Skutblaar
’n Skutblaar is in plantkunde ’n aangepaste of gespesialiseerde blaar wat veral verbind word met die voortplantingstelsel soos ’n blom, groeias of teëlskub. Skutblare verskil dikwels, maar nie altyd nie, van die gewone blare. Hulle kan kleiner of groter wees of ’n ander kleur, vorm of tekstuur hê. Hulle lyk gewoonlik ook anders as die res van die blom, soos die kroon- en kelkblare. ’n Plant met skutblare word skutblaardraend genoem.
Soorte
[wysig | wysig bron]Sommige skutblare is helderkleurig en lok insekte, óf saam met die blomdek of in die plek daarvan. Voorbeelde van plante met sulke skutblare is die poinsettia en bougainvillea: albei het groot, helderkleurige skutblare wat die heelwat kleiner, minder kleurryke blomme omring.
By grasse is elke blommetjie toegevou in ’n paar papieragtige skutblare, wat die lemma (onderste skutblaar) en palea (boonste skutblaar) genoem word, terwyl elke blompakkie (groep blommetjies) nog ’n paar skutblare by sy basis het bekend as die kelkkaffie (of graandoppie). Hierdie skutblare vorm die kaf wat van die graan geskei word.
Sommige plante het borsel- of skottelvormige skutblare. ’n Voorbeeld van ’n plant met laasgenoemde soort is die Marcgravia evenia. Vlermuise kan akoestiese seine van hulle af opvang.[1]
’n Profillum is ’n blaaragtige struktuur wat om die steel van die aar van sommige biesies sit.
Galery
[wysig | wysig bron]-
Die skutblare van die bougainvillea lok insekte.
-
Gekleurde skutblare van die poinsettia.
-
’n Artisjok.
-
’n Lemma (die opstaande liggrys blaartjie regs) by die aar van glanshawer.
-
Gekleurde skutblare by die piesangplant.
-
Vrugte van ’n soort grenadellablom omring deur gekleurde, stekelrige skutblare.
-
Die borselagtige skutblare van die eenarige wolgras.
Verwysings
[wysig | wysig bron]- ↑ Ralph Simon; Marc W. Holderied; Corinna U. Koch; Otto von Helversen. "Floral acoustics: Conspicuous echoes of a dish-shaped leaf attract bat pollinators". Science. 333 (6042): 631–633. doi:10.1126/science.1204210.
Eksterne skakels
[wysig | wysig bron]Wikimedia Commons het meer media in die kategorie Skutblaar.
Hierdie artikel is vertaal uit die Engelse Wikipedia