სამია სულუჰუ
სამია სულუჰუ Samia Suluhu | ||
სამია სულუჰუ, 2017 წანა | ||
თეჟამიანი პოსტი | ||
---|---|---|
დეკინჷ | 19 მელახი, 2021 | |
ვიცე-პრეზიდენტი | ფილიპ მპანგო | |
წიმოხონი | ჯონ მაგუფული | |
პოსტის გერინაშ ბორჯი | ||
5 გერგობათუთა, 2015 – 19 მელახი, 2021 | ||
პრეზიდენტი | ჯონ მაგუფული | |
წიმოხონი | მოჰამედ ღარიბ ბილალი | |
დუნაბადი | 27 ღურთუთა, 1960 ზანზიბარი | |
მენოღალობა | ||
პოლიტიკური პარტია | ჩამა ჩა მაპინდუზი | |
ალმასქუ | ჰაფიდ ამირი | |
სქუალეფი | 4 | |
გონათაფა | მანჩესტერიშ უნივერსიტეტი; მზუმბეშ უნივერსიტეტი | |
რელიგია | ისლამი |
სამია სულუჰუ (დ. 27 ღურთუთა, 1960, ზანზიბარიშ ოსულთანე) — ტანზანიალი პოლიტიკოსი, ჩამა ჩა მაპინდუზიშ პარტიაშ მაკათური. ტანზანიაშ მაართა ვიცე-პრეზიდენტი ოსური (2015-2021). ტანზანიაშ მაართა ოსური პრეზიდენტი 2021 წანაშ 18 მელახშე. 2010-2015 წანეფს რდჷ პარლამენტაშ მაკათური ნოღა მაკუნდუჩიშე.
ბიოგრაფია
[რედაქტირაფა | წყუშ რედაქტირაფა]სამია სულუჰუქ დებადჷ ზანზიბარიშ ოსულთანეს, 1960 წანაშ 27 ღურთუთას. გურაფაშ თებაშ უკული, 1977 წანას მუშობა დიჭყჷ დგეგმარაფაშ დო გოვითარაფაშ ომინისტრეს. 1986 წანას გათჷ მენეჯმენტიშ გოვითარაფაშ ინსტიტუტი (ასე მზუმბეშ უნივერსიტეტი) დო მიპალჷ საჯარე მართუალაშ დიპლომი. 1992-1994 წანეფს გურაფულენდჷ მანჩესტერიშ უნივერსიტეტის დო მიპალჷ ეკონომიკაშ მაგისტრიშ ხარისხი.
პოლიტიკური კარიერა
[რედაქტირაფა | წყუშ რედაქტირაფა]სამია სულუჰუ პოლიტიკას რე 2000 წანაშე, მუჟამსჷთ გეგშაგორეს ზანზიბარიშ წჷმმარინაფალეფიშ პალატაშ მაკათურო დო პრეზიდენტ ამანი აბეიდ კარუმეშ თარობას მიღჷ მინისტრიშ პორტფელი. 2010 წანას გეგშაგორეს ტანზანიაშ პარლამენტიშ მაკათურო მაკუნდუჩიშ ოგიშაგორუე ოლქიშე, სოდე ხონარეფჯშ 80% მიპალჷ.[1] პრეზიდენტი ჯაკაია კიკვეტექ ქჷდარინ რსხუშ საქმეეფიშ მინისტრო.[2]
2015 წანას მადუდე სოციალისტური პარტიაშ, ჩამა ჩა მაპინდუზიშ ოპრეზიდენტე კანდიდატი ჯინ მაგუფულიქ წჷმარინუ ვიცე-პრეზიდენტალაშ კანდიდატო. [3], თინეფიშ ტანდემქ გიმორძგჷ ოპრეზიდენტე გიშაგორუეფს.[4] 2021 წანაშ 18 მელახის, ჯონ მაგუფულიშ ღურაშ უკული ქიანაშ პრეზიდენტო გჷნირთჷ. სამია სულუჰუ ქიანაშ ისტორიას მაართა ოსური პრეზიდენტი რე.[5]
რესურსეფი ინტერნეტის
[რედაქტირაფა | წყუშ რედაქტირაფა]- Professional Newsletter Production by Samia Suluhu et al., (PDF) 2005, OUT/NSHU.
სქოლიო
[რედაქტირაფა | წყუშ რედაქტირაფა]- ↑ Mwakyusa, Alvar. “Tanzania: Samia Suluhu Hassan – a Tough Journey From Activism to Politics“, AllAfrica, 18 September 2014. კითხირიშ თარიღი: 16 November 2016.
- ↑ “Tanzania: History Made as Samia Picked Running Mate“, AllAfrica, 13 July 2015. კითხირიშ თარიღი: 16 November 2016.
- ↑ CCM [ccm_tanzania] (12 July 2015). Mgombea mwenza Urais 2015 wa Mhe. John Pombe Magufuli ni.. (Swahili). კითხირიშ თარიღი: 12 July 2015.
- ↑ Kalinaki, K. Daniel. “CCM's John Magufuli declared Tanzania fifth president“, The East African, 30 October 2015. კითხირიშ თარიღი: 31 October 2015.
- ↑ “John Magufuli: Tanzania's president dies aged 61 after health rumours“, BBC News, 17 March 2021.