張兆輝
張兆輝(Eddie Cheung,1963年2月4號—)係香港電影同電視男演員,邵氏兄弟旗下藝員。
張兆輝 | |
---|---|
男演員 | |
羅馬拼音 | Cheung Siu Fai |
英文名 | Eddie Cheung |
花名 | 輝哥、Eddie、輝仔、GoGo Sir |
國籍 | |
籍貫 | |
出世 | |
母校 | 沙田公立學校[註 1][註 2] 模範英文中學[註 3] |
配偶 | 郭碧妍 |
仔女 | 張卓鏗(Edison) 張卓姿(Twiggy) 2004年7月14號 |
活躍年代 | 1982年至今 |
經紀公司 | 無綫電視(1982-2002、2011-2013、2017至今) 銀河海潤演藝有限公司 邵氏兄弟(2018年至2021年) |
網路電影資料庫(IMDb)資訊 |
背景
編輯張兆輝籍貫廣東南海,生於清貧家庭,有四兄弟姊妹。細個住喺沙田美林邨附近嘅木屋區。佢讀過沙田公立學校同模範英文中學(同劉青雲係同班同學)。讀書嗰陣成績一般,小四之後因為愛上足球運動更加無心機讀書。中五畢業前,佢英文科老師建議佢報考無綫電視藝員訓練班,以增廣見聞[註 4]。佢之後成功投考第11期無綫電視藝員訓練班(1982年)[1],同期出道嘅重有梁朝偉、周星馳、吳鎮宇、李子雄等等。出道初期佢都係喺無綫連續劇擔任跑龍套嘅小角色,後來被安排喺處境喜劇《香港八五》飾演「順嫂」二仔張鏘,一直到1986年先喺《神勇CID》、《黃金十年》一劇中擔任第一男主角。自此張兆輝不斷參演一啲一綫角色,並客串電影。到2002年拍完《雲海玉弓緣》之後離開無綫。其後於2011年獲無綫邀請回巢拍攝《結·分@謊情式》。2019年,佢喺《2019第十一屆澳門國際電影節》憑電影《催眠・裁決》得到「最佳男配角」。[2]
節目主持
編輯無綫月曆
編輯獎項
編輯- 2005年:第五屆華語電影傳媒大獎 最佳男配角 《柔道龍虎榜》
- 2014年:聖地牙哥獨立電影節 最佳男主角 《恐怖在線》
- Accolade Global Film Competition 最佳男主角 《恐怖在線》
- 2016年:第19屆華鼎獎中國百強電視劇滿意度調查發佈盛典 - 全國觀眾最喜愛的影視明星
- 2019年:2019第十一屆澳門國際電影節 - 最佳男配角(《催眠・裁決》)
註
編輯- ↑ 張兆輝就讀仍然係鄉村學校時期嘅沙田公立學校。佢出席過該校建立60週年紀念活動。
- ↑ 資料出自香港電台第二台廣播節目《守下留情》2014年9月8號播出嘅訪問「近代豪俠系列十二 : 嘉賓 張兆輝 - 自細習慣DIY 輝哥的確係好乖」。
- ↑ 根據張兆輝於香港電台第二台廣播節目《守下留情》訪問「近代豪俠系列十二 : 嘉賓 張兆輝 - 自細習慣DIY 輝哥的確係好乖」中提及,已故足球員文錦棠係佢中學時足球校隊嘅教練。而文氏所任教嘅隊伍所屬學校正係以前位於九龍塘牛津道嘅模範英文中學。所以張兆輝係該校畢業生。
- ↑ 關於張兆輝嘅家庭背景同埋入行經過嘅資料出自香港電台第二台廣播節目《守下留情》2014年9月8號播出嘅訪問「近代豪俠系列十二 : 嘉賓 張兆輝 - 自細習慣DIY 輝哥的確係好乖」。
參考資料
編輯- ↑ 《信息时报》;作者:安琪 何珊 沐旭 (2012年10月14號). 董文 (編). 〈TVB藝員訓練班教學大公開 揭秘不為人知的校规〉 (簡體中文). 搜狐网>电视 TV>港台电视. 喺2012年10月14號搵到.
- ↑ 〈【澳門國際電影節】張兆輝奪最佳男配角〉. 《明周娛樂》 (美國英文). 2019-12-23. 原著喺2020-01-11歸檔. 喺2020-01-11搵到.