Magnus Cordes-Schmid

Dr Magnus Cordes-Schmid (* 1970) isch e dytsche Musiktherapeut un Musiklehrer.

Lääbe

Dr Cordes-Schmid isch z Sipplinge am Boodesee ufgwagse. Är het e Uusbidlig zum Musiktherapeut gmacht un Fuurtbidlige in Musiktheater, Klassemusiziere un Heerspiil.

Ä unterriichtet Blockfleete an dr Jugedmusikschuel Hochschwarzwald z Ditisee. Är isch Chorlaiter vu dr Gruppe Popchorn z Hinterzarte un spiilt im Klassik-Pop Duo Lutgnueg mit em Roland Hensler un au im Erwagsene-Ensemble CIS-M vu dr Jugedmusikschuel. Derzue het er verschiideni Musiktheater-Projäkt iniziiert un duuregfiert.

Bim Dialäktwettbewäärb „s menschelet“ vu dr Muettersproch-Gsellschaft, dr Badische Zytig un em Sidweschtrundfunk anne 2010 het er mit em lutmoolerische Gedicht „KuttläMuttlä“ e Sunderbryys gwunne.

Dr Cordes-Schmid isch syt 1998 ghyrote mit dr Sonja Cordes-Schmid (* 1969), wu as Inklusionspedagogi an dr Neistädter Hans-Jakob-Schuel gschafft, un het mit ire ne Suhn un e Dochter. Är wohnt mit syre Familie im Iisebacher Ortsdail Buebebach.

Är isch Mitgliid im Förderkreis Kreatives Eisenbach un syt 2013 au im Vorstand, mittlerwyli as Stellverdrättende Vorsitzer.

Wäärch

• Gebrauchsanleitung zur Erschliessung eines Mundartgedichts. In: Alemannisch dunkt üs guet, 1/2010, S. 7
• KuttläMuttlä. In: Alemannisch dunkt üs guet, 1/2010, S. 12

Weblink

• dr Magnus Cordes-Schmid uf dr Websyte vu dr Jugedmusikschuel Ditisee
• Täxtprobe vum Magnus Cordes-Schmid uf dr Websyte vu dr Muettersproch-Gsellschaft
• Peter Stellmach: Nicht Künstler machen, sondern Persönlichkeit prägen, Badische Zeitung, 28. Juli 2009
• Peter Stellmach: Jugendmusikschule sucht Kinder für Musiktheater, Badische Zeitung, 13. Oktober 2010
• Gert Brichta: Ein Hoch auf Eisenbach, Badische Zeitung, 14. Juni 2019