Sutherland
Sutherland | |
---|---|
Koördinate: 32°23′37″S 20°39′41″O / 32.39361°S 20.66139°O | |
Land | |
Provinsie | Noord-Kaap |
Distrik | Namakwa |
Munisipaliteit | Karoo Hoogland |
Stigting | 1858 |
Oppervlak | |
• Totaal | 35,98 km2 (13,89 vk. myl) |
Bevolking (2011)[1] | |
• Totaal | 2 836 |
• Digtheid | 79/km2 (200/vk. myl) |
Rasverdeling (2011) | |
• Wit mense | 12.7% |
• Indiërs/Asiërs | 0.8% |
• Bruin mense | 78.2% |
• Swart mense | 8.0% |
• Ander | 0.3% |
Taal (2011) | |
• Afrikaans | 96.0% |
• Engels | 1.9% |
• Ander | 2.1% |
Poskode (strate) | 6920 |
Poskode (posbusse) | 6920 |
Skakelkode | 023 |
Sutherland is 'n dorp in die Karoo-hoogland van die provinsie Noord-Kaap (Suid-Afrika). Dit staan bekend as die sentrum van die sterrekunde in Afrika, maar ook as een van die koudste dorpe in Suid-Afrika met sneeuval en uiterste temperature van –16 °C in die winter. (Die koudste dorp is egter Buffelsfontein, waar 'n minimum temperatuur van –18.6°C al gemeet is.[2])
Geskiedenis
[wysig | wysig bron]Sutherland is in 1857 op die plaas De List as 'n nuwe NG Kerk gemeente gestig en op 8 November 1858 is die eerste erwe verkoop. Die dorp is vernoem na ds. Henry Sutherland, predikant van die gemeente op Beaufort-Wes ten tyde van Sutherland se afstigting in 1855.
Danksy sy afgeleë en droë ligging 1 458 meter bo seevlak staan dit bekend vir sy naghemel, wat onder die suiwerstes en donkerstes ter wêreld tel en sodoende uiters geskik is vir sterrekundige navorsing.
Die Suid-Afrikaanse Sterrewag, wat in 1972 sowat veertien kilometer buite die dorp geopen is, was destyds een van die grootstes in die Suidelike Halfrond. Sutherland huisves vandag ook die Suider-Afrikaanse Groot Teleskoop (Southern African Large Telescope, SALT), die grootste enkele teleskoop in die Suidelike Halfrond.
Noemenswaardige boorlinge
[wysig | wysig bron]N.P. van Wyk Louw, bekende Suid-Afrikaanse digter, en sy broer W.E.G. Louw is hier gebore. Hul geboortehuis, Louwhuis, is nou 'n museum. Die museum huisves ook inligting oor die ingenieur dr. Henry Olivier, ook 'n boorling van Sutherland. Oudmin. Adriaan Vlok is op Sutherland gebore uit 'n bekende plaaslike familie.
Trivia
[wysig | wysig bron]Salpeterkop, 'n rustende vulkaan is naby Sutherland geleë.
Sien ook
[wysig | wysig bron]Verwysings
[wysig | wysig bron]- ↑ 1,0 1,1 1,2 1,3 "Hoofplek Sutherland". Sensus 2011.
- ↑ South African Weather Bureau: "Coldest Place in South Africa" Geargiveer 1 Oktober 2009 op Wayback Machine, 30 June 2005.
Eksterne skakels
[wysig | wysig bron]Wikimedia Commons het meer media in die kategorie Sutherland.
- (en) Toerisme-inligting oor Sutherland op Wikivoyage