月季
物種分類 | ||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|
| ||||||||||||||||||||||
Rosa chinensis (Jacq.) |
月季(粵拼:jyut6 gwai3),花一種,係灌木,或係藤木,又寫月瑰、月瑰花。生物而言,歸薔薇科薔薇屬,拉丁學名Rosa chinensis。原產地於中國華中地區,而家喺全球好多國家地區都可以搵到。
英文稱之為monthly rose,月月玫瑰之意。皆因月季又叫月月紅、月月花。
形態
[編輯]佢嘅枝葉都好光滑,冇毛,但有皮刺。花比較大,尤其係花瓣,一般都係闊而厚,而且開咗花之後連續10個月都唔會謝,花味都幾清香下;而開花都係以k=5n(n∈Z+)嘅數量,而且雄蕊比較多,都生喺凹咗落去嘅花托嗰度;花色一般係紅、白、綠、黃、紫、灑金等色。而開花期係每年2~12月。
適應能力
[編輯]呢種植物嘅適應能力都好犀利下,重可以淨化環境。
用途
[編輯]呢種植物成日用嚟做公園、學校、名勝同醫院、機關嘅盆栽、甚至用嚟做佈置花壇、花帶、花徑、花籬、花牆同盆栽、插花材料。
藥用價值
[編輯]維基百科嘅醫學類文章只係提供參考,並唔係醫療意見。 閣下如果有任何關於健康嘅問題,請諮詢專業醫護人員。 |
月季嘅根、葉、花都可以做藥,有活血消腫、消炎解毒嘅功效。
分類
[編輯]月季喺園藝嚟講可以分成9類:
- 中國月季
- 微型月季
- 十姊妹月季
- 多花月季
- 特大多花月季
- 單花月季
- 單花大型月季
- 藤木月季
- 樹形月季
- 野生月季
其中十姊妹品種最多,一樖可以開超過50朵花,而且四季都有花。而單花大型月季嘅花最大,每朵花嘅直徑有20cm,而且顏色比較靚兼花瓣比較大。呢兩種花都有好濃嘅香味。
文化
[編輯]中國內地嘅市花
[編輯]喺中國內地嘅天津、西安、大連、鄭州、威海、南昌、衡陽、常州、宜昌、焦作、商丘、平頂山等城市都攞咗佢做市花。
圖案
[編輯]而家喺世界各個國家嘅銀仔、膊頭章、印章、徽章、旗幟、建築都可以搵到月季嘅圖案。
基督教花
[編輯]基督教嗰邊曾經攞咗佢嘅花做教花。
花名歌謠
[編輯]喺中國內地嘅古詩文化入面,宋朝詩人楊萬里寫嘅臘前月季就寫咗「只到花無十日紅,此花五日不春風。」嘅名句,話明月季嘅花期比較長。
玫瑰同月季嘅區分
[編輯]玫瑰同月季經常俾人搞亂,因為植物嘅樣相類似。雖然係噉,兩者實情差別幾大。
PK項 | 玫瑰 | 月季 |
相 | ||
花樣 | 細 | 大 |
品種 | 單調 | 超多 |
葉 | 細葉7嚿 斑紋比較深兼冇光澤 |
大葉3~5嚿 斑紋比較淺兼有光澤 |
莖 | 比較多刺 | 冇乜刺 |
園藝 | 唔理佢喺古代定而家: 都係得單一品種 |
現代又一個品種 傳統又一個品種 古老又一個品種 |
植物學分類 | 植物界 Plantae > 被子植物門 Angiosperms > 單子葉植物綱 Liliopsida > 薔薇目 Rosales > 薔薇科 Rosaceae > 薔薇亞科 Rosoideae > 薔薇屬 Rosa |
植物界 Plantae > 被子植物門 Angiosperms > 單子葉植物綱 Liliopsida > 薔薇目 Rosales > 薔薇科 Rosaceae > 薔薇亞科 Rosoideae > 薔薇屬 Rosa > 薔薇亞屬 Rosa > 月季組 R. sect. Chinenses > 月季 R. chinensis |
月季同玫瑰之所以俾人成日搞亂,係因為佢哋兩個喺英文都喺嗌「rose」。大概係民國時期,好多文學翻譯都係講中國傳統品種嘅Rose嗌返月季,而西方嘅Rose翻譯成佢嘅所屬名——玫瑰。但喺園藝角度嚟講,現代月季同古老月季、傳統月季都係三個唔同品種,同玫瑰無關[1]。
相
[編輯]註
[編輯]有關嘅書
[編輯]- 中国少年儿童百科全书 自然·环境 第417——418页 浙江教育出版社 ISBN 7-5338-1946-2/G·1942
出面網頁
[編輯]- 月季 中国数字植物标本馆
- 月季 Yueji 藥用植物圖像數據庫 (香港浸會大學中醫藥學院)(中文)(英文)
- 月季花 Yuejihua 中藥材圖像數據庫 (香港浸會大學中醫藥學院)
- 月季花 Yue Ji Hua 中藥標本數據庫 (香港浸會大學中醫藥學院)(繁體中文)(英文)
- 月季 爱养花
- 月季花的功效与作用 中华康网