Naboom
Naboom | |
---|---|
Wetenskaplike klassifikasie | |
Domein: | Eukaryota |
Koninkryk: | Plantae |
Klade: | Tracheofiete |
Klade: | Angiospermae |
Klade: | Eudicots |
Klade: | Rosids |
Orde: | Malpighiales |
Familie: | Euphorbiaceae |
Genus: | Euphorbia |
Spesie: | E. ingens
|
Binomiale naam | |
Euphorbia ingens E.Mey. ex Boiss., (1862)
| |
Sinonieme | |
|
Die Naboom (Euphorbia ingens) is 'n kaktus-agtige boom met 'n kort dik stam en enorme takke. Die sukkulente boom kom volop in Limpopo, asook in Mpumalanga voor en die naam van die dorp Naboomspruit verwys na hul aanwesigheid daar. Dit is ook inheems in Gauteng, KwaZulu-Natal en Noordwes.
Buite Suid-Afrika is die boom ook inheems aan Angola, Botswana, Burundi, Demokratiese Republiek die Kongo, Eritrea, Eswatini, Ethiopië, Kaprivistrook in Namibië, Kenia, Malawi, Mosambiek, Rwanda, Somalië, Tanzanië, Uganda, Zambië en Zimbabwe.
Die takke het gewoonlik vier of vyf vlerke. Dit het 'n taai, wit, melkagtige sap wat uiters giftig is en intense irritasie en blase op die vel veroorsaak. As dit in die oë beland kan dit permanente blindheid tot gevolg hê. Swart inboorlinge langs die Limpopo het die melk tradisioneel gebruik om vis mee te vang. Bondels gras is in die melk geweek en in die rivier gegooi. Dit verlam die visse en hulle begin na 'n ruk lewend bo die water te dryf. Die heuning van die blomnektar van die naboom word noorsheuning genoem. Dit brand die mond kwaai as die heuning geëet word. Die brand vererger sodra water gedrink word.
Volgens oorlewering het die Zoeloe-koning Dingaan op 'n troon onder 'n naboom gesit toe Piet Retief en sy honderd manskappe in 1838 aangeval en vermoor is.[1]
Die boom lyk baie soos die nagblom. Die boom se FSA-nommer is 351.[2][3]
Fotogalery
[wysig | wysig bron]-
Naby Dingaanstat -
In Worcester, Wes-Kaap -
Naboomblomme -
Vrugte
Sien ook
[wysig | wysig bron]Verwysings
[wysig | wysig bron]- ↑ Euphorbia-melksap dalk erger as rinkhalsgif[dooie skakel], Die Burger, 24 Oktober 1987
- ↑ https://www.treetags.co.za/national-list-of-indigenous-trees/
- ↑ TREES of the Kruger National Park, a field guide, Piet van Wyk. Struik Uitgewers, Kaapstad, 2008. p.133, ISBN 978-1-77007-759-1
Bronne
[wysig | wysig bron]- Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
- Plants of the World Online
- REDLIST Sanbi
Eksterne skakels
[wysig | wysig bron]Wikimedia Commons het meer media in die kategorie Naboom.
- IUBN Rooilys veilige spesies
- Euphorbia
- Bome van Afrika
- Flora van Angola
- Flora van Botswana
- Flora van Burundi
- Flora van die Demokratiese Republiek die Kongo
- Flora van Eritrea
- Flora van Eswatini
- Flora van Ethiopië
- Flora van Namibië
- Flora van Kenia
- Flora van Malawi
- Flora van Mosambiek
- Flora van Rwanda
- Flora van Somalië
- Flora van Suid-Afrika
- Flora van Tanzanië
- Flora van Uganda
- Flora van Zambië
- Flora van Zimbabwe