Linda-Gail Bekker
Linda-Gail Bekker | |
---|---|
Bekker praat in 2018 by die 50ste bestaansjaar-simposium van die John E. Fogarty International Centre
| |
Gebore | Zimbabwe[1][2] |
Werkgebied | MIV- en Tuberkulosenavorsing |
Alma mater |
|
Werkplekke |
|
Bekend vir | MIV/Vigs-navorsing |
Eggenoot | Robin Wood[3] |
Linda-Gail Bekker MBChB, DTMH, DCH, FCP (SA) is 'n professor in medisyne en bedryfshoof van die "Desmond Tutu MIV-stigting". Sy is ook direkteur van die Desmund Tutu MIV-sentrum aan die Universiteit van Kaapstad. Sy is 'n voormalige president van die Internasionale Vigsvereniging (2016-18).[4]
Vroeë lewe en opvoeding
[wysig | wysig bron]Bekker is in Zimbabwe gebore.[1] Sy het medies aan die Universiteit van Kaapstad gestudeer.[5] Sy was van plan om 'n geriatriese geneesheer te word, maar het 'n kliniese rotasie in KwaZulu-Natal voltooi en daar 'n belangstelling in MIV- en Tuberkulosenavorsing ontwikkel.[6] Sy het gesien hoe jongmense aan MIV/vigs sterf en was gefrustreerd omdat sy hulle nie kon help nie.[7] Haar doktersgraad is deur die John E. Fogarty International Centre befonds en sy het aan die Rockefeller-universiteit gewerk in die gebied van gasheer-immuniteit.[1] Haar doktorale adviseur was Gilla Kaplan.[7][8]
Navorsing en loopbaan
[wysig | wysig bron]In 2009 het sy die Royal Society Pfizer-toekenning gewen vir haar navorsing oor tuberkulose-epidemiologie.[9][10] Die finansiering het haar navorsing in die Nyanga-primêre gesondheidskliniek in Kaapstad ondersteun.[10] Bekker is passievol oor onderrigprogramme en betrokkenheid by gemeenskappe[11] en haar gemeenskapswerk wil stigma oor MIV en tuberkulose oorkom.[12] Bekker se man, Robin Wood, dien as direkteur en uitvoerende hoof van die Desmond Tutu MIV-stigting,[13] waar Bekker bedryfshoof is, en dit ondersteun die welstand van mense in van die armste gemeenskappe in Suid-Afrika.[14] Sy het 'n mobiele bussie ontwikkel, bekend as die "Tutu-toetser", wat toetsing bied vir swangerskap, hoë bloeddruk, diabetes, MIV/vigs, TB en vetsug.[12][15]
Sy is 'n direkteur van die Desmund Tutu MIV-sentrum aan die Universiteit van Kaapstad, waar sy beste praktyk en bewysgebaseerde inligting oor behandeling van adolessente met MIV en voorkoming van MIV in adolessente integreer.[16] Die sentrum word befonds deur die National Institutes of Health van die VSA.[17] sy het 'n program ontwikkel genoemd "Choices for Adolescent Methods of Prevention in South Africa (CHAMPS)"; wat jongmense se houding teenoor besnydenis uitdaag, jong vroue aanmoedig om gesinsbeplanning te gebruik en profilakse voor blootstelling ondersoek.[18] Sy het ook gewerk aan 'n program oor swangerskap en MIV/vigs genoemd "Pregnancy and HIV/AIDS Seeking Equitable Study (PHASES)" wat ook deur die National Institutes of Health befonds is.[19] Sy bestudeer die implementering van antiretrovirale terapieë[20][21] en is opgewonde oor selftoetsing vir MIV.[22]
In 2016 word sy verkies tot president van die Internasionale Vigsvereniging.[23] Sy het die openingsvoorlegging aangebied tydens die International AIDS Society se konferensie in Parys, waar sy oor nuwe voorkomingsopsies, soos profilakse voor blootstelling, gepraat het.[24] In 2018 word sy verkies tot die raad van die International AIDS Vaccine Initiative, 'n wêreldwye, nie-winsgewende, openbare-private vennootskap wat die ontwikkeling van entstowwe versnel om MIV-infeksie en vigs te voorkom.[16] Sy was bekommerd oor Donald Trump wat die wêreldwye mediese reaksie teen MIV ondermyn het.[25][26] Sy was 'n hoofspreker op Wêreldvigsdag 2017.[27] Bekker dien ook as adviseur van die VSA se noodplan vir vigsverligting in die wêreld, getitld "President's Emergency Plan For AIDS Relief (PEPFAR)".[28]
