安藤櫻
安藤櫻 | |
---|---|
姓名原文 | 安藤サクラ |
出生日 | 1986年2月18號 |
出生地 | 東京市 |
本名 | 安藤 さくら |
國籍 | 日本 |
識嘅語言 | 日文 |
母校 | Gakushuin Women's College |
職業 | 演員 |
配偶 | 柄本佑 |
阿爸 | 奧田瑛二 |
阿媽 | Kazu Andō |
兄弟姊妹 | Momoko Andō |
[改維基數據] | |
安藤櫻(日文:
家族
[編輯]安藤櫻出身嘅家族都好出名,太公係前日本首相犬養毅,而阿公係前法務大臣犬養健。阿媽係犬養健嘅私生女、女作家安藤和津,老豆係出名嘅電影監督奧田瑛二(原名安藤豐明),而家姐係電影導演安藤桃子。佢嘅遠房親屬係國際協力機構前理事長緒方貞子,表哥係犬養千春[1]。
安藤櫻嘅老公係男藝人柄本佑,兩個人響2008年識嘅。因為柄本佑出身於演藝世家,老豆柄本明同阿媽角替和枝都係日本有名嘅演員,所以呢場戀情好受到日本市民留意。響拍拖三年後就談婚論嫁喇,最終佢哋響2012年結婚。[2]2017年6月,安藤櫻生咗個女[3]。
經歷
[編輯]響安藤櫻五歲嗰陣,佢睇到由老豆奧田瑛二主演嘅舞台劇,因而想做演員,但因為老豆阿媽都係演員,唔希望畀人唱為「演藝世家」,因而放棄呢個夢想。直到高中時期,佢響唔少餐廳打完工後,決定加入娛樂圈[4]。
2007年,安藤櫻正式出道,第一個作品係由老豆監督嘅電影《風之外側》。2009年,佢響由園子溫監督嘅電影《愛的曝光》入面因為好好嘅發揮而開始有人睇起佢[5]。
2011年,佢以《健太與純與加世的國度》而走紅;2012年以《愛與誠》攞到日本電影旬報獎、橫濱電影節、報知電影獎同埋每日電影獎嘅最佳女配角[6];一年後又以《家族的國度》攞到藍絲帶獎、日本電影影評大獎同埋日本放送電影藝術大賞最佳女主角獎,成為電影旬報獎史上第一個同時之間攞到最佳女主角同配角嘅演員。[6]
2014年,佢以《百元之戀》第二次攞到藍絲帶獎、電影旬報獎同埋每日電影獎嘅最佳女主角。同年佢畀電影旬報選為「日本電影史上100位女演員榜」入面嘅第八名[7]。
2017年大女出世,同年安藤響第40屆日本電影學院獎入面同西田敏行做司儀,同時都有出席東京國際電影節[8]。
2018年,佢有份拍嘅《小偷家族》出嗮名,攞到第71屆康城影展嘅金棕櫚獎,響世界打響名堂。同時,佢以呢套電影分別攞到好多嘅女主角獎,其中響每日電影獎、電影旬報獎入面仲同老公柄本佑一齊攞到男女主角獎,成為日本史上第一對兩公婆都可以包嗮男女主角獎[9][10]。
攷
[編輯]- ↑ 〈超お嬢様の金持ちエピソード連発 フット後藤もあ然「ハンパじゃない」〉. www.sponichi.co.jp. 喺2020-11-28搵到.
{{cite web}}
: CS1 maint: url-status (link) - ↑ 〈柄本佑と安藤サクラが結婚!交際3年!芸能一家同士のビッグカップル!|シネマトゥデイ〉. 《シネマトゥデイ》 (日文). 喺2020-11-28搵到.
- ↑ 〈「まんぷく」安藤サクラ、朝ドラ初ママさんヒロイン - ドラマ : 日刊スポーツ〉. nikkansports.com (日文). 喺2020-11-28搵到.
- ↑ 〈2度目の「ブルーリボン」 安藤サクラの"特異性"に絶賛の声|日刊ゲンダイDIGITAL〉. 《日刊ゲンダイDIGITAL》. 喺2020-11-28搵到.
- ↑ 〈イギリスで園監督の『愛のむきだし』一般公開決定!安藤サクラの妖艶演技を姉モモ子「父の奥田瑛二譲り」|シネマトゥデイ〉. 《シネマトゥデイ》 (日文). 喺2020-11-28搵到.
- ↑ 6.0 6.1 〈(cache) 日本映画作品賞は「かぞくのくに」…キネマ旬報 : ニュース : エンタメ : YOMIURI ONLINE(読売新聞)〉. archive.is. 2013-01-11. 歸檔時間2013-01-11. 喺2020-11-28搵到.
{{cite web}}
: CS1 maint: bot: original URL status unknown (link) - ↑ 〈キネマ旬報お知らせ履歴 | キネマ旬報社〉. web.archive.org. 2014-12-23. 歸檔時間2014-12-23. 喺2020-11-28搵到.
{{cite web}}
: CS1 maint: bot: original URL status unknown (link) - ↑ 〈子育てと朝ドラ、安藤サクラを支える「働き方改革」 - B面★梅ちゃんねる - 芸能コラム : 日刊スポーツ〉. nikkansports.com (日文). 喺2020-11-28搵到.
- ↑ Inc, Natasha. 〈毎日映画コンクールで「万引き家族」が大賞ほか3冠、柄本佑と安藤サクラが主演賞〉. 《映画ナタリー》 (日文). 喺2020-11-28搵到.
- ↑ 〈安藤サクラ"夫婦W受賞"に感涙 夫・柄本佑と主演賞を独占〉. ORICON NEWS. 喺2020-11-28搵到.