廣東
23°24′N 113°30′E / 23.4°N 113.5°E
廣東省 广东省 | |
簡稱:粵 | |
廣東省位置 | |
省城 | 廣州市[1] |
最大城市 | 深圳市(人口)[1] |
省委書記 | 黃坤明 |
人大常委會主任 | 黃楚平 |
省長 | 王偉中 |
政協主席 | 林克慶 |
面積 - 總面積 - 佔全國 - 水域佔 |
第4位 598,800km2 1.87[1]% 70% |
人口(2022年) - 總人口 - 佔全國 - 人口密度 |
第1位 126,568,000 8.92% 701人/km²(第4位) |
- 民族 | 漢族(以廣府民系為主) 壯族 瑤族 |
- 本地語言 | 粵語 客家話 閩語 |
GDP(2022年) - 總值 - 佔全國 - 人均GDP - HDI(2020年) |
第1位 129118.58億人民幣 10.67% 98,285元人民幣 0.805(第5位) ── 極高 |
政區類別 | 省 |
轄下 - 地級 - 縣級 - 鄉級 |
21 121 1585 |
ISO 3166-2 | CN-44 |
時區 | UTC+8 |
網站 | 廣東省人民政府 |
廣東(粵拼:gwong2 dung1,英文:Guangdong,傳統英文名:Canton Province,郵政式拼音:Kwangtung),簡稱
廣東喺語言風俗、歷史文化等方面都有自己獨特嘅一面,同大陸其他地區有好大唔同。廣東亦係大陸地區最發達嘅省份。廣東同廣西、香港、澳門等地有諸多淵源,尤其係喺歷史、語言、文化方面,而廣字就係源於佢哋自晉朝都係跟住同一行政區廣州。廣東地區主要通行嘅三大語言係粵語、客家話、潮州話,少啲人講嘅仲有雷州話、粵北土話以及少數民族嘅壯語、苗語等等語言。
史
編輯喺十幾萬年前,韶關曲江縣有馬壩人住響度,雲浮同封開都發現過舊石器時代時期嘅文物。
秦朝以前,廣東係越族人聚居之地,稱為百越地,周夷王八年建立嘅楚庭,成為廣東地區嘅中心。秦始皇33年統一嶺南後建郡,嗰陣屬南海郡。漢朝初趙佗據嶺南三郡建立南越國,建都番禺(家下廣州)。廣東成為南越國政權地頭。元鼎六年,漢武帝平南越,開番南海郡。元封五年被收入交州。
三國至隋唐
編輯三國吳黃武五年,即226年,分交州合浦以北地段,大約而家廣東地區,叫做廣州,中間取消過,又恢復返。晉朝同南北朝就繼續用呢嗰名。隋文帝在位時,廢晒所有郡,起廣州總管府。仁壽元年因避皇太子楊廣嗰名就改為番州。大業三年復置南海郡,屬番州。唐武德四年復置廣州,初為總管府,後改都督府。貞觀元年置嶺南道。乾元元年,罷嶺南道採訪使,改設嶺南節度使,齋管家下廣東地區。咸通三年嶺南分東、西二道,今廣東屬嶺南東道。
五代及宋
編輯唐末諸藩崛起,南漢國喺嶺南立國,廢嶺南道。而廣東成為南漢政權嘅中心地區,由南漢朝廷直轄。宋太祖開寶四年平南漢廢佢建制,復置嶺南道。大宋至道三年設廣南東路,係今日廣東省名嘅出處。
元
編輯元朝至元十五年,即係1278年,今日廣東分屬兩個行中書省。廣東主要境係歸江西行中書省,下便嘅廣東道宣慰使司,治所喺廣州路。而今日廣東西便,係屬湖廣行中書省,下便嘅海北海南道宣慰使司,治所喺雷州路[4]。
明
編輯明洪武二年,即1369年5月改元朝時廣東道做廣東行省。洪武九年(1376年)7月,廣東行省改做廣東承宣佈政使司,通稱廣東省。
清
編輯清為廣東省,受兩廣總督管。分做六道,廣肇羅道、南韶連道、惠潮嘉道、高雷陽道、廉欽道同埋瓊崖道。兩廣總督初駐肇慶府、後駐廣州府。
近代
編輯1911年11月9號,廣東省宣佈獨立,成立軍政府,1912至1913年,實際上由中華民國臨時政府管治,之後成為中華民國轄區。1916年7月6號改為文人政府。其後多次成為孫中山反北洋政府運動嘅大本營。1926年11月10號省政府改稱省國民政府(喺12月5號前法律上仲係由廣州國民政府直接管轄)。陳濟棠主政期間(1929年–1936年),廣東經濟、文化、交通同埋城市建設喺呢段時間都有顯著發展。
1938年10月21號至1945年8月15號,部份地區(包括廣州、佛山、中山、江門、東莞、寶安、惠州等地)淪入日軍手中。
1950年6月27日,中國人民解放軍攻佔珠海萬山群島,全省落入中華人民共和國手中。省政府沿用國民政府嘅制度繼續做省政府,但後來改咗做省人民政府。1968年2月21日,廣東政府因文化大革命跟風改名廣東省革命委員會。1979年叫返省人民政府。
中華人民共和國建國以後,廣東行政區域縮咗,包括將懷集由廣西劃入廣東,而欽州、防城港、北海就撥入廣西,後來又將海南島獨立建省等。海南建省嘅計劃其實早喺民國時期已經有,當時嘅海南重劃為特別行政區,只不過因為中共入侵,令到計劃擱置。
地理
編輯廣東周圍有福建、江西、湖南、廣西、海南、澳門、香港。位於中國南部,北依南嶺山脈、東北為武夷山脈,南臨南海,海岸線3368公里(唔包含島嶼海岸線)。全境地勢北高南低,北部、東北部同西部都有較高山脈,中部同南部沿海地區多數係低丘、臺地或平原,山地和丘陵大概佔62%,臺地同平原大概佔38%。主要山脈有蓮花山、羅浮山、九連山、青雲山、滑石山、天露山、雲霧山、雲開大山,多呈東北至西南走向,並同海岸線平行。集水面積100平方公里以上嘅幹支流河道一共有640條,分屬珠江同埋沿海諸河水系,主要有東江、北江、西江同埋韓江;境內多年平均降水量1774毫米。
行政區劃
編輯廣東下轄21個地級市,55個市轄區、21個縣級市、41個縣同埋3個自治縣。
廣東省政區 | # | 區劃名稱 | 粵拼 | 政府所在地 | 面積(km²) | 人口 (2010) |
---|---|---|---|---|---|---|
— 副省級市 — | ||||||
9 | 廣州市 | gwong2 zau1 si5 | 越秀區 | 7,435 | 12,700,800 | |
21 | 深圳市 | sam1 zan3 si5 | 福田區 | 2,007 | 10,357,938 | |
— 地級市 — | ||||||
1 | 清遠市 | cing1 jyun5 si5 | 清城區 | 19,264 | 3,698,394 | |
2 | 韶關市 | siu4 gwaan1 si5 | 湞江區 | 18,398 | 2,826,612 | |
3 | 河源市 | ho4 jyun4 si5 | 源城區 | 15,644 | 2,953,019 | |
4 | 梅州市 | mui4 zau1 si5 | 梅江區 | 15,925 | 4,240,139 | |
5 | 潮州市 | ciu4 zau1 si5 | 湘橋區 | 3,083 | 2,669,844 | |
6 | 肇慶市 | siu6 hing3 si5 | 端州區 | 15,007 | 3,918,085 | |
7 | 雲浮市 | wan4 fau4 si5 | 雲城區 | 7,762 | 2,360,128 | |
8 | 佛山市 | fat6 saan1 si5 | 禪城區 | 3,875 | 7,194,311 | |
