Cucurbita
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Cucurbita | ||||||||||||||||||
Mata de carabaza (Cucurbita maxima) | ||||||||||||||||||
|
Cucurbita ye un chenero de plantas dicotiledonias en a familia Cucurbitaceae, que comprende especies caultivadas por as suyas fruitas, simients y flors.
Son plantas de creiximiento anyal, de regular rastreras u enfiladizas, que aduben en as suyas formas bordes a fer diversos metros de lonchitut en o tallo. En o suyo creiximiento, emiten filos que s'embracan con a vechetación adchacent. As fuellas son palmatas, y en cualques especies, son pubescents mesmo que os tallos.
Os eixemplars solen estar dioicos, anque no ye raro de trobar-ne que nomás fan flors d'un solo sexo. As flors son muit grans, y son adaptadas a estar polinizadas por as abelletas d'os cheneros Peponapis y Xenoglossa. Os fruitos son peponides (ixo ye, un fruito d'o tipo baya pero granizo) con midas que varían extremadament d'entre unas especies y atras, arribando a pesar dica diversos kilogramos en Cucurbita maxima (a calabaza). As formas son diversas, largos, cilindricos, esfericos, si fa u no fa bulbosos toz, con colors que bailan d'entre l'amariella clareta dica os verdes mas intensos.
Especies mas cautivadas
- Cucurbita maxima, a calabaza.
- Cucurbita pepo, o carabazón u calabacín.
- Cucurbita pileocalyx.
- Cucurbita sphenantha.
- Cucurbita tristemon.
Relación d'especies d'o chenero
- C. argyrosperma.
- C. mixta.
- C. cordata.
- C. digitata.
- C. ecuadorensis.
- C. ficifolia.
- C. foetidissima.
- C. lundelliana.
- C. maxima.
- C. moschata.
- C. okeechobeensis.
- C. palmata.
- C. pedatifolia.
- C. pepo.
- C. radicans.