瞿秋白（1899年1月29号~1935年6月18号），谱名瞿懋淼，字熊伯，后来改名瞿双、瞿爽、瞿霜，字秋白，出生勒江苏常州，作家、诗人、翻译家、文学评论家。佗是中国共产党个早期领袖同缔造者之一，曾经两次担任中国共产党实际上顶高领导人（1927年8月—1928年7月；1930年9月—1931年1月）。1935年勒福建长汀畀南京国民政府逮捕并枪决。江苏常州现在有瞿秋白纪念馆。中共对佗个评价是：伟大个马克思主义者，卓越个无产阶级革命家、理论家同宣传家，中国革命文学事业个重要奠基者之一。