10 | 東莞市 | dung1 gun2 si5 | 南城街道 | 2,512 | 8,220,237 | |
11 | 惠州市 | wai6 zau1 si5 | 惠城區 | 11,158 | 4,597,002 | |
12 | 汕尾市 | saan3 mei5 si5 | 城區 | 4,957 | 2,935,717 | |
13 | 揭陽市 | kit3 joeng4 si5 | 榕城區 | 5,269 | 5,877,025 | |
14 | 汕頭市 | saan3 tau4 si5 | 金平區 | 2,123 | 5,391,028 | |
15 | 湛江市 | zaam3 gong1 si5 | 赤坎區 | 11,693 | 6,993,304 | |
16 | 茂名市 | mau6 ming4 si5 | 茂南區 | 11,345 | 5,817,753 | |
17 | 陽江市 | joeng4 gong1 si5 | 江城區 | 8,005 | 2,421,812 | |
18 | 江門市 | gong1 mun4 si5 | 蓬江區 | 9,553 | 4,448,871 | |
19 | 中山市 | zung1 saan1 si5 | 東區*[b] | 1,770 | 3,120,884 | |
20 | 珠海市 | zyu1 hoi2 si5 | 香洲區 | 1,696 | 1,560,229 | |
注:東沙群島屬廣東省汕尾市,但實際由中華民國(臺灣)高雄市控制。 |
經濟
編輯人口
編輯153,266,532
民族同埋民系
編輯廣東以前係百越族居住嘅地方,民族成分複雜多樣。隨住歷史上漢族人嘅不斷南遷,民族間不斷融合,如今廣東以漢族人佔絕大多數,少數民族有瑤族、壯族、畲族、滿族、回族等等。
廣東三大民系
編輯廣東三大民系係指廣東漢族人裏面嘅廣府人、客家人、鶴佬人,佢哋佔咗廣東漢族人嘅大多數。因為三大民系先民入粵有先後、使用嘅語言迥異、習俗各有特色而形成。以前三個民系間有過矛盾,但今日民系間已和睦相處,保持自身特色之餘同時又相互交融。
廣東有五個世居嘅少數民族:畲族、壯族、瑤族、回族、滿族,其中以壯族最多人。
語言
編輯廣東本地人主要講粵語(廣東話)、客家話、潮州話、雷州話、韶州土語等,其中除土語外,其餘都屬於漢語族裏面嘅粵語、客語、閩語支,呢三大方言嘅母語使用者約佔廣東本地人嘅45%、30%、25%。廣東嘅廣州話同埋梅縣話分別係粵語同埋客家話嘅代表音,可見廣東方言喺漢語方言中佔據重要地位。
由於外地民工湧入,廣東都有人講普通話同外省嘅方言。而廣東本地少數民族就用自己嗰種語言。
粵語
編輯粵語,又叫廣東話,大陸有啲人稱呼佢「粵方言」,係廣東最多人用嘅語言。粵語以廣州話為公認嘅標準音,又叫做「白話」,英文叫「Cantonese」。係漢語族之中語言現象比較複雜、保留古時百越辭彙比較多、內部差異較細嘅語言。主要分布香港、澳門、廣東省大部份、廣西壯族自治區東南部,同埋廣泛分布響海外華人社區。
響廣東省,粵方言主要分布響珠三角及粵西地區,內部差異唔大,廣東省境內純講粵語或者講部分粵語嘅縣市有 47 個,佔全省面積三份一以上,有廣州、佛山、肇慶、江門、深圳、茂名、中山、珠海、南海、番禺、東莞、順德、龍門、佛岡、增城、從化、花都、清遠、連縣、陽山、連山、懷集、廣寧、四會、三水、高要、雲浮、高明、新興、鶴山、封開、鬱南、德慶、羅定、陽春、陽江、信宜、高州、化州、吳川、台山、開平、新會、恩平、斗門。此外,惠州、韶關、湛江、海豐、博羅、惠陽、惠東、仁化、樂昌、英德、寶安、電白、遂溪、海康、徐聞、廉江等 16 個縣市亦有部份地區講粵語嘅。
