Dhaba

Kos in 'n dhaba in Punjab

'n Dhaba (alternatiewe spelling: dhabba, Hindi: ढाबा) is 'n tradisionele Indiese padrestaurant wat gewoonlik as 'n familie-onderneming bedryf word. Ook die etes, wat hier bedien word, is dikwels oor generasies in 'n familie oorgelewer. Die oorspronge van dhaba's, wat na die behoeftes van reisigers omgesien, strek enkele eeue terug in die verled, maar in die moderne tyd word dhaba's verbind met eetplekke wat langs Indiese grootpaaie aangetref en veral gewild geraak het by vragmotorbestuurders.

Aangesien baie Indiese vragmotorbestuurders uit die Noord-Indiese Punjab-streek afkomstig is, 'n gewes met 'n kookkuns en musiektradisies wat orals in Indië gewaardeer word, word dhaba's tans vereenselwig met verfynde Noord-Indiese kookkuns. Hul konsep is intussen ook deur restaurante in stedelike omgewings, onder meer eetplekke in luukse hotelle, oorgeneem.