Laôt Jawa
La'ôt Jawa nakeuh la'ôt deuë ngon luwah bak keunira na 310.000 km2 nueduëk la'ôt nyoë na di antara Pulo Kalimantan, Pulo Jawa, Pulo Ruja, ngon Pulo Sulawesi lam kawan pulo-pulo Indônèsia. Blah rot barat la'ôt, La'ôt Jawa na Seulat Karimata nyang ngon nyan geupeuhubông la'ôt Jawa ngon La'ôt China Selatan. Blah rot barat daya, la'ôt nyoë meuhubông lom ngon La'ôt Hindia rot seulat Sunda. Bak masa dilèe, Seulat Karimata dan La'ôt Jawa nyoë geuturi ngon nan seubagoë La'ôt Sunda.
Di La'ôt Jawa na padum-padum boh kawan pulo-pulo: Pulo-pulo Siribèe di barôh Kabupaten Tangerang ngon pulo-pulo nyan jitamong lam wilayah DKI Jakarta, Pulo-pulo Karimun Jawa nyang jeuet keu wilayah Jawa Teungoh, Puo Bawèan ngon pulo-pulo ubeut disilingkanyan, Pulo-pulo Masalembo, ngon Pulo Kangean meuseureuta cit ngon pulo-pulo ubeut la'én nyang nakeuh jitamong lam wilayah Provinsi Jawa Timu.
Eungkôt la'ôt nakeuh hasé nyang that peunténg di La'ôt Jawa. Na 3000 leubéh spesies binatang la'ôt di da'irah nyan. La'ôt Jawa, khusuih jih nyang blah rot barat na cit neukeubah cadangan minyeuk bumoë ngon gaih alam nyang jeuet geutambang.
Da'irah seulingka La'ôt Jawa nakeuh jeuet keu da'irah geujak wisata nyang that hayeuë. Ngon meunom scuba di La'ôt Jawa jeuet ta jeunajah ngon ta cok gamba guha meuyub la'ôt, kapai karam, kareueng la'ôt ngon meubagoë hudép binatang di meuyub la'ôt.
Lam tarèh Prang Dônya II, La'ôt Jawa nakeuh seuëh prang nyang that brat keu aseuka Sekutu. Bak buleuën 2 ngon 3 thôn 1942, angkatan La'ôt Beulanda, Inggréh, Australia, ngon Amirika Carékat rab geupeubinasa lé aseuka Jeupun.
 |
Wikimedia Commons na mèdia nyang mupawôt ngön: La'ôt Jawa |