Sergio Leone
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Sergio Leone | |
---|---|
Información personal | |
Calendata de naixencia | 3 de chinero de 1929 |
Puesto de naixencia | |
Calendata de muerte | 30 d'abril de 1989 |
Puesto de muerte | |
Ocupación | Director cinematografico, actor, productor y guionista |
Conchuche | Carla Leone |
Sergio Leone, naixito de Roma (Italia) o 3 de chinero de 1929 y muerto tamién en Roma o 30 d'abril de 1989, estió un director cinematografico, actor, productor y guionista italiano, muit conoixito por os suyos spaghetti western, estando asinas uno d'os directors mas conoixitos d'a Historia d'o cine. Yera fillo d'o pionero d'o cine italiano Vincenzo Leone y de l'actriz d'o cine mudo Edvige Valcarenghi (Bice Waleran).
Primeras anyadas
[editar | modificar o codigo]Sergio Leone naixió en a ciudat de Roma, fillo d'o director cinematografico Vincenzo Leone (Roberto Roberti) y de l'actriz Edvige Valcarenghi (Bice Waleran), que heba estato actriz de cine mudo. Sindembargo, o suyo pai chocó con Benito Mussolini cuan iste le demanó a suya opinión sobre un guión cinematografico que o dictador heba escrito y o pai de Sergio Leone li donó a suya autentica opinión, de raso negativa, rematando asinas a suya carrera cinematografica.
Sergio Leone dentó muit choven en o mundo d'o cine, y con 20 anyadas estió ya actor y asistent de director en a cinta Ladri di biciclette, de Vittorio de Sica (1948), ta treballar luego en as prencipals produccions cinematograficas estausunidenses en Europa luego d'a Segunda Guerra Mundial, como Quo vadis?, de Mervyn LeRoy (1951), Helen of Troy, de Robert Wise (1956), Ben-Hur, de William Wyler (1959) u The Nun's Story, de Fred Zinnemann (1959).
La suya gran oportunidat, que estió l'alacez d'a suya carrera cinematografica posterior, fue cuan se li ufrió en 1959 substituyir a o director Mario Bonnard, que yera malauto, en o rodache d'a cinta Gli ultimi giorni di Pompei, a on treballó con actors consagratos como Steve Reeves, Christine Kaufmann u mesmo Fernando Rey, encara que luego o suyo nombre no apareixió en os títols de creditos d'a cinta, atribuita nomás a Bonnard.
Sindembargo, se li ufrió luego dirichir a cinta Il colosso di Rodi (1961), que estió a suya primera labor oficial como director, y dimpués tamién substituyó a Robert Aldrich en a dirección d'a cinta Sodom and Gomorrah, a on sí que apareixió con o suyo nombre en o títols de credito.
A consagración
[editar | modificar o codigo]Asinas prencipió una carrera cinematografica muit personal, explorando o mundo d'o western y estando o creyador d'un subchenero nuevo, clamato peyorativament spaghetti western, en referencia a la cocina italiana, encara que luego superó ista connotación negativa. O spaghetti western teneba bellos elementos clau, fonamentals ta o suyo exito: a musica d'Ennio Morricone (amigo d'a infancia de Sergio Leone) y a fuerza interpretativa d'un allora choven actor estausunidense, Clint Eastwood, que en ixas envueltas yera un actor semi-desconoixito.
Con rodaches feitos en as rechions diserticas de Tabernas, en a provincia d'Almería, en Andalucía, Leone, Morricone y Eastwood facioron una trilochía que revitalizó o western en os anyos 1960: Per un pugno di dollari (1964), con Marianne Koch, Gian Maria Volontè y Wolfgang Lukschy; Per qualche dollaro in più (1965), con Lee van Cleef, Gian Maria Volontè, Mara Krupp y Klaus Kinski; y Il buono, il brutto, il cattivo (1966), con Eli Wallach, Lee van Cleef y Aldo Giuffrè. Ista trilochía, conoixida como la trilochía d'o dólar, ye considerata como una d'a prencipals obras d'o western, encara que o subchero luego decheneró con produccions europeas de baixo presupuesto de serie B d'atros directors filmatas a sobén tamién en Almería.
Filmografía
[editar | modificar o codigo]Director
[editar | modificar o codigo]- 1959: Gli ultimi giorni di Pompei (no acreditato), con Steve Reeves, Christine Kaufmann y Fernando Rey.
- 1961: Il colosso di Rodi, con Rory Calhoun, Lea Massari, Georges Marchal y Conrado San Martín.
- 1964: Per un pugno di dollari, con Clint Eastwood, Marianne Koch, Gian Maria Volontè y Wolfgang Lukschy.
- 1965: Per qualche dollaro in più, con Clint Eastwood, Lee van Cleef, Gian Maria Volontè, Mara Krupp y Klaus Kinski.
- 1966: Il buono, il brutto, il cattivo, con Eli Wallach, Clint Eastwood, Lee van Cleef y Aldo Giuffrè.
- 1968: C'era una volta il West, con Henry Fonda, Claudia Cardinale, Jason Robards y Charles Bronson.
- 1971: Giù la testa, con James Coburn, Rod Steiger y Romolo Valli.
- 1984: C'era una volta in America, con Robert de Niro, James Woods, Elizabeth McGovern, Tuesday Weld y Treat Williams.
Asistent de dirección
[editar | modificar o codigo]- 1946: Rigoletto, de Carmine Gallone, con Tito Gobbi, Marcella Govoni y Lina Pagliughi.
- 1948: Ladri di biciclette, de Vittorio de Sica, con Lamberto Maggiorani, Enzo Staiola y Lianella Carell.
- 1948: La leggenda di Faust, de Carmine Gallone, con Italo Tajo, Nelly Corradi y Gino Mattera.
- 1949: Fabiola, d'Alessandro Blasetti, con Michèle Morgan, Henri Vidal y Michel Simon.
- 1949: Il trovatore, de Carmine Gallone, con Gino Sinimberghi, Vittorina Colonnello y Antonio Salvarezza.
- 1949: La forza del destino, de Carmine Gallone, con Nelly Corradi, Caterina Mancini y Gino Sinimberghi.
- 1950: Taxi di notte, de Carmine Gallone, con Beniamino Gigli, Danielle Godet y Philippe Lemaire.
- 1950: Il voto, de Mario Bonnard, con Doris Duranti, Giorgio de Lullo y Maria Grazia Francia.
- 1950: Il brigante Musolino, de Mario Camerini, con Amedeo Nazzari y Silvana Mangano.
- 1952: I tre corsari, de Mario Soldati, con Ettore Manni, Marc Lawrence y Ettore Manni.
- 1952: Jolanda la figlia del corsaro nero, de Mario Soldati, con May Britt, Marc Lawrence y Renato Salvatori.
- 1952: Il folle di Marechiaro, de Roberto Roberti, con Aldo Silvani y Polidor.
- 1953: L'uomo, la bestia e la virtù, de Steno, con Totò, Orson Welles y Viviane Romance.
- 1953: La tratta delle bianche, de Luigi Comencini, con Silvana Pampanini, Vittorio Gassman, Eleonora Rossi Drago y Sophia Loren.
- 1953: Frine, cortigiana d'Oriente, de Mario Bonnard, con Elena Kleus, Pierre Cressoy y Tamara Lees.
- 1954: Tradita, de Mario Bonnard, con Brigitte Bardot, Pierre Cressoy y Lucia Bosé.
- 1954: Questa è la vita, d'Aldo Fabrizi y Giorgio Pastina, con Turