Grieps

Grieps of Hrieps (Burgers/Nederlands: Grijpskerke) is 'n durp mie 1.430 inweuners (2023) in de gemeênte Ter Veere dat naebie presies in 't midden van Walchren leit. 't Eit vuuf toegangswegen en je bin mee 10 minuten in Middelburg, Zoetelande of in Oôskappel.

't Bestaed a zeker negen'onderd jaer, mae precies wete ze 't nie. Grieps is bekend om z'n kasteeltje 't Munnikken'of. Dae eit Jacob Cats geweund, die-as Raadspensionaris van 'Olland was in de zeventiende eêuwe. Grieps is vanaf 1812 een eihe gemeênte saeme mie Ter Bottienge en Hoôgelande wimie het in 1816 wier saemengevoegd. Op 1 juli 1966 wier Grieps mie Aegte en Melis saemengevoegd toet Maoriekerke.

Grieps is de leste jaeren bekend ehaore deur ´t boerenrockfestival dat a ´t weekend vô kaoneginnedag (vanof kommende jaer kaoniengsdag) ehouwen aort. Dit festival aort, net as 't durp, Hrieps enoemd.