Moutier
Moutier (dt. Münster) | |
---|---|
(dt. Münster) | |
Basisdate | |
Staat: | Schwiiz |
Kanton: | Bärn (BE) |
Verwautigschreis: | Bärner Jura |
BFS-Nr.: | 0700 |
Poschtleitzahl: | 2740 |
UN/LOCODE: | CH MTR |
Koordinate: | 594872 / 236631 |
Höchi: | 535 m ü. M. |
Flächi: | 19,53 km² |
Iiwohner: | 7189 (31. Dezämber 2022)[1] |
Website: | www.moutier.ch |
Chiuche Saint-Germain | |
Charte | |
(dt. Münster) |
Moutier (Franc-comtois [moˈtiːə], alem. Münschter, dt. verautet Münster) isch en Ywohnergmeind im Verwautigschreis Bärner Jura vom Schwyzer Kanton Bärn.
Geografi
[ändere | Quälltäxt bearbeite]Moutier ligt im Birstau im Schwizer Jura. Vor Gmeindsflächi sy 31 % langwirtschaftlecher Flächi, 55,8 % Waud, 12,1 % Sidligsflächi u 1,1 % süschtigi Flächi.[2] D Nachburgmeinde sy Perrefitte, Champoz, Court, Eschert, Belprahon u Roches im Kanton Bärn u Châtillon u Soulce im Kanton Jura.
Gschicht
[ändere | Quälltäxt bearbeite]Moutier isch zum erschte Mal gnennt worde im Jahr 1154 aus datum Monasterii, 1181 apud Monasterium. Der Ort het sich im Mittelalter um d Benediktinerabtei Münschter-Granfälde entwicklet und het im 15. Jahrhundert mit ere Reie Stedt Burgrächtabkomme gschlosse – drunder au mit dr Stadt Bärn. Dür d Bschlüss vom Wiener Kongräss isch es 1815 a Kanton Bärn choo.
Bis zum 31. Dezämber 2009 het d Gmeind zum Bezirk Moutier ghört u isch dört Houptort gsy, sider ghört Moutier zum nöi gründete Verwautigschreis Bärner Jura.
1974 het sech Moutier bir Jura-Abstimmig knapp für Bärn entschide. 1982 aber het s Volch e projurassische Stadtpresidänt gwäält, u bin ere wytere Abstimmig 2014 hets sech knapp für der Aaschluss a Kanton Jura uusgsproche.
Am 18. Juni 2017 het s Wahlvolch vo Moutier in ere Abstimmig mit 2067 Stimme (51,7 %) zu 1930 Stimme (48,3 %) dr Wächsel vom Kanton Bärn zum Kanton Jura bschlosse.[3] Die Abstimmig isch aber wäge Uregelmässigkeite am 5. Novämber 2018 vom Regierigsstatthauteramt vom Bärner Jura für ugüutig erchlärt worde.[4]
Am 28. Merz 2021 het s e zwoti Abstimmig gää, dadebi het s Wahlvolch mit 2114 (54,9 %) zue 1740 Stimme für dr Wächsel gstimmt.[5][6][7] D Gmeind soll aafangs 2026 zum Kanton Jura wächsle.[8][9]
Ywohner
[ändere | Quälltäxt bearbeite]Quäuue: Bundesamt für Statistik 2005[10]
Jahr | 1850 | 1860 | 1870 | 1880 | 1888 | 1900 | 1910 | 1920 |
Ywohner | 917 | 1570 | 1946 | 2111 | 2320 | 3088 | 4164 | 4631 |
Jahr | 1930 | 1941 | 1950 | 1960 | 1970 | 1980 | 1990 | 2000 |
Ywohner | 4704 | 5165 | 5916 | 7472 | 8794 | 7959 | 7860 | 7701 |
Dr Uusländeraateil isch 2010 bi 23,4 % gläge.[2]
Religion
[ändere | Quälltäxt bearbeite]33,7 % vo de Ywohner si evangelisch-reformiert, 47,8 % si römisch-katholisch (Stand 2000).
Politik
[ändere | Quälltäxt bearbeite]Bi de Nationauraatswahle 2011 het s das Ergebnis ggää:[2] BDP 2,8 %, CVP 17,7 %, EVP 2,9 %, FDP 6,0 %. GLP 1,3 %, GP 5,4 %, SP 23,7 %, SVP 22,7 %, Suschtigi 17,5 %.
Gmeindspresidänt vo Moutier isch dr Marcel Winistörfer (Stand 2018).
Wirtschaft
[ändere | Quälltäxt bearbeite]D Arbetslosigkeit isch im Jahr 2011 bi 2,7 % gläge.[2]
Sprach u Dialäkt
[ändere | Quälltäxt bearbeite]Bir Vouchszeuuig 2000 hei vo de 7701 Ywohner 86,5 % Wäutsch aus Houptsprach aaggää, 3,9 % Dütsch u 3,6 % Italiänisch.
Dr alt Patois (Franc-comtois) vo Moutier isch wahrschynlech ir erschte Heufti vom 20. Jahrhundert uusgstorbe.
Biuder
[ändere | Quälltäxt bearbeite]-
Moutier -
Hôtel de ville -
Chluus vo Moutier
Weblink
[ändere | Quälltäxt bearbeite]- www.moutier.ch
- François Wisard: Moutier (Gemeinde). In: Historisches Lexikon vo dr Schwiiz.
Fuessnote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ 2,0 2,1 2,2 2,3 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
- ↑ Moutier hat die Jurafrage «abgeschlossen». Artikel im Tagi vom 18. Juni 2017.
- ↑ Moutier-Abstimmung für ungültig erklärt. Artikel ir Zürizyitg vom 5. November 2018.
- ↑ Juradossier: Moutier wird am 28. März 2021 über seine Kantonszugehörigkeit abstimmen. In: admin.ch. Eidgenössisches Justiz- und Polizeidepartement, 8. Oktober 2020, abgruefen am 9. Oktober 2020.
- ↑ Moutier-Abstimmung: Kontrolle des Stimmregisters nicht abgeschlossen. In: be.ch. Medienmitteilung der Juradelegation des Regierungsrates, 27. März 2021, abgruefen am 27. März 2021.
- ↑ Moutier wechselt vom Kanton Bern zu Jura. Schweizer Radio und Fernsehen, 28. März 2021, abgruefen am 28. März 2021.
- ↑ Daniel Gerny: Ein erfreulich klares Resultat – doch für Bern ist der Abschied von Moutier bitter. Neue Zürcher Zeitung, 28. März 2021, abgruefen am 28. März 2021.
- ↑ Moutier wird jurassisch – Wie schnell kann Moutier den Kanton wechseln? Schweizer Radio und Fernsehen, 28. März 2021, abgruefen am 28. März 2021.
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )