კაბადი
კაბადიშ პიქტოგრამა | |
უმაღალაში ორგანო | კაბადიშ საირქიანო ფედერაცია |
---|---|
მეტჯოხო | Kaudi, Pakaada, Hadudu, Bhavatik, Saadukuda, Hu-Tu-Tu, Himoshika |
მაართა ლაჸაფი | 1936 წანაშ ოლიმპიური ლაჸაფეფი |
მახასიათაფალეფი | |
ტიპი | ბუნური სპორტი, კონტაქტური სპორტი |
არენა | Kabaddi court |
ქიანა/რეგიონი | ინდოეთიშ სუბკონტინენტი, აზია |
კაბადი — პოპულარული ბუნური დო უჯვეშაში ლაჸაფი აზიას, ნამუთ იკათუანს რკინაფაშ დო წაწაფიშ ელემენტეფს, ნამუსჷთ, არძაშე უკულაში ოთხი ვითოში წანაშ ისტორია უღუ. კაბადიშ გჷმაჭყაფალი რე ინდოეთი, დო მაართა ლაჸაფიქ ოერეფოშქაშე დონეს იმანჯჷ დაკას 1985 წანას. 1990 წანას, კაბადი გემშეღეს პეკინს მანჯაფილჷ აზიურ ლაჸაფეფიშ პროგრამაშა, თიმ ბორჯიშე კაბადი რე რეგულარული სპორტული დისციპლინა აზიურ ლაჸაფეფს. ოსურეფს შქას კაბადიშ მაართა ოერეფოშქაშე არკინაფაქ იმანჯჷ გუანჯოუს, 2010 წანას.
ლაჸაფიშ წესეფი
[რედაქტირაფა | წყუშ რედაქტირაფა]ლაჸაფიშ წესით, ლაჸაფენს ჟირი ბუნა, ნამუსჷთ ირს 12 მოლაჸაფე რე (7 მოლაჸაფე ოლაჸაფე ვეს დო 5 — რეზერვს), იკენა ოლაჸაფე ვეშ 12,5 მ х 10 მ ზჷმაშ ფართობის ჟირ ართიანიშ აწმარენჯი აბანს, ნამუთ შქას გორთილი რე ღოზით. ლაჸაფი თით იჭყაფუ, ნამჷ-და ართი ბუნა მიანტებჷ „გემანთხაფალს“ გჷმართალ ღოზშა, ნამუთ ხეონწუე მომენტის მინმირულე (ტაქტიკურო მინმურს) მაჟირა (აწმარენჯი) ბუნაშ ტერიტორიაშა (ოლაჸაფე ვეშ მაჟირა ნორთშა). სოიშახ თინა („გემანთხაფალი“) თექ რე (აწმარენჯი ბუნაშ ოლაჸაფე ვეს (ტერიტორიას), თინა უმეჭყვიდურელო იძახუ (ღვარანს): „კაბადი! კაბადი!“, მარა აწმარენჯი ბუნაშ ტერიტორიას თის („გემანთხაფალს“) შეულებუ თეიშახ რინა, სოიშახ შეულებუ ძახინი (ღვარაფი), შურიშღალაშ ეშაკაჩუაშ უმუშო. თიში („გემანთხაფალიშ“) ეშაჩინებუ რე — სოიშახ თინა იძახუნ (ღვარანსინ) — ხეთ ვარდა კუჩხით ქაწაწას აწმარენჯი ბუნაშ მოლაჸაფეს (ართის ვარდა მუსხირენს) დო ირტას მუში ტერიტორიაშა (ოლაჸაფე ვეშ ნორთშა). დო თინა („გემანთხაფალი“) ოხვილჷ შურიშღალაშ ეშაკაჩუას-და, თიქ ოკო ირტას, თიშ გეშა ნამჷ-და ბუნას, ნამუშ ტერიტორიას თინა მილარენ, თიშ ჭოფუაშ ნება უღუ. თის („გემანთხაფალს“) შეულებჷ დუდიშ გოდუდიშულაფა, თუ ხეს ვარდა კუჩხის ქჷმიოჭირინუანს ოლაჸაფე ვეშ შქა გჷმარათალი ღოზის-და. აწმარენჯი ბუნაქ მაჟირა აწმარენჯი ბუნაშ „გემანთხაფალს“ ჟირშე