阿輸柯·孔雀(梵語:अशोक मौर्य,IAST:Aśoka Maurya,約公元前304年—前232年),簡稱阿育王,印度孔雀王朝个第三代君主,是頻頭娑羅王个兒子。渠是一位佛教徒,後人叫伊佛教護法。
阿育王通過打仗,拿印度次大陸大部分个土地儕打下來。後些來伊皈依佛教,大力宣揚佛法,禁止嘸沒益處个殺生,為平民造醫院,為旅客造飯店,施捨貧民,親自朝拜佛陀个聖跡,造仔交交關關佛塔。伊還向周邊國家派出傳教團,使佛教開始成為世界性个宗教。