譚晶
譚晶 | |||||
---|---|---|---|---|---|
女歌手 | |||||
羅馬拼音 | Tan Jing | ||||
花名 | 尖耳朵的阿凡達妹妹、譚哈哈、大魔王 | ||||
國籍 | |||||
民族 | 漢族 | ||||
籍貫 | 山西新絳縣柳泉鄉孫家塬村 | ||||
出世 | |||||
職業 | 歌手 | ||||
語言 | 普通話、粵語 | ||||
母校 | |||||
配偶 | 鄧中翰(2009年結婚) | ||||
仔女 | 2 | ||||
父母 | 譚新明(父) 周麗萍(母) | ||||
音樂類 | 美聲、民族、流行 | ||||
代表作品 |
| ||||
活躍年代 | 1996年-依家 | ||||
相關團體 | 總政歌舞團 | ||||
網路電影資料庫(IMDb)資訊 | |||||
|
譚晶(粵拼:taam4 zing1;簡化字:谭晶;英文:Jacqueline Tan;1977年9月11號—),山西省新絳縣人,喺山西侯馬出世[1],中國女歌唱家、一級演員、中國共產黨黨員[2],中國人民解放軍副師級文職軍官文職三級軍銜,從副團級晉升到副師級嘅兩級跳躍正常最少要8年時間,但佢只係用咗兩年。佢都係第11、12屆全國人大代表,中華全國青年聯合會委員。同夢鴿、韓紅、許飛被叫做李雙江「四大關門女弟子」[3]。佢老公係中國工程院院士鄧中翰,有女雙胞胎。
經歷
[編輯]1994年,考入中國音樂學院聲樂系,專業民族聲樂,1998年畢業,隨即考入解放軍總政治部歌舞團,2006年7月,喺解放軍藝術學院畢業獲音樂學碩士學位。
2000年2月4號,佢首次上央視春晚,同耿為、華劉春梅一齊唱咗《花好月圓》;同年8月,攞到中央電視台第九屆全國青年歌手電視大獎賽專業組通俗唱法比賽金獎同「觀眾最喜愛的歌手」稱號。
2004年7月26號,喺北京工人體育館搞咗「在和平年代」軍旅歌曲個人演唱會。2006年9月12號,喺奧地利維也納金色大廳搞咗「和諧之聲-譚晶維也納金色大廳獨唱音樂會」。2006年12月12號,喺卡塔爾多哈搞嘅2006年亞洲運動會閉幕式嘅10分鐘中國表演入面唱《中國之約》。
2008年1月,當選第十一屆全國人大代表(中國人民解放軍代表團)[4]。同年4月,同群星合唱北京奧運會倒數一百日主題曲《北京歡迎你》。同時,喺北京奧運會開幕式播放咗譚晶唱嘅《天空》做放飛和平鴿嘅背景音樂,佢都喺現場唱咗奧運歌曲《北京 北京 我愛北京》。喺青島奧帆賽開幕式,佢現場唱咗主題曲《愛的海洋》。喺北京殘奧會開幕式,佢同中國男高音範競馬現場合唱殘奧歌《讓我擁有你》,佢係唯一一位喺北京奧運會開閉幕式又喺北京殘奧會演唱嘅歌唱家[5]。喺年尾攞到第19屆中國十大傑出青年稱號。
2011年11月28號喺英國倫敦皇家阿爾伯特音樂廳搞咗以「倫敦的約定」做主題嘅個人獨唱音樂會。2013年,當選第十二屆全國人大代表(中國人民解放軍代表團)[6]。
2016年,以「尖耳朵的阿凡達妹妹」為蒙面代號參加江蘇衛視《蒙面唱將猜猜猜》。2017年1月,加盟湖南衛視《歌手2017》、為首發歌手,2月25號喺微博上宣佈退出比賽[7]。喺2017年兩會前,佢嘅全國人大代表資格由解放軍代表團轉做雲南代表團[8][9][10]。佢喺參加兩會期間表明自己已經自主擇業,唔再係軍人身份[11]。12月,譚晶工作室喺雲南大學東陸校區懷周院成立表團[10]。
2019年11月11號,喺澳洲悉尼搞咗「界·MORE——譚晶2019悉尼演唱會」[12]。
2017年1月,加盟湖南衛視《歌手2017》、為首發歌手,2月25號喺微博上宣佈退出比賽[7]。
歌手2017 譚晶競演排名
| |||||||||
期數[a] | 輪數 | 播出日期 | 演唱歌曲 | 原唱 | 排名 | 得票率 | 得票數 | 出場序 | 備註 |
