路易治

路易治（日文：ルイージ，英文：Luigi）係日本任天堂電子遊戲嘅虛構角色，係瑪利奧嘅孖生細佬。

路易治通常被視為一個比瑪利奧細膽嘅人，佢係《路易吉洋樓》系列嘅主角，當中路易治俾人呃咗去一間鬼屋道，而且瑪利奧同佢嘅朋友（例如碧姬公主同奇諾比奧）俾啲鬼捉咗，淨係剩低路易治一個，要靠佢自己用吸塵機對付鬼魂同怪獸先至可以救返佢哋。

路易治第一次出現喺《超級孖寶兄弟》入面，不過佢嘅角色情節同瑪利奧完全一樣。後來喺其他遊戲入面，路易治比瑪利奧跳得高，不過比佢跑得慢。