客家話
編輯客家話主要分布響粵東地區,其中河源、梅州係純客家話地區,惠州、深圳、東莞、韶關、汕尾,以及粵西部分地區都係講客家話。
閩語
編輯廣東嘅閩語流行於潮汕地區、汕尾、湛江、中山沙溪一帶等等地方。潮汕地區通常叫佢哋嘅閩語做潮州話或者潮汕話、湛江就叫雷州話、而中山就俗稱隆都話。廣東省常務副省長湯炳權就係隆都人。據隆都誌話齋,沙溪原本係一個島,但福建有漁民先移居呢度、咁就保留咗非常濃厚嘅福建風俗同閩語口音。
宗教
編輯佛教
編輯可統計嘅佛教信徒有32萬人。列為漢族地區佛教全國重點寺院嘅有:韶關南華禪寺,廣州六榕寺、光孝寺,乳源縣雲門寺,肇慶慶雲寺,潮陽縣靈山寺,潮州開元寺。南華禪寺係禪宗嘅祖庭。
道教
編輯可統計嘅道教信徒有12萬人,博羅縣羅浮山沖虛古觀列為全國重點道觀。
基督教
編輯廣東係基督新教最早傳入中國嘅地區(1807年)。1949年廣東有9萬基督教信徒,屬於基督徒較多嘅省份;如今可統計基督教信徒30萬人,喺全國已經屬於基督徒較少嘅地區之一。信徒多數係東部地區嘅客家人同潮汕人。客家人地區嘅基督教主要淵源於瑞士巴色會嘅傳教活動。廣東人之中,除廣州市區以外,信基督教嘅人好少。深圳市嘅信徒以外來移民為主。
天主教
編輯可統計嘅信徒有20萬人,大部分屬於汕頭教區。肇慶係明代傳教士利瑪竇首先進入嘅中國大陸城市(1583年)。廣州教區嘅耶穌聖心主教座堂(石室)係一座著名嘅哥德式建築。
伊斯蘭教
編輯單喺廣州、肇慶就有2萬名穆斯林。廣州懷聖寺光塔嘅歷史可以追溯到唐宋時期。
文化
編輯廣東具有歷史悠久而又獨具特色嘅文化。廣東粵菜譽滿全國。客家圍屋被認為係中國漢人南遷移民文化嘅代表性建築。
歷史文化名城
編輯飲食
編輯廣東嘅飲食天下聞名,廣州菜係粵菜嘅代表,更加有「食在廣州」嘅朵,潮菜以精緻典雅著稱,客家菜就以原汁原味見長。廣東人普遍鍾意飲烏龍茶,其中以潮州功夫茶最出名。
戲劇
編輯音樂
編輯建築
編輯藝術
編輯古蹟
編輯- 國家級文物保護單位
教育
編輯廣東人重視教育,興寧等地都係「院士之鄉」。廣州係中國大專院校分佈最密集嘅城市之一。著名嘅大學有中山大學、華南理工大學等。睇廣東大學一覽。
名人
編輯古代
編輯- 楊孚:東漢大學者,廣州河南下渡村人,寫咗有廣東第一本地方志一《異物志》,本書包含埋啲廣西及東南亞嘅史料。
- 冼夫人:女酋長,隋文帝楊堅賜封譙國夫人。
- 張九齡:唐玄宗開元年間宰相,韶關(舊稱曲江)人。係廣東兼大陸南方首個常科狀元。
- 惠能:唐代禪宗六世佛祖,簡稱六祖,盧姓,喺廣東新興縣出世。
- 莫宣卿:(834年-868年)今廣東封開縣河兒口鎮人,大陸史中最後生嘅狀元,中舉時十七歳,同時係兩廣第一個博學宏詞科「狀元」(即敕頭)。
- 陳大震:有話係廣州沙村人,南宋理宗寶就元年(1253年進士,咸淳七年(1271年)做雷州嘅官陣,創立咗萊泉書院仲寫有《大德南海志》。到元朝就退穏,不仕蒙元政權。
- 李江(明朝詩人),開平人
- 倫文敘( 一四六七年至一五一三年),狀元,佛山市南海區黎涌人,民間好多人識佢
- 陳獻章:明前理學家,廣東新會人。
- 袁崇煥:明末將領,廣東東莞人,有話係廣西藤縣人。
- 佘義士:明末廣東廣州府順德縣人,喺袁崇煥將軍死後,冒著被滅門嘅危險,偷偷埋葬袁崇煥嘅頭顱,並代代為佢守墓,到而家嘅十七代孫,十八代孫仲同袁將軍守著個墓
- 羅芳伯:清朝乾隆時期人,生於廣東嘉應州,蘭芳共和國開創者。
近現代
編輯- 陳澧(1810-1882):清朝道光年間著名音韻學者,著有《廣州音說》一書。廣州番禺人。
- 潘仕成
- 洪秀全
- 康有為
- 梁啟超
- 黃遵憲
- 吳趼人
- 伍廷芳
- 容閎
- 詹天佑
- 馮如
- 馬應彪
- 蔡昌
- 鐘榮光
- 孫中山
- 胡漢民
- 汪精衛
- 陳濟棠
- 李鐵夫(1869-1952):名油畫家、革命家,獲譽係油畫之父,廣東鶴山縣人。
- 高劍父
- 潘達微
- 劉紀文
- 馮如(1884-1912):民國航空之父,廣東恩平人。
- 朱德(1886-1976):中華人民共和國開國領導人、中華人民共和國十大元帥之首,祖籍廣東韶關。
- 葉劍英
- 許廣平
- 冼玉清(1895-1965):原籍南海西樵,澳門出世,學者、廣東文獻專家, 學術界尊稱佢做冼子,有「嶺南第一才女」、「仟佰年來嶺南巾幗無人能出其右」之美譽,著作有《潄珠崗志》,《更生記》等等
- 彭湃(1896-1929):中國共產黨早期領導人之一,廣東海豐縣人氏。
- 吳尚時(1904-1947):廣東開平人,地理學家。
- 梁方仲(1908-1970):廣州人,著名經濟學家,著有《明代糧長制度》、《中國歷代田賦》等,又係廣州市中山大學「八大教授」之一。
- 饒宗頤(1917-2018):國學大師,廣東潮州人。
- 李光耀:祖籍梅州大埔高陂。
- 黃霑:廣州度出世。香港四大才子之一。
- 李嘉誠:香港首富,廣東潮州出世。
- 丘成桐:美籍華人,世界知名數學家。祖籍廣東蕉嶺。1982年獲世界數學最高獎菲爾茲獎。
- 他信:泰國前首相。祖籍廣東潮州府豐順縣。
- 英拉:泰國前首相。他信嘅妹。祖籍廣東潮州府豐順縣。
- 馬化騰:廣東汕頭市人。
- 曾蔭權:祖籍廣東南海九江鎮。
- 許崇智
- 馬思聰
- 冼星海
- 蔡楚生
- 黃飛鴻
- 吳耀宗
- 紅線女
- 薛覺先
- 關山月
- 葉挻
中華人民共和國成立後領導人
編輯省委書記:
省長:
註
編輯- ↑ 排喺廣東前面嘅一級行政區劃嘅第一、二、四名分別係美國加州(Nominal GDP: 3,598 Billion US[2] D)、美國德州(Nominal GDP: 2,356 Billion USD[2])、美國紐約州(Nominal GDP: 2,053 Billion USD[2]),第三名係英國英格蘭(Nominal GDP: 2,177 Billion USD[3])。可以睇下維基百科嘅GPD過千億美元嘅一級行政區列表。
- ↑ 係地方設立嘅縣級政區或經濟管理區,無喺中華人民共和國民政部登記。
攷
編輯- ↑ 1.0 1.1 1.2 〈广东省情概况〉 (中國中文). 广东省人民政府. 原著喺2016年4月17日歸檔. 喺2018年3月5日搵到.
- ↑ 2.0 2.1 2.2 "Regional Data GDP and Personal Income". GDP by State | U.S. Bureau of Economic Analysis (BEA). Bureau of Economic Analysis. 喺14 April 2023搵到.
- ↑ "Regional gross value added (balanced) per head and income components - Office for National Statistics". www.ons.gov.uk.
- ↑ 明史。志。地理。福建、廣東、廣西
出面網頁
編輯- 廣東省人民政府(大陸簡體)
OpenStreetMap上面有關廣東嘅地理資訊