羅智光
閱讀設定
羅智光 | |
---|---|
出生日 | 1957年5月22號 |
出生地 | 英屬香港 |
母校 | 牛津大學 |
職業 | 政治人 |
[改維基數據] | |
羅智光,GBS,JP(Joshua Law Chi-kong,1957年5月22號—)係前任公務員事務局局長。
簡歷
[編輯]羅智光喺1980年加入政務職系,曾經喺多個政府決策局同部門服務,包括前市政事務署、前行政立法兩局非官守議員辦事處、前政務總署、香港駐紐約經濟貿易辦事處、前地政工務科同前憲制事務科。佢喺1994年出任首席助理公務員事務司,並喺1996年接任副教育統籌司一職。
回歸後,羅智光出任行政長官私人秘書,之後喺1999年出任貿易署署長(之後改名做工業貿易署署長),2002年獲派駐日內瓦出任中華人民共和國香港特別行政區駐世界貿易組織常設代表,2004年出任環境運輸及工務局常任秘書長(運輸),2007年出任政制及內地事務局常任秘書長,並喺2012年出任保安局常任秘書長。
2017年7月,羅智光出任公務員事務局局長[1]。2020年4月22號畀國務院根據行政長官林鄭月娥嘅提名同建議免去局長職務[2][3],由政制及內地事務局原局長聶德權平調接任。
攷
[編輯]- ↑ 〈国务院任命香港特别行政区第五届政府主要官员〉 (簡體中文). 中華人民共和國國務院. 2017年6月21號.
- ↑ 〈国务院任免香港特别行政区政府主要官员〉 (簡體中文). 中華人民共和國國務院. 2020年4月22號.
- ↑ 〈政府公布主要官員任免(附圖)〉 (繁體中文). 香港特別行政區政府新聞公報. 2020年4月22號.