Kuifhert
Kuifhert | |
---|---|
Elaphodus cephalophus michianus. | |
Wetenskaplike klassifikasie | |
Koninkryk: | |
Filum: | |
Klas: | |
Orde: | |
Familie: | |
Subfamilie: | |
Genus: | Elaphodus (Milne-Edwards, 1872)
|
Spesie: | E. cephalophus
|
Binomiale naam | |
Elaphodus cephalophus (Milne-Edwards, 1872)
|
Die kuifhert (Elaphodus cephalophus) is ’n klein spesie herte wat gekenmerk word deur ’n swart kuif op sy voorkop en lang slagtande by die ramme. Dit is naby verwant aan die moentjak en kom effens verder noord voor oor ’n groot gebied van Sentraal-China noordoos van Myanmar. Dit is ook onlangs in Afganistan opgemerk nadat dit 60 jaar gelede laas gesien is.[2] Hoewel dit ly onder habitatverlies en jagtogte, word dit nie as bedreig beskou nie. Dit is die enigste lid van die genus Elaphodus en is beperk tot woude van 4 500 m bo die seevlak, en dit maak dit moeilik om die dier te bestudeer.
Subspesies
[wysig | wysig bron]Vier subspesies van die kuifhert word erken, waarvan een twyfelagtige taksonomiese status het:[1]
- E. c. cephalophus – die grootste subspesie, kom voor in Suidwes-China en Noordoos-Myanmar.
- E. c. michianus – het ’n smal snoet, kom voor in Suidoos-China.
- E. c. ichangensis – het ’n relatief breë snoet en grys pels, kom voor in Sentraal-China.
- E. c. forciensus – twyfelagtige subspesie, verspreiding onduidelik[1]
Beskrywing
[wysig | wysig bron]Die kuifhert lyk baie soos die moentjak, maar die langer nek en bene gee dit ’n effens slanker voorkoms. Die pels is grof met kort, stywe hare en is amper swart in die winter; in die somer is dit sjokoladebruin. Die lippe, punte van die ore en onderkant van die stert is wit. Dit het ’n kuif hare op die voorkop wat tot 17 cm lank kan wees.
Dalk die grootste kenmerk van die dier is die slagtande van die ramme. Hulle kan tot 2,6 cm lank word, of selfs langer in uitsonderlike gevalle.[3]
Die kuifhert is klein, maar steeds groter as die meeste moentjak-spesies. Dit is 50 tot 70 cm hoog by die skouers en weeg tussen 17 en 50 kg. Net ramme het gewei (horings) en dit is besonder kort; dit word byna onder die kuif versteek.[4]
Habitat en gedrag
[wysig | wysig bron]Die kuifhert kom hoofsaaklik in China voor, waar dit van die ooskos tot Oos-Tibet aangetref word. Dit bewoon hoë, klam woude van 500 tot 4 500 m bo die seevlak. Dit hou van immergroen sowel as bladwisselende woude met baie onderbos en water.
Hulle is alleendiere, maar kom soms in pare voor. Die ramme verdedig hul hougebied. Dit is egter ’n mak dier en verkies dele waar hulle kan wegkruip. Wanneer dit gepla word, sal dit bulk en weghardloop.[5]
Verwysings
[wysig | wysig bron]- ↑ 1,0 1,1 1,2 R. B. Harris (2008). "Elaphodus cephalophus". IUBN-rooilys van Bedreigde Spesies. Weergawe 2011.2. Internasionale Unie vir die Bewaring van die Natuur. Besoek op 10 April 2012.
{{cite web}}
: Ongeldige|ref=harv
(hulp) - ↑ http://www.washingtonpost.com/news/speaking-of-science/wp/2014/10/31/fanged-deer-pops-up-in-afghanistan-60-years-after-its-last-appearance/
- ↑ Ultimate Ungulate
- ↑ Tufted Deer (In Vereenvoudigde Chinees)
- ↑ "ARKive". Geargiveer vanaf die oorspronklike op 14 April 2013. Besoek op 20 Junie 2015.
Eksterne skakels
[wysig | wysig bron]Wikimedia Commons het meer media in die kategorie Kuifhert.
Wikispecies het meer inligting verwant aan Kuifhert
Hierdie artikel is vertaal uit die Engelse Wikipedia