Sy het bygedra tot The Conversation, 'n netwerk van nie-winsgewende media wat nuusberigte op die internet publiseer wat deur akademici en navorsers geskryf word.[29][30][31][32] Bekker hou daarvan om te skilder en gebruik straatteater in haar gemeenskapswerk.[12]
Sy is 'n lid van die Akademie vir Wetenskap van Suid-Afrika.[33]
COVID-19
[wysig | wysig bron]Bekker was saam met Glenda Gray die mede-ondersoeker van die Sisonke-proefneming wat daarop gemik was om gesondheidswerkers in Suid-Afrika vroeë toegang tot Covid-19-entstowwe te gee.[34] Die fase-3b-ope kliniese proef het van 17 Februarie 2021[35] tot 15 Mei 2021[36] geduur, met 478 733 dosisse wat aan gesondheidswerkers gegee is.[37] Die studie het die effektiwiteit van die Jansen- (J&J) entstof getoets wanneer dit op groot skaal onder Suid-Afrikaanse toestande toegedien word.[34]
Bronne
[wysig | wysig bron]- Hogg, Alec (1 Julie 2020). "A Rational Covid-19 Perspective: Half an hour with UCT Prof Linda-Gail Bekker, SA's global heavyweight". BizNews.com.
Verwysings
[wysig | wysig bron]- ↑ 1,0 1,1 1,2 "Q and A with former Fogarty trainee Dr Linda-Gail Bekker". FIc (in Engels (VSA)). Besoek op 28 Mei 2018.
- ↑ "Dr. Linda-Gail Bekker President of the International Aids Society, Q and A". Clinical Trials Unit. 1 Januarie 2010. Geargiveer vanaf die oorspronklike op 26 Julie 2021. Besoek op 26 Julie 2021.
- ↑ Hogg, p. 1.
- ↑ Samarasekera, Udani (2021). "Linda-Gail Bekker—a leader at the service of the world". The Lancet Infectious Diseases. Elsevier BV. 21 (6): 778. doi:10.1016/s1473-3099(21)00283-8. ISSN 1473-3099.
- ↑ "The NS Interview: Linda-Gail Bekker". www.newstatesman.com (in Engels). Besoek op 26 Julie 2021.
- ↑ "Vax Report - Vax Report". www.vaxreport.org (in Engels). Besoek op 28 Mei 2018.
- ↑ 7,0 7,1 "PHRI :: Gilla Kaplan, Ph.D." www.phri.org (in Engels). Geargiveer vanaf die oorspronklike op 27 Augustus 2003. Besoek op 26 Julie 2021.
- ↑ "Gilla Kaplan". Bill & Melinda Gates Foundation (in Engels). Geargiveer vanaf die oorspronklike op 11 September 2013. Besoek op 26 Julie 2021.
- ↑ "South Africa: Linda-Gail Bekker Scoops Award for TB/HIV". Health-e (Cape Town) (in Engels). 30 Oktober 2009. Besoek op 26 Julie 2021.
- ↑ 10,0 10,1 "African scientist wins award for HIV and TB co-infection research - Science News". royalsociety.org (in Engels). Besoek op 27 Julie 2021.
- ↑ "Professor Linda-Gail Bekker MBChB DTMH DCH FCP(SA) PhD | Infectious Disease & Molecular Medicine". www.idm.uct.ac.za (in Engels). Geargiveer vanaf die oorspronklike op 29 Mei 2018. Besoek op 27 Julie 2021.
- ↑ 12,0 12,1 12,2 "Linda-Gail Bekker: confronting the TB/HIV co-infection epidemic" (PDF). The Lancet (in Engels). 13 Februarie 2013. Besoek op 27 Julie 2021.
- ↑ "Desmond Tutu HIV Foundation | Background". Desmond Tutu HIV Foundation (in Engels). Geargiveer vanaf die oorspronklike op 6 Oktober 2018. Besoek op 27 Julie 2021.
- ↑ "Linda-Gail Bekker". The Conversation (in Engels). Besoek op 27 Julie 2021.
- ↑ "FABA (For Africa By Africans: Tutu Tester | Africa Strictly Business". www.africastrictlybusiness.com (in Engels). Geargiveer vanaf die oorspronklike op 29 Mei 2018. Besoek op 27 Julie 2021.
- ↑ 16,0 16,1 "Board of Directors". IAVI - International AIDS Vaccine Initiative (in Engels). Geargiveer vanaf die oorspronklike op 14 April 2017. Besoek op 27 Julie 2021.
- ↑ "Plenary Sessions - HIVR4P 2018". HIVR4P 2018 (in Engels). Geargiveer vanaf die oorspronklike op 9 Oktober 2014. Besoek op 17 Julie 2021.
- ↑ "CHAMPS". AVAC (in Engels). 18 Maart 2014. Besoek op 27 Julie 2021.
- ↑ "Team - PHASES: Pregnancy & HIV/AIDS: Seeking Equitable Study". HIV pregnancy ethics (in Engels). Besoek op 27 Julie 2021.
- ↑ "Conference Committees". www.aids2018.org (in Engels). Besoek op 27 April 2021.
- ↑ Bekker, L.-G.; Wood, R. (1 November 2011). "TB and HIV co-infection: When to start antiretroviral therapy". Continuing Medical Education (in Engels). 29 (10): 420. ISSN 2078-5143.
- ↑ "HIV Self-Test Granted CE Mark - Clinical Lab Products". Clinical Lab Products (in Engels). Besoek op 27 Julie 2021.
- ↑ "Bekker, Linda-Gail - Virology Education". Virology Education (in Engels). Besoek op 27 Julie 2021.
- ↑ "Professor Linda-Gail Bekker opens the International AIDS Symposium Conference | Desmond Tutu HIV Foundation". Desmond Tutu HIV Foundation (in Engels). 1 Augustus 2017. Geargiveer vanaf die oorspronklike op 19 Februarie 2018. Besoek op 27 Julie 2021.
- ↑ "Cutbacks in foreign aid for HIV treatment would produce great harm, generate few savings". Massachusetts General Hospital (in Engels). Geargiveer vanaf die oorspronklike op 29 Mei 2018. Besoek op 27 Julie 2021.
- ↑ "More than 200 Scientists, Researchers and Clinicians including the co-discoverer of HIV Denounce Trump Administration Policies that Undermine the Global HIV Response". Health GAP (Global Access Project) (in Engels). Geargiveer vanaf die oorspronklike op 8 Maart 2018. Besoek op 27 Julie 2021.
- ↑ "World Aids Day – Linda-Gail Bekker" (in Engels). 4 Desember 2017. Besoek op 28 Mei 2018.
- ↑ "Southern Africa: Update On the President's Emergency Plan for Aids Relief (Pepfar)". United States Department of State (Washington, DC) (in Engels). 26 Julie 2017. Besoek op 27 Julie 2021.
- ↑ Bekker, Linda-Gail. "Three decades on, stigma still stymies HIV prevention and treatment". The Conversation (in Engels). Besoek op 27 Julie 2021.
- ↑ Bekker, Linda-Gail. "Rings and things ... other ways to prevent HIV are on the cards". The Conversation (in Engels). Besoek op 27 Julie 2021.
- ↑ Bekker, Linda-Gail. "Explainer: the how, what and why of the latest HIV vaccine trial". The Conversation (in Engels). Besoek op 27 Julie 2021.
- ↑ Bekker, Linda-Gail. "AIDS conference 2016: the gains, the gaps, the next global steps". The Conversation (in Engels). Besoek op 27 Julie 2021.
- ↑ "Members - B". ASSAf.org.za (in Engels). 1 Desember 2021. Besoek op 7 Desember 2021.
- ↑ 34,0 34,1 Patel, Khadija; Malan, Mia (16 Maart 2021). "Trials, tinsel & tango: Go inside Linda-Gail Bekker's COVID world – Bhekisisa". Bhekisisa (in Engels). Besoek op 27 Julie 2021.
- ↑ "J&J vaccines arrive in SA on Tuesday night". TimesLIVE (in Engels). 16 Februarie 2021. Besoek op 27 Julie 2021.
- ↑ Nair, Nivashni; Savides, Matthew (15 Mei 2021). "Final vaccine administered as part of Sisonke trial". TimesLIVE (in Engels). Besoek op 27 Julie 2021.
- ↑ "Update On Covid-19 (16th May 2021)". SA Corona Virus Online Portal (in Engels). 16 Mei 2021. Besoek op 27 Julie 2021.