Bespreking:N.P. van Wyk Louw
Hierdie bladsy is 'n besprekingsbladsy waar verbeteringe tot die N.P. van Wyk Louw-artikel bespreek word. Hierdie bladsy is nie 'n forum vir 'n algemene bespreking van die artikel se onderwerp nie. |
|||
|
| Artikelriglyne
|
Daaglikse bladtrekke van N.P. van Wyk Louw
'n Grafiek sou hier vertoon word, maar grafieke is tydelik afgeskakel. Besoek intussen gerus die interaktiewe grafiek by pageviews.wmcloud.org. |
Van Wyk Louw
[wysig bron]Die artikel verwys telkens na Louw as Van Wyk Louw. Van Wyk is deel van sy naam en nie van sy van nie, dus moet hy korrek na verwys word as bloot Louw. Gee enigiemand om as ek Van Wyk Louw deurgaans in die artikel met Louw vervang? Behalwe natuurlik waar sy volledige naam gebruik word. Adriaan Joubert (kontak) 10:54, 22 Mei 2017 (UTC)
- Hier verwys Etienne Leroux kwansuis na Louw as Van Wyk Louw (aangehaal deur die FAK). Kan dit reg wees? Adriaan Joubert (kontak) 13:48, 22 Mei 2017 (UTC)
- Gebruiker:Naudefj, wat sê die HAT-feitegids oor hoe Louw/Van Wyk Louw na verwys word? Adriaan Joubert (kontak) 20:14, 10 Julie 2017 (UTC)
- Volgens die HAT Taal-en-feitegids is dit "Louw, N.P. van Wyk". "Van Wyk Louw" is dus verkeerd. As jy hom op sy van wil roep is dit net "Louw". Groete. Frank (kontak) 20:30, 10 Julie 2017 (UTC)
- @Naudefj: RSG noem hom vandag weer Van Wyk Louw, en ek sien in die bibliografie is daar talle werke waarin na hom in die titel verwys word as Van Wyk Louw. Om aan die leser aan te dui dat dit nie 'n fout van Wikipedia is nie, het ek oral waar hierdie foutiewe benaming in die artikel voorkom sic bygevoeg. – K175 (skil 'n appeltjie) 15:12, 8 Augustus 2020 (UTC)
- K175, jy is reg, sy van is Louw. Groete! Oesjaar (kontak) 15:21, 8 Augustus 2020 (UTC)
Genres
[wysig bron]Daar word verskeie kere op die bladsy na "poësie, prosa en drama" verwys as genres. Na my mening is hulle nie genres nie, maar eerder vorms van letterkunde. Wat dink julle @Burgert Behr, @Oesjaar, @Suidpunt ? - Rooiratel (kontak) 06:35, 23 Oktober 2023 (UTC)
- Die WAT praat wel van "prosa as literêre genre; teenoor drama en poësie". ~ Burgert (kontak) 06:40, 23 Oktober 2023 (UTC)
- Beteken dan genre iets anders in Afrikaans as in Engels? Wat is dan die definisie daarvan? - Rooiratel (kontak) 07:23, 23 Oktober 2023 (UTC)
- Reg. 'n Genre beteken gewoonlik 'n soort letterkunde - soort, 'n vertakking. Uit die vorm (tipografie, die manier hoe die lettertjies op die blad sorteer en uiteengesit is) alleen kan jy met die eerste oogslag weet waarmee jy te doen het. Die epos (Van den Vos Reynaerde) is byvoorbeeld onder die verhalende digkuns/poësie, want jy sien die woordjies rym aan die einde van die verse, al is dit ook hoe gedwonge. Dit is nie 'n suiwer gedig nie, want dit vertel 'n storie. 'n Gedig is gewoonlik 'n vlietende moment of 'n oomblik van insig wat iemand beleef. Nou, onder prosa is daar deksels baie subgenres, soos die kortverhaal (met sy eie talryke subsubgenres soos die kortkortverhaal, die skets en die vignette), die roman (o, vader, waar begin mens...) en die novelle.
- Al die letterkundes ressorteer min of meer onder hierdie drie genoemde hoofgenres (prosa, drama en poësie), maar nie perfek soos jy elektriese drade blou, bruin en geelgroen merk nie, want dit kan oorvleuel. En dit is wat die tweedejaars gewoonlik leer. Wat van 'n prosagedig? En as ek 'n roman skryf, en skielik volg daar 'n transkripsie in die roman van 'n ondervraging [tweespraak/dialoog, wat jy in 'n drama sou aantref], het ons dan nou hier te make met 'n drama, of prosa? Nie so maklik nie. En dit is juis wat kunstenaars en skrywers doen: die inhoud, die intrige van die verhaal is belangrik, maar jy kan ook met die vorm, die AANBIEDING daarvan speel. Soos Koos Prinsloo wat in sy werke letterlik uit die weermag se codex sal oorskryf, wat dit die gevoel van feitelikheid gee, maar dit oorvleuel weer feit en fiksie. Die verhaal voel asof dit 'n feitelike verslag is, maar dit is fiksie.
- Wat is die doel van genres? Verwagting, en kategorisering en klassifisering. As jy byvoorbeeld 'n speurverhaal het, weet jy dit is 'n onderafdeling van die roman. Maar, daar is sekere konvensies (gebruiklikhede) wat jy van 'n sekere genre verwag. Jy verwag die moord word ontdek. Jy verwag die verhaal is fiktief, al is dit dikwels gegrond op die waarheid. Jy verwag die speurder gaan op 'n (dwaal)spoor afkom. Daar word brokkies geplant. Jy verwag die saak gaan opgelos word en die skuldige aan die pen gery word - en in die diepste duisternis gewerp word. Oulik. Volg jy hierdie patroon, is jy resepmatig. Jy mag met die elemente speel. Soos: ná die vonnisoplegging kom die speurder dalk op 'n bebloede mes af van die vermoorde, die DNS-ondersoek staaf dit. Maar die bloed is twee dae ouer as die moorddatum, al dui die geslote kringtelevisiekameras presies wanneer die moord plaasgevind het. Met ander woorde: dit spot met die logiese vloei van die verhaal. Suidpunt (kontak) 11:13, 23 Oktober 2023 (UTC)
- Beteken dan genre iets anders in Afrikaans as in Engels? Wat is dan die definisie daarvan? - Rooiratel (kontak) 07:23, 23 Oktober 2023 (UTC)
Begin 'n bespreking oor N.P. van Wyk Louw
Besprekingsbladsye is waar mense bespreek hoe om inhoud op Wikipedia die beste te maak as wat dit kan wees. Jy kan hierdie bladsy gebruik om 'n bespreking met ander te begin oor hoe om N.P. van Wyk Louw te verbeter.