Sjiasjkotan
Sjiasjkotan | |
---|---|
Eiland van die Koerile | |
Satellietbeeld van Sjiasjkotan.
| |
Ligging | See van Ochotsk |
Plaaslike naam | Шиашкотан 捨子古丹島 |
Argipel | Koerile |
Oppervlakte | 122 km2 |
Lengte | 25 km |
Breedte | 0,9-9 km |
Hoogste punt | Pik Sinarka |
Hoogte | 944 m |
Land | |
Deelgebied | Sachalin-oblast |
Bevolking | 0 |
Sjiasjkotan (Russies: Шиашкотан; Japannees: 捨子古丹島, Shasukotan-tō) is 'n onbewoonde vulkaniese eiland naby die middel van die Koerile-argipel in die See van Ochotsk, noordwestelike Stille Oseaan. Hy val in die Sachalin-oblast van Rusland.
Die eiland word deur die Straat van Ekarma van die eiland Ekarma geskei. Die naam kom van die inheemse taal Ainoe en beteken "Kelpdorp".
Sjiasjkotan is rofweg in die vorm van 'n handgewig: Dit word gevorm deur twee eilande wat verbind word deur 'n smal strook land. Die totale lengte van die eiland is 25 km, en sy breedte wissel van 9 km op sy breedste tot 0,9 km op sy smalste. Dit beslaan 'n oppervlakte van 122 km2.[1] Albei kante van die eiland is stratovulkane en daar kan net aan die sanderige middelste strook geland word.
Verwysings
[wysig | wysig bron]- ↑ "International Kuril Island Project(IKIP)". University of Washington Fish Collection or the respective authors. Geargiveer vanaf die oorspronklike op 23 Julie 2013. Besoek op 10 Oktober 2021.
Skakels
[wysig | wysig bron]Wikimedia Commons het meer media in die kategorie Sjiasjkotan.
Hierdie artikel is in sy geheel of gedeeltelik uit die Engelse Wikipedia vertaal.