Toela-oblast
Toela-oblast Тульская область | ||||
Die ligging van Toela-oblast in Rusland. | ||||
Politieke status | ||||
Land | ||||
Federale distrik | Sentrale | |||
Ekonomiese streek | Sentrale | |||
Stigting | 26 September 1937 | |||
Regering | ||||
Hoofstad | Toela | |||
Leier | Wladimir Groezdef | |||
Amp | Goewerneur | |||
Wetgewer | Oblast-doema | |||
Bevolking | ||||
Sensus | 2010 | |||
Totaal | 1 553 925 | |||
Volgorde | 27ste | |||
Digtheid | 60,46/km2 | |||
Stedelik | 79,4% | |||
Plattelands | 20,6% | |||
Statistiek | ||||
Oppervlakte | 25 700 km2 | |||
Volgorde | 69ste | |||
Tydsone | UTC+04:00 | |||
Registrasienommer | 71 | |||
Amptelike tale | Russies | |||
Webtuiste | http://www.admportal.tula.ru/ | |||
Wapen en vlag | ||||
|
Toela-oblast (Russies: Ту́льская о́бласть, Toelskaja oblast) is ’n deelgebied van Rusland. Dit lê in die Sentrale Federale Distrik en die hoofstad is Toela. Die oblast se oppervlakte is 25 700 km2 en volgens die Russiese sensus van 2010[1] het dit ’n inwonertal van 1 553 925.
Toela-oblast grens in die noorde aan Moskou-oblast, in die ooste aan Rjazan-oblast, in die suidooste aan Lipetsk-oblast, in die suidweste aan aan Orjol-oblast en in die weste aan Kaloega-oblast. Dit is een van die mees ontwikkelde en verstedelikte oblaste en die grootste deel word beslaan deur die Toela-Nowomoskofsk-agglomeraat, ’n stedelike gebied met meer as ’n miljoen inwoners.
Geskiedenis
[wysig | wysig bron]Toela-oblast word al sedert die Steentydperk bewoon, soos bewys deur die ontdekking van begrafnisheuwels (koergans) en ou nedersettings.[2] Teen die 8ste eeu is die gebied bewoon deur die Wjatitsji, ’n Oos-Slawiese volk wat die land bewerk, handel gedryf en vakmanne was. Die eerste keer dat die stad Toela genoem is, is in 1146 in die Nikon-kroniek in verband met die veldtog van prins Swjatoslaf Olgowitsj van Tsjernigof. In dié tyd het die grond aan die Prinsdom Rjazan behoort, en prins Swjatoslaf het deur ’n paar nedersettings gereis op pad na Rjazan, onder meer deur Toela.[3]
Geografie
[wysig | wysig bron]Toela-oblast het meer as 1 600 riviere en strome. Groot riviere sluit in die Don, Oka en Oepa.
Die gebied is ryk aan ystererts, klei, kalksteen en ligniet (steenkool).[4] Die ligniet is deel van die Moskou-steenkoolbekken.
Klimaat
[wysig | wysig bron]Die oblast het ’n matige kontinentale klimaat, met warm somers en koue winters. Die gemiddelde temperatuur in Januarie is -10 °C in die noorde en -9 °C in die suide. In Julie is die gemiddeld sowat 19 °C tot 20 °C.
Die gemiddelde jaarlikse neerslag is 470 mm in die suidooste en 575 mm in die noordweste.
Demografie
[wysig | wysig bron]Toela-oblast het in 2010 1 553 925 inwoners gehad. Hiervan was 95,3% Russe, 1% Oekraïners, 0,6% Armeniërs en 0,5% Tatare. Ander groepe was Azerbeidjanners, Roma, Belarusse en Duitsers.
Altesaam 19 778 mense het nie hulle etnisiteit verklaar nie. Daar word geraam die verspreiding van dié groep is dieselfde as vir die groep wat wel hulle etnisiteit verklaar het.[5]
Stede en dorpe
[wysig | wysig bron]Grootste stede en dorpe van Toela-oblast Russiese sensus 2010[1] | |||||||||
---|---|---|---|---|---|---|---|---|---|
Ranglys | Stadnaam | Administratiewe afdeling | Bevolking | ||||||
Toela |
1 | Toela | Stad Toela | 501 169 | Donskoi | ||||
2 | Nowomoskofsk | Nowomoskofski-distrik | 131 386 | ||||||
3 | Donskoi | Dorp Donskoi | 64 552 | ||||||
4 | Aleksin | Aleksinski-distrik | 61 732 | ||||||
5 | Sjtsjokino | Sjtsjokinski-distrik | 58 139 | ||||||
6 | Oezlowaja | Oezlofski-distrik | 55 282 | ||||||
7 | Jefremof | Jefremofski-distrik | 42 350 | ||||||
8 | Bogoroditsk | Bogoroditski-distrik | 31 897 | ||||||
9 | Kimofsk | Kimofski-distrik | 28 485 | ||||||
10 | Kirejefsk | Kirejefski-distrik | 25 557 |
Verwysings
[wysig | wysig bron]- ↑ 1,0 1,1 (ru) Оценка численности населения на 1 января 2014 года и в среднем за 2013 год Geargiveer 19 Oktober 2015 op Wayback Machine
- ↑ Yushkova, Maria A. (2012). "Northwestern Russia at the periphery of the north European and Volga-Uralic Bronze Age". In Anfinset, Nils; Wrigglesworth, Melanie (reds.). Local Societies in Bronze Age Northern Europe. Londen: Equinox (Acumen). pp. 129–147. ISBN 978-1-84553-742-5.
- ↑ "Tula Region". Kommersant Moscow. 8 Maart 2004. Geargiveer vanaf die oorspronklike op 30 September 2007.
- ↑ "Tula Oblast". Merriam-Webster's Geographical Dictionary (2001). Geargiveer vanaf die oorspronklike op 17 Maart 2016. Besoek op 31 Oktober 2006.
- ↑ "Перепись-2010: русских становится больше". Perepis-2010.ru. 19 Desember 2011. Geargiveer vanaf die oorspronklike op 18 Januarie 2012. Besoek op 27 September 2012.
Skakels
[wysig | wysig bron]Wikimedia Commons het meer media in die kategorie Toela-oblast.
Hierdie artikel is in sy geheel of gedeeltelik uit die Engelse Wikipedia vertaal.