ართი კო ოქიმინაფუას: ვარდა ქჷმიაწაწას დიხას, ვარდა გეშეკაჩას შური (შურ გეშაკაჩაფუას). თიშ უკული, მუთ „გემანთხაფალი“ ბუნაშ მოლაჸაფე წჷმოძინელო დირთუნ, მაჟირა აწმარენჯი ბუნაშ მოლაჸაფე, ნამუსჷთ „გემანთხაფალქ“ მიკაწაწუ ხე ვარდა კუჩხინ, ლაჸაფშე გიშმურს. თუ “გემანთხაფალი“ ოჭოფეს-და, თიმწკჷმა „გემანთხაფალიშ“ ბუნაშ ართ-ართი მოლაჸაფე გემანთხაფალო გჷნმირთუ. ლაყაფი იგჷნძორებუ თეიშახ, სოიშახ ართ-ართი ბუნა მუშ არძა მაკათურს მიოდინუანსჷნ (აკა ვადასქიდუნ).[1]
კაბადიშ მოსოფელიშ ჩემპიონატი
[რედაქტირაფა | წყუშ რედაქტირაფა]კაბადიშ მაართა მოსოფელიშ ჩემპიონატიქ იმანჯჷ 2004 წანას, გემაჸვენჯეფი — 2007, 2010 დო 2011 წანეფს. ოთხოლო ტურნირს გომორძგუალა მიპალუ ინდოეთიშ ნაკორობაქ. ირანიშ კაბადიშ ნაკორობაქ (2007 დო 2010 წანეფს) ჟირშა მიპალუ მაჟირა აბანი, 2004 დო 2011 წანეფს, პაკისტანიშ დო კანადაშ ნაკორობეფქ ვარჩხილიშ მენდალეფი მიპალუეს.
მოსოფელიშ ჩემპიონატეფიშ შედეგეფი:
წანა | 1 აბანი | 2 აბანი | 3 აბანი |
2011 | ინდოეთი |
კანადა |
პაკისტანი |
2010 | ინდოეთი |
პაკისტანი |
კანადა |
2007 | ინდოეთი |
ირანი |
ბანგლადეში იაპონია |
2004 | ინდოეთი |
ირანი |
ბანგლადეში კანადა |
მაკათური ქიანეფი
ქიანა | 2004 | 2007 | 2010 | 2011 |
---|---|---|---|---|
7 | 13 | |||
9 | ||||
13 | 9 | |||
3 | 3 | |||
5 | 13 | 5 | 5 | |
ვესტ-ინდოეთი | 10 | 13 | ||
10 | 7 | |||
1 | 1 | 1 | 1 | |
2 | 2 | 9 | ||
7 | 7 | |||
9 | 4 | 4 | ||
3 | 3 | 2 | ||
13 | ||||
10 | 5 | |||
7 | 5 | 11 | ||
5 | ||||
9 | 2 | 3 | ||
5 | 13 | |||
7 | 5 | |||
9 | ||||
5 | 11 | |||
7 | 9 | |||
5 | 3 |
რესურსეფი ინტერნეტის
[რედაქტირაფა | წყუშ რედაქტირაფა]- Welcome to this Wonderful Game of Kabaddi (ინგლ.)
- International Kabaddi Federation (ინგლ.)
- Asian Amateur Kabaddi Federation (ინგლ.)
- Amateur Kabaddi Federation of India (ინგლ.)
- Iran Kabaddi Federation Archived 2021-06-13 ვებ-ხასჷლას Wayback Machine. (ინგლ.)
- Japan Kabaddi Association (ინგლ.)
- International Kabaddi Teams Archived 2011-06-16 ვებ-ხასჷლას Wayback Machine. (ინგლ.)
- A Game Called Kabbadi (ინგლ.)
სქოლიო
[რედაქტირაფა | წყუშ რედაქტირაფა]- ↑ პაკისტანიშ კულტურა დო ხელუანობა. დოარქივაფილი რე ორიგინალშე 2013-03-13-ს. კითხირიშ თარიღი: 2013-02-16.