H&M
H & M Hennes & Mauritz AB | |
Tipe | Aktiebolag (Sweedse aandelemaatskappy) |
---|---|
Gestig | 1947 |
Hoofkantoor | Stockholm, Swede |
Sleutelpersone | Erling Persson (stigter) Stefan Persson (voorsitter) Karl-Johan Persson (president en hoof uitvoerende beampte) |
Gebied bedien | Wêreldwyd |
Industrie | Kleinhandelbedryf |
Produkte | Klerasie |
Inkomste | |
Bedryfsinkomste | |
Netto inkomste | |
Werknemers | 171 000 (2017) |
Dogter- maatskappye | Monki, Weekday, Cheap Monday, COS, & Other Stories |
Webwerf | hm.com H&M in Suid-Afrika |
H&M ('n afkorting van Hennes & Mauritz AB, Sweedse uitspraak: [ˈhoː.ˈɛm; ˈhɛnːˈɛs ɔ ˈma.ʊrɪts]) is 'n Sweedse multinasionale klerewinkelketting met meer as 4 700 winkels in 69 lande wêreldwyd wat hom op sogenaamde fast fashion vir dames, mans, tieners en kinders toespits.[1]
H&M, wat in September 2013 sy 3000ste modewinkel in Chengdu, Volksrepubliek China, geopen het, word tans as die tweede grootste onderneming in die internasionale modekleinhandel geranglys, na die Spaanse Inditex (die moedermaatskappy van Zara) en nog voor die Amerikaanse Gap Inc. Die eerste H&M-winkel is in 1947 in die Sweedse stad Västerås geopen.
Danksy 'n reeks uitbreidingsfases het die onderneming gegroei tot 'n globale rolspeler in die tekstielkleinhandelbedryf met altesaam 4 100 winkels wêreldwyd. Bekostigbare mode in 'n verskeidenheid style staan sentraal in H&M se konsep, net soos die samewerking met leidende ontwerpers en popsterre en die fokus op volhoubaarheid.[2]
Met die opening van die nuwe winkelsentrum Mall of Africa op 28 April 2016 in Midrand, 'n noordelike voorstad van Johannesburg, is die vyfde H&M-winkel in Suid-Afrika geopen – die ses ander is in Pietersburg/Polokwane, Nelspruit, Durban, Kaapstad, Roodepoort en Johannesburg geleë.[3][4] In 2017 was daar reeds 17 winkels in die RSA, met 'n omset van SEK890 miljoen (inkl. BTW) in 2017.[5]
Verwysings
[wysig | wysig bron]- ↑ "Welcome to the H&M Group. Besoek op 28 Maart 2018". Geargiveer vanaf die oorspronklike op 3 Junie 2017. Besoek op 28 Maart 2018.
- ↑ "sweden.se: A Cornerstone of Swedish Fashion. Besoek op 24 April 2017". Geargiveer vanaf die oorspronklike op 7 Julie 2017. Besoek op 24 April 2017.
- ↑ "joburg.co.za: Mall of Africa Opening Day. Besoek op 19 April 2016". Geargiveer vanaf die oorspronklike op 22 April 2016. Besoek op 19 April 2016.
- ↑ H&M South Africa – Store locator. Besoek op 19 April 2016
- ↑ H&M Annual Report 2017. Besoek op 28 Maart 2018