Beatrice Egli
D Beatrice Egli (* 21. Juni 1988 z Pfäffike, Kanton Schwyz) isch e Schwyzer Schlagersängeri un d Gwinneri vu dr zehte Stapfle vu dr RTL-Castingshow Deutschland sucht den Superstar.
Lääbe
[ändere | Quälltäxt bearbeite]D Beatrice Egli chunnt us ere musikalische Familie un singt syt ihrem nyynte Lääbesjohr. Mit 14 het si aagfange mit Gsangsunterricht un si het ab do au scho uf Volksfescht gsunge. Si het en Uusbildig zur Friseri gmacht un au ai Johr lang in däm Beruefg gschafft. Anne 2011 het si ne Schauspiiluusbildig an dr „Schule für Schauspiel Hamburg“ abgschlosse. Mit ihre zwee elteren un em jingeren Brueder wohnt si im Elterehuus z Pfäffike.[1]
Anne 2007 isch d Egli zämme mit dr Lys Assia ufdrätte un si hän gmainsam d Single Sag mir wo wohnen die Engel un s glychnamig Album vereffetligt. S Duo het im April 2007 mit däm Titel di schyzerisch Vorentschaidig zum Grand Prix der Volksmusik gwunne. Bim Finale z Wien im Augschte sin si uf Platz 12 vu 16 chuu. Fir des Abschnyde isch d Egli vu dr Assia verantwortli gmacht wore.[2] Im Spotjohr 2007 isch d Egli bim „Herbstfest der Volksmusik“ vum Florian Silbereisen ufdrätte. Anne 2009 het si im „Musikantenstadl“ dr Titel Lippenstift bresäntiert. Bis do isch si alliwyl unter ihrem Prenonym, also nume unter ihrem Vorname, ufdrätte, syt ihrem dritten Album 2011 brucht si ihre vollständige Name.
Am 11. Mai 2013 het d Egli im Finale vu dr zehte Stapfle vu Deutschland sucht den Superstar mit 70,25 Prozänt vu dr Zueschauerstimme gwunne. Dur ihre Siig bi DSDS het si 500'000 Euro gwunne un het e Plattevertrag bi Universal Music iberchuu. Ihri erscht Single noch em Siig bi DSDS isch Mein Herz gsii, komponiert vum Dieter Bohlen.[3] S Lied isch in dr erschte Verchaufswuche uf Platz ais vu dr offiziälle dytsche, eschtrychische un schwyzerische Singlechart yygstiige. Im Mai isch ihre Studioalbum Glücksgefühle uusechuu, wu in dr Schyz bis uf Platz ais vu dr Albumchart chuu isch, z Dytschland un z Eschtrych bis uf Platz zwai.
Am 22. November 2013 isch ihre nechscht Studioalbum Pure Lebensfreude erschine. In dr Schwyz isch si dodermit wider uf Platz ais chuu, wie au s Album Bis hierher und viel weiter, wu am 24. Oktober 2014 uusechuu isch. S Album Kick im Augenblick vu 2016 isch in dr Schwyz un z Dytschland uf Platz drei chuu, z Eschtrych uf Platz zwai.
Diskografy
[ändere | Quälltäxt bearbeite]Studioalbe
[ändere | Quälltäxt bearbeite]- 2007: Sag mir wo wohnen die Engel
- 2008: Wenn der Himmel es so will
- 2011: Feuer und Flamme
- 2013: Glücksgefühle
- 2013: Pure Lebensfreude
- 2014: Bis hierher und viel weiter
- 2016: Kick im Augenblick
Single
[ändere | Quälltäxt bearbeite]- 2007: Sag mir wo wohnen die Engel
- 2009: Lippenstift
- 2013: Mein Herz
- 2013: Jetzt und hier für immer
- 2013: Verrückt nach dir
- 2014: Irgendwann
- 2014: Auf die Plätze, fertig, ins Glück!
- 2015: Wir leben laut
- 2015: Ohne Worte
- 2016: Kick im Augenblick
- 2016: Fliegen
- 2016: Wo sind all die Romeos
- 2017: Federleicht
Uuszaichnige
[ändere | Quälltäxt bearbeite]Chinschtleruuszaichnige
[ändere | Quälltäxt bearbeite]- Echo
- 2014: Newcomer des Jahres (international)
- Prix Walo
- 2014: Schlager
- Swiss Music Award
- 2015: Best Female Solo Act
- 2017: Best Female Solo Act
- Smago! Award
- 2017: Erfolgrychschte Schlager-Export us dr Schwyz un Multitalent
Uuszaichnige fir Musikverchaif
[ändere | Quälltäxt bearbeite]Land | Quälle | ||
---|---|---|---|
3 | 4 | musikindustrie.de | |
2 | 4 | ifpi.at | |
2 | 2 | hitparade.ch | |
Zäme | 7 | 10 |
Weblink
[ändere | Quälltäxt bearbeite]- Beatrice Egli in der Internet Movie Database
- Label-Websyte vu dr Beatrice Egli
- Biografy bi rtl.de
- Biografy bi laut.de
- Interview
Fueßnote
[ändere | Quälltäxt bearbeite]- ↑ «DSDS» Paloma: «Darum versteckt sich Beatrices Freund». In: Schweizer Illustrierte online, 4. Mai 2013.
- ↑ DSDS-Kandidat Beatrice Egli: Gemobbt von ihrer Kollegin. In: Bravo, 3. April 2013.
- ↑ DSDS 2013: Beatrice Egli «Mein Herz» zum Herunterladen
Dä Artikel basiert uff ere fräie Übersetzig vu dere Version vum Artikel „Beatrice_Egli“ vu de dütsche Wikipedia. E Liste vu de Autore un Versione isch do z finde. |