Corniese rex
Hierdie artikel bevat nie ’n bronnelys nie, wat beteken dat die inhoud nie geverifieer kan word nie. Enige bevraagtekende inligting mag dus ook mettertyd verwyder word. Help Wikipedia deur betroubare bronne tot die artikel by te voeg. |
Corniese rex | ||||
Herkoms | Cornwall, Brittanje | |||
Ontstaan | Mutasie | |||
Pels | Slegs donshare | |||
Patroon | Alle | |||
Wetenskaplike naam | ||||
Felis catus (huiskat) | ||||
|
Die Corniese rex (Engels: Cornish Rex) is ’n katras met geen hare behalwe die eerste laag donshare naaste aan die vel nie. Die meeste ander katte het drie soorte hare: die boonste dekhare wat sowat 5 cm lank is by korthaarkatte en sowat 10 cm by langhaarkatte, ’n middelste laag en ’n onderste laag wat baie sag en donsig en sowat 1 cm lank is. Die Corniese rex het net die onderlaag. Die krul in die pels word veroorsaak deur ’n ander mutasie en geen as by die Devon rex.
Geskiedenis
[wysig | wysig bron]Die Corniese rex is ’n genetiese mutasie wat ontstaan het uit ’n werpsel wat in die 1950's op ’n plaas in Cornwall, Brittanje, gebore is. Een van hulle het ’n besonder sagte en krullerige pels gehad. Hy was die eerste Corniese rex. Hy is met sy ma gepaar en nog twee soortgelyke katjies is gebore. Die mannetjie het ’n dogter gehad wat na Amerika gebring en met ’n Siamese kat gekruis is – dit gee hulle hul lang sterte en groot ore.
Die Devon rex lyk dieselfde, maar het ’n kort boonste haarlaag en verloor sy hare. Kruisteling tussen die twee rasse word nie toegelaat nie en sal nie lei tot ’n kat met kort krulhare nie. Nog ’n ras sonder hare is die Sphynx, wat geen hare het nie, maar dit kan ’n laag donse hê.
Beskrywing
[wysig | wysig bron]Sy sagte, fyn pels beteken dat die Corniese rex geskik is vir binnenshuise, warm toestande. Hulle kan hipotermie kry as hulle in die winter lank buite bly. Hul liggaamstemperatuur is effens hoër as ander katte s’n (38 ºC) en hulle is geneig om by warm plekke rond te hang soos gloeilampe, rekenaarmonitors en lampe. Sommige het ook ’n kaasagtige reuk wat eie aan die ras is – dit is afkomstig van reukkliere in die pote.
Die katte is geneig om deur hul lewe spelerig te bly. Sommige gaan haal goed wat ’n mens vir hulle gooi, jaag ander troeteldiere en doen akrobatiese spronge. Hulle is avontuurlustig, nuuskierig en intelligent.
Hulle het ’n verskeidenheid kleure en patrone, onder meer wit, swart, sjokolade, oranje, blou, lila en room, asook alle vorme van strepe, tweekleurig, skilpaddop en kleurpunte.
Sien ook
[wysig | wysig bron]Skakels
[wysig | wysig bron]- Suider-Afrikaanse standaarde Geargiveer 7 Mei 2013 op Wayback Machine
- Rex-katklub (Brittanje)
- Op die Amerikaanse CFA-webtuiste Geargiveer 14 Desember 2010 op Wayback Machine
Wikimedia Commons het meer media in die kategorie Corniese rex.
Hierdie artikel is vertaal uit die Engelse Wikipedia