Global Kryner
Allgmeini Informatione | ||
Genre | Neui Volksmusig, World | |
---|---|---|
Gründig | 2002 | |
Uuflöösig | 2013 | |
Gründungsmitglider | ||
Chrischtof Spörk | ||
Sebaschtian Fuchsbärger | ||
Letschti Bsetzig | ||
Klarinettè, Moderation |
Chrischtof Spörk | |
Martin Temmel | ||
Anton Sauprügl (seit März 2003) | ||
Edi Köhldorfer (sit Oktobèr 2003) | ||
Markus Pechmaa (sit Oktobèr 2008) | ||
Gsang |
Sabine Styger (sit Dezembèr 2004) | |
Ehmaligi Mitglider | ||
Akkordeon |
Wolfgang Peer (bis März 2004) | |
Gitarrè |
Hardy Kamm (bis Oktobèr 2003) | |
Drumbeetè |
Thomas Gansch (bis Mai 2004) | |
Drumbeetè |
Karl Roßmann (Mai 2004-Oktobèr 2008) | |
Drumbeetè |
Wolfgang Sohm | |
Gsang |
Anne Marie Höller (Novembèr 2003–Dezembèr 2004) | |
Gsang |
Jacqueline Patricio da Luz (Summer 2003–Novembèr 2003) | |
Gsang |
Anna Hauf | |
Bassbosuunè, Gsang, Jodlè |
Sebaschtian Fuchsbärger |
Global Kryner isch è Band uss Wyn, Öschterrych. Im April 2004 hèt si s glychnammigi Debütalbum, publizyrt, mit dèmm d Band au z Dütschland tourt hèt.
Bandgschichtè
[ändere | Quälltäxt bearbeite]Global Kryner isch è Idee vom Christof Spörk, wo vo 1992 bis Aafang 2005 als Klarinettischt, Tegschter un Sänger vo dè Gruppè Die Landstreich am Start gsi isch. Sin èrschtè Kompaniõ bi Global Kryner isch dè Sebaschtian Fuchsbärger gsi, wo bis Èndi 2004 bi dè Mnozil Brass aktiv gsi isch. Mit dè Sängerin Anna Hauf, èm Akkordeonischtè Wolfgang Peer, èm Drumbeeter Wolfgang Sohm un èm langjöhrigé Christl Stürmer-Gitarrischt Hardy Kamm hèt d Global Kryner znägscht unter m Brojèkttitel „over.kryner“ eins vo dè èrschtè Konzärt am 4. Mai 2002 z Scheibbs aalässlich vom nidderöschterrychischè Volksmusigfeschtival AufhOHRchen gää.
Als Akkordeonischt isch dè Anton Sauprügl im Hèrbscht 2002 dezuè chò, als Gitarrischt Edi Köhldorfer isch im Hèrbscht 2003 dezuè chò. D Ännie Höller un dè Thomas Gansch hèn schlièßlich sèbbi Bsetzung komplètt gmacht, mit wellèrè zwǜschè Novembèr 2003 un èm Februar 2004 diè èrscht CD „Global Kryner“ uffgnõ worrè isch. Sèlli CD, wo im April 2014 publizyrt worrè isch, hèt z Öschterrych bald Goldschtatus chriègt un isch übber 40 Wuchè i dè öschterrychischè Charts gsi.
Anno 2005 hèt d Global Kryner dè Amadeus Award voliè chriègt un isch bim Eurovision Song Contest z Kièw mit èm Song Y Así als Vodrètter vo Öschterrych aadrèttè. Global Kryner isch dört im Semifinale uusgschiddè. Im Johr 2006 hèt d Global Kryner dè Bonner Satirepriis Prix Pantheon gwunnè.
Am 28. Januar 2010 hèt d Global Kryner iri neui CD „Global Kryner versus The Rounder Girls“ im Boxclub Box Union Favoritè, moderyrt vom Sigi Bärgmaa, bräsentyrt. Im Raamèbrogramm hèt dè Akkordeonischt Chrischtian Bakanic gschpillt.
Global Kryner hèt am Aafang vum Johr 2013 d Ufflösung vo dè Band für s Èndi vom Oktobèr 2013 bekannt gää, s hèt no è großi Abschydstour unter m Motto „Servus“ gää, in dèrrè d Musiger nommòl in è Huufè Länder wiè Öschterrych, Schwiz, Dütschland un Südtyrol (u.m) vorby gluègèt hèn.
Styl
[ändere | Quälltäxt bearbeite]D Global Kryner ordnèt yrè Styl nit im volgstümlichè Schlager un nit dè Popmusig zuè. D Kompositionè zeichnèd sich durch Jazzharmoniè un wechselndi Tagtartè, Rhǜthmè un Tempi uus. Allgemein isch d Musig im soulig-jazzigè Berych aagsidlèt. Ufffällig isch, dass kei Schlagzüüg ygsetzt wörd un sèllèwäg dè "Drive" vo dè Bassbosuunè, Gitarrè un Akkordeon hèr chunnt.
Uff dè Internetsitè vo dè Band cha mò dõdezuè läsè:
„Sechs Musiker aus den unterschiedlichsten Ecken sind nun angetreten,
- den Oberkrainersound aus der Bierzeltseligkeit in ein seriöses World-Music-Genre zu übersetzen,
- den Spielwitz dabei nicht zu verlieren und
- zu beweisen, dass jedes Lied, jede Melodie aus Pop, Jazz und Klassik verkrainert werden kann.“
Vo allèm us èm èrschtè un drittè Pungt cha mò druus usè läsè, dass d Global Kryner è spezièlli Form vom Crossover praktizyrd hèn, idèm si dè Obberkrainer-Sound mit dè Popmusig-Titel vomischlèt hèn.
Bezeichnènd dõdefür wiè au für dè Styl un s Publikum vom Ensemble isch diè Tatsach gsi, dass d Musiger yr Debütalbum am glychè Õbèd im Musikantèschtadl un im bedütendè Wyner Jazzclub Porgy & Bess vorgschtellt hèn.
Wôrend iri èrschti CD no us adaptyrtè Frèmdkompositionè bschtandè hèt, sin uff irèm zweitè Album Krynology sèlbscht komponyrti Titel druff gsi. Au uff dè drittè CD WEG sin eigeni Titel druff gsi, wo abber nur näbbèby im Oberkrainersound dehèr cho sin. D Band hèt sich bi sellèm Album in Richtung kabarettistischè Jazz witterentwicklèt ghaa.
Diskografy
[ändere | Quälltäxt bearbeite]- global.kryner, April 2004 (AT:
)[1]
- Krynology, Mai 2005
- Weg, Septembèr 2007
- Live in Luxembourg, Novembèr 2008
- Global Kryner versus The Rounder Girls, Novembèr 2009
- Global Kryner - Coverstories, Oktobèr 2011
Wettbewärb un Priis
[ändere | Quälltäxt bearbeite]- 2005: Eurovision Song Contest mit èm Song Y Así (Zwǜschèrundi)
- 2005: Amadeus Austrian Music Award i dè Spartè „Gruppe Pop/Rock national“.
- 2006: Prix Pantheon i dè Spartè "Frühreif & Verdorben"
Weblinggs
[ändere | Quälltäxt bearbeite]Einzelnõchwys
[ändere | Quälltäxt bearbeite]Dä Artikel basiert uff ere fräie Übersetzig vu dere Version vum Artikel „Global_Kryner“ vu de dütsche Wikipedia. E Liste vu de Autore un Versione isch do z finde. |