孟子
閱讀設定
孟子 | |
---|---|
姓名原文 | 孟子 |
出生日 | 372年 BC |
出生地 | Zhu |
本名 | 孟轲 |
死亡日 | 289年 BC |
國籍 | Zhu |
識嘅語言 | 上古漢語 |
信奉 | 儒家 |
職業 | 哲學家、作家 |
阿爸 | Meng Ji |
阿媽 | 孟母三遷 |
[改維基數據] | |
孟子(前372年—前289年),即係孟軻,字子舆,又叫尊稱孟夫子。佢係中國戰國時期儒家嘅代表人物,同孔子合稱孔孟。後世尊佢為亞聖,即係喺至聖先師孔子之後。儒家有所謂孔曰成仁,孟曰取義。
孟子言論,集於《孟子》一書。書中後尾定爲《四書》之一,佔四份之一。但按字計,則佔《四書》嘅一半。影響至大。
生平
[編輯]孟子生平不詳,觀乎生平言論,就活躍於戰國中前期。
相傳孟子係山東鄒縣人,三歲阿爸過咗身,由阿媽養大孟子。好多關於孟子阿媽教孟子嘅故仔,好似「孟母三遷」,都成為咗兒童文學嘅內容。
孟子後生嗰陣專攻儒家學說,經常要周遊列國游說,但各國都唔信佢嗰套學說。結果孟子唯有退隱山東,同弟子一齊著書終老。
學說
[編輯]孟子見於戰國中前,距戰國開年六七十年,尚百一年先至統一。當時各國全民皆兵,互相攻伐,周禮盪然無存。孟子見到係生靈塗炭,戰場斬殺上萬人,唔係戰死就餓死,到處難民。同二百年前,孔子春秋時期完全唔同。所以孟子思想取態亦有所不同。
孔子主張守禮,回復過去,但孟子就認爲戰亂期,都返唔到轉頭,必要改弦更張,另立方法,達至一統和平。孟子認爲,國君應發善心,不好殺,如果君反覆犯大過,可以另搵人替佢,都唔係周禮嗰套。孟子之於禮,係隨心所欲,唔似孔堅持守禮。
孟子主張人性本性,認為人天生就係善良。佢話「無惻隱之心,非人也」。因為人人都係善良,君王只需要發揮仁慈嘅心,就可以治國平天下。所以人人有心,都隨時可以做到聖人咁,呢個同孔子主張有唔同。因爲孟子認爲性本善,亦帶有慈悲心場,到到爲民情命。
著作
[編輯]孟子寫咗《孟子》一書,而家留存咗七篇。