周澄
閱讀設定
周澄 | |
---|---|
出生日 | 1986年9月13號 |
出生地 | 江門市 |
國籍 | 中華人民共和國 |
母校 | 香港中文大學、倫敦大學亞非學院 |
職業 | 新聞從業員 |
阿媽 | 岸西 |
[改維基數據] | |
周澄(Crystal Chow,1986年9月13號—)係香港中文大學文化研究系3年級學生[咩時候?],學聯前秘書長(2009-2010),香港中文大學學生會前任外務副會長(2008-2009),支聯會青年組組員。周澄曾經做過公民黨2007年區議會選舉助選義工,嚮2010年同另外4個學聯前成員成立大專2012,佢出選新界東選區補選,挑戰梁國雄。
生平
[編輯]周澄阿媽係編劇岸西[1][2]。周澄讀過香港左派學校培僑中學,鍾意搞政治搞香港民主運動,2001年周澄入支聯會青年組,嗰時先15歲,又做埋執委;2004年立法會選舉時,幫七一連線助選。2006年,做支青組教育同出版幹事。周澄成日搞社會同政治運動。
2010年,佢亦代表大專2012參選立法會新界東補選,攞到17260票,係落選之中最多嗰個,僅次於梁國雄108927票 [3]。
佢2010年6月底喺週刊自爆曾經做舞小姐,但係淨係做「金魚」(唔係「木魚」,睇得唔扑得)冇賣淫。做舞小姐嗰陣暱稱「大海無量」。80後反特權青年林輝同佢拍拖嗰陣就係佢晌夜總會做嗰陣,林輝話周澄絕對冇為客人提供性服務,淨係賣啤酒[4]。件事曝光之後周澄照樣參加七一遊行,遊行期間佢強調自己無賣肉,又話做舞小姐係佢人生經驗,唔會話係做錯事。
事件曝光後,網上討論區個別網民幫周澄改咗個花名「民主舞女」。