[go: nahoru, domu]
Gaan na inhoud

Zahara

in Wikipedia, die vrye ensiklopedie
Zahara
Agtergrondinligting
GeboortenaamBulelwa Mkutukana
Gebore9 November 1987
Phumlani, Oos-Kaap (Suid-Afrika)
Sterf11 Desember 2023 (op 36)
Johannesburg
GenresAfrosoul
Beroep(e)Sangeres-liedjieskryfster, digteres
InstrumenteAkoestiese kitaar
EtiketteEMI South Africa

Zahara, regte naam Bulelwa Mkutukana (9 November 1987, Phumlani, Oos-Kaap – 11 Desember 2023), was 'n Suid-Afrikaanse sangeres. Haar musiek is losweg as "Afrosoul" geklassifiseer, en sy het in haar moedertaal, Xhosa, asook in Engels gesing.[1] Haar musiek was as 'n mengsel van style beskryf wat deur Tracy Chapman, India Arie en die Nigeriese sangeres Aṣa gepopulariseer is.[2]

Zahara se debuutalbum Loliwe is in 2011 uitgereik. Die eerste stapel kopieë was binne 72 uur uitverkoop[1] en negentien dae later het die album die 100 000-verkoopsyfer oorskry.[3] Sy is slegs die tweede kunstenaar om hierdie mylpaal te behaal, ná Brenda Fassie wie se Memeza 500 000 kopieë net 'n paar weke ná vrystelling verkoop het.[3]

Sy verower 8 SAMA-toekennings vir haar album Loliwe by die 19de Suid-Afrikaanse Musiekpryse in 2013.[4]

Zahara is in die Phumlani informele nedersetting buite Oos-Londen in die Oos-Kaap gebore. Sy het van kleins af 'n voorliefde vir sang gehad en haar talent is raakgesien toe sy die hoofsanger van die plaaslike Sondagskoolkoor in Phumlani geword het.

"Zahara" beteken "bloeiende blom".

Dood

[wysig | wysig bron]

Zahara is op 11 Desember 2023 in die ouderdom van 36 in 'n hospitaal in Johannesburg oorlede.[5][6] Sy is middel-November weens lewerkomplikasies opgeneem wat vererger het totdat sy nie meer gereageer het nie.[7] Sy het volgens haar bestuurder in 2019 aan lewersiekte gely ná probleme met alkoholisme[8]

Diskografie

[wysig | wysig bron]
  • Loliwe (2011)
  • The Beginning Live (2012)
  • Nelson Mandela (2013)
  • Phendula (2013)
  • Country Girl (2015)

Verwysings

[wysig | wysig bron]
  1. ↑ 1,0 1,1 Zahara Sells Out In 72 Hours (Webartikel). MIO. URL besoek op 2011-10-18.
  2. ↑ "Zahara is going places real fast" (Webartikel). Sowetan (in Engels). Geargiveer vanaf die oorspronklike op 10 September 2017. Besoek op 18 Oktober 2011.
  3. ↑ 3,0 3,1 "Zahara's CD flies off shelves". Sowetan (in Engels). Geargiveer vanaf die oorspronklike (Webartikel) op 15 Maart 2019. Besoek op 18 Oktober 2011.
  4. ↑ "SAMA Breaking News!" (in Engels). Geargiveer vanaf die oorspronklike op 1 Mei 2017. Besoek op 24 Maart 2017.
  5. ↑ "Zahara: South African music icon dies aged 36" (in Engels (VK)). 12 Desember 2023. Besoek op 12 Desember 2023.
  6. ↑ Wycliffe Muia (12 Desember 2023). "Zahara: South African music icon Zahara dies aged 36". bbc.com (in Engels). BBC News. Besoek op 12 Desember 2023.
  7. ↑ Joel Ontong (12 Desember 2023). "'Incredible and lasting impact': Tributes pour in after 'true music icon' Zahara dies". Independent Online. Besoek op 12 Desember 2023.
  8. ↑ Beaumont-Thomas, Ben (12 Desember 2023). "Zahara, platinum-selling South African singer-songwriter, dies aged 35". The Guardian.

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Zahara&oldid=2640397"