ბავარიაშ ტყა
ბავარიაშ ტყაშ ერუანული პარკი
Nationalpark Bayerischer Wald | |
---|---|
| |
ქიანა | |
კოორდინატეფი | / |
ფართობი | 240 კმ² |
დირსხუ | 1970 |
ბავარიაშ ტყა (გერმ. Bayerischer Wald) — დაბალგვალამი ტყალამი ზონა გერმანიას, ბავარიას. იფაჩუ ჩეხეთიშ თანჯაწკჷმა დო იგინძორებუ ჩეხეთიშ განშე, ბოჰემიაშ ტყას. გეოგრაფიულო, ბავარიაშ დო ბოჰემიაშ ტყალეფი ართი გვალაშ მასივიშ ნორთეფი რე. ბავარიაშ ტყაშ ნორთი ორხველჷ ბავარიაშ ტყაშ ერუანულ პარკის (გერმ. Nationalpark Bayerischer Wald), მუში ფართობი 240 კმ²-ს აკმადგინანს, დირსხუ 1970 წანას დო გერმანიაშ მაართა ერუანულ პარკის წჷმარინუანდჷ. შხვა 3 008 კმ² ტერიტორია ბავარიაშ ორთაშ პარკის ორხველჷ დო თიქ 1967 წანას დირსხუ, თაშნეშე, 1738 კმ² ორხველჷ 1965 წანას დორსხუაფილ ბჟაეიოლ ბავარიაშ ტყაშ ერუანულ პარკის. ბავარიაშ ტყა ჰერსინიშ ტყაშ ნოსქილედი რე, ნამუთ რომაულ ეპოქას ობჟათე გერმანიაშ მანგის რდჷ გინოზინდილი. ამდღარშო თინა ცენტრალური ევროპაშ უდიდაში თხილერი ტყალამი არეალი რე. რეგიონიშ უმაღალაში კონკა რე გრობერ-არბერი (1 456). თარი წყარმალუ რე რეგენი.