國際培幼會
國際培幼會（英文：Plan International），响中國大陸叫國際計劃，係一個跨國非政府慈善機構，主要為咗保護細路仔同改善佢哋嘅生活。國際培幼會响1937年成立，總部响英國，冇宗教、政治或政府背景，服務遍及56個發展中國家。
簡介
[編輯]國際培幼會喺1937年成立，總部喺英國，係全球其中一個規模最大嘅國際兒童慈善機構。國際培幼會兒童發展計劃遍及非洲、亞洲、美洲、大洋洲共56個發展中國家，並喺21個國家設立捐款辦事處。計劃主要集中喺兒童健康、教育、環境、生計方面等，持久長遠地改善細路嘅生活質素。國際培幼會喺一個獨立嘅慈善機構，冇任何宗教、政治或政府背景。
目標
[編輯]致力創造一個公平嘅世界，以促進兒童權益同畀女仔得到平等機會。
- 令兒童、青年、社區有能力從根本上改變女仔被歧視、被排斥同脆弱嘅處境，促進女仔嘅權益。
- 透過對兒童問題嘅了解、處理問題嘅經驗同知識，喺社區、國家、全球層面推動同實踐政策改革。
- 與兒童同社區合作，幫助佢哋提高防災知識同應對危機同逆境嘅能力。
- 為BB出世到成年提供安全嘅環境，畀佢哋健康成長同發展所長。
香港
[編輯]香港辦事處喺1959年至1973年期間，以國際培幼會（Foster Parents Plan）名義，喺香港提供服務。當時，接近12,000名香港兒童同佢哋嘅屋企人度過困苦艱辛歲月。2009年6月18號，相隔50年之後，再開設香港分部籌款辦事處，延續佢哋嘅慈善事業。
本地項目
香港辦事處以「兒童保護」工作為重點，並賦權畀年青人，發揮潛能，作出改變。其中包括同香港城市大學亞洲及國際學系合辦國際培幼會青年會議，畀年青人了解同反思低收入國家女童嘅狀況。而「愛．女孩」─ Be a Change-maker就鼓勵年青人以行動去改變社區。培幼會亦會舉辦「『愛．女孩』─ 體驗之旅」，畀年青人去低收入國家探訪，了解唔同文化，擴闊世界視野。其他工作就同唔同民間組織、社區、學術界合作，透過研究、倡導工作等去達到保護兒童嘅目標。