1 | 第一輪排位賽 | 1月21號 | 《再見青春》 | 汪峰 | 5 | 10.44% | 145 | 7 | 個人最低得票率同得票數 |
2 | 第一輪淘汰賽 | 1月28號 | 《九兒》 | 韓紅 | 2 | 23.88% | 354 | 2 | 第一輪兩場總成績第3名 歌手互投第3名 |
3 | 第二輪補位賽 | 2月4號 | 《欲水》 | 齊豫 | 1 | 24.19% | 358 | 3 | 個人最高排名、得票率同得票數 歌手互投第1名 |
4 | 第二輪淘汰賽 | 2月11號 | 《定風波》 | 張學友 | 6 | 12.49% | 167 | 1 | 第二輪兩場總成績第1名 個人最低排名 |
5 | 第三輪補位賽 | 2月18號 | 《賽里木湖的月光》 | 譚晶 | 1 | 19.93% | 286 | 7 | 個人最高排名 歌手互投第1名 |
6 | 第三輪淘汰賽 | 2月25號 | 《怨蒼天變了心》 | 方季韋 | 2 | 18.53% | 273 | 6 | 第三輪兩場總成績第1名 歌手互投第1名 抽樣觀眾投票第3名 |
7 | 第四輪排位賽 | 3月4號 | 《達尼亞》 | 朴樹 | 4 | 不詳 | 197 | 6 | 歌手互投第2名 |
代表作
[編輯]1997年7月1號,喺慶祝香港回歸晚會,同張國榮、劉歡、葉倩文、林子祥、鞏俐、那英壓軸演唱《團聚》。電視劇《喬家大院》、《施琅大將軍》、電影《我的長征》影視劇主題曲。
電視劇主題曲
[編輯]- 《精忠傳奇》:電視劇《精忠岳飛》片尾曲
- 《英雄往來天地間》:《三國》片尾曲
- 《乖乖》:《西遊伏妖篇》宣傳曲
- 《唐韻》:《大唐榮耀》片尾曲
- 《眼前》:《孤芳不自賞》片尾曲
- 《晨露》:《上書房》片尾曲(同沙寶亮合唱)
獎
[編輯]- 第13屆華鼎獎:中國百強電視劇最佳主題曲演唱《看見》推拿
註
[編輯]- ↑ 第6、7期節目未播出
參考
[編輯]- ↑ 〈譚晶的唱功到底如何 深扒譚晶的老公是誰〉. 《兵馬俑在線》. 喺2019-12-05搵到.
- ↑ 〈譚晶建議增強兒童防範惡性侵害教育〉. 《多維新聞網》. 原著喺2019-08-03歸檔. 喺2019-12-05搵到.
- ↑ 〈商院人物:盤點李雙江四大關門女弟子〉. 《人民網》 (中國中文). 新浪網. 喺2013年2月26號搵到.
- ↑ 〈第十一屆全國人大代表〉. 新華網. 2008-02-28. 原著喺2017-03-06歸檔. 喺2017-03-06搵到.
- ↑ 再次獻聲殘奧會開幕式 譚晶讓世界傾聽中國聲音
- ↑ 〈中華人民共和國第十二屆全國人民代表大會代表名單〉. 中國人大網. 2013-02-27. 原著喺2017-03-06歸檔. 喺2017-03-06搵到.
- ↑ 7.0 7.1 吳玫穎 (2017年2月25號). 〈譚晶丟震撼彈 奪冠熱門閃退《歌手2017》〉. 《中國時報》. 台北. 喺2017年2月26號搵到.
- ↑ 〈最新!全国人大代表谭晶转为云南代表团!这几个山西人在外省当大官了!〉. 搜狐新聞. 2020-05-04. 喺2017-03-06搵到.
- ↑ 〈第十二屆 雲南代表團 實有代表91名〉. 中國人大網. 原著喺2017-06-02歸檔. 喺2017-03-06搵到.
- ↑ 10.0 10.1 新浪娛樂 (2017-12-11). 〈雲南大學譚晶工作室揭牌 投身教育傳播雲南文化|譚晶|雲南文化|雲南大學_新浪娛樂_新浪網〉. ent.sina.com.cn. 喺2019-12-05搵到.
- ↑ 未來網 (2017-03-06). 〈譚晶首次出席雲南代表團會議:已不再是軍人(圖)〉. 鳳凰網資訊. 喺2017-03-06搵到.
- ↑ 〈用音樂傳遞愛心和夢想 譚晶在悉尼唱響中國情義 - 娛樂評論 -〉. news.yule.com.cn. 喺2019-12-05搵到.