Van Wyksvlei

Van Wyksvlei (Van Wyk's Vlei)
Die verwelkomingsteken buite Vanwyksvlei.
Van Wyksvlei
Koördinate: 30°21′6″S 21°49′26″O
Land	Suid-Afrika
Provinsie	Noord-Kaap
Distriksmunisipaliteit	Pixley ka Seme
Plaaslike Munisipaliteit	Kareeberg
Bevolking
• Totaal	1 721
Tydsone	UTC+2 (SAST)

Die NG gemeente Vanwyksvlei is in 1917 van 'n gedeelte van die NG gemeente Carnarvon afgestig.

Die hotel op Vanwyksvlei.

Van Wyksvlei (of Van Wyk's Vlei) is 'n dorp, deel van die Kareeberg Plaaslike Munisipaliteit, wat ook uit Vosburg en Carnarvon bestaan. Volgens die 2011-sensus het die dorp 'n bevolking van 1 721, waarvan 92.5% Kleurlinge en 4.0% Blankes is. Die R357-streeksroete verbind die dorp met sy buurdorpe.

Geskiedenis

Die dorp is in 1882 aanvanklik as Van Wyk's Vley Estate gevestig en na 'n plaaslike boer vernoem. Munisipale status is in 1975 toegeken.

Omgewing

Die dorp lê op die suidelike rand van die Boesmanland en word omring deur soutpanne. Die Vanwyksvleidam is in 1883 voltooi en is die eerste dam wat deur die Staat gebou is. Daar is Boesmanrotskuns by Springbokoog, 30 km noordwes van die dorp.

Sien ook

• Lys van dorpe in Suid-Afrika

Bron

• Op Pad in Suid-Afrika. B.P.J. Erasmus 1995 ISBN 1-86842-026-4