紀由法國數學家奧古斯丁·路易·柯西提出个。
基本假設
[編輯]連續介質力學个最基本假設是「連續介質假設」:也就是認為,真實个流體搭仔固體,好近似看作由連續个、充滿整隻空間个介質組成,各個部分當中嘸沒空隙,物質个宏觀性質依然受牛頓力學个支配。描述箇只介質各物理量个數學函數也儕是連續函數。
箇只基本假設忽略脫物質个具體微觀結構(對固體、液體微觀結構研究是凝聚態物理學个範疇),用一組偏微分方程,比方講本構方程(constitutive equation,描述介質性質个方程)、基本个物理定律(比方講質量守恆定律,動量守恆定律等),來表達宏觀物理量。連續介質力學排除脫微觀搭仔宏觀,只適用於一般工程科學个中等尺寸材料或者對象,並弗好用拉原子內部、星體之間等微觀搭仔宏觀力學分析[1]。
主要分支學科
[編輯]連續介質力學:研究連續介質个力學 | 固體力學:研究固體連續介質(不受力个辰光形狀固定)个力學 | 彈性力學:固體受到應力作用後,會得恢復原來个形狀 | |
塑性力學:固體勒拉受到相當大个應力以後,產生个永久變形 | 流變學:研究外力作用情況下頭,物事个變形同流動 | ||
流體力學:研究流體連續介質(形狀隨容器變化)个力學 | 非牛頓流體 | ||
牛頓流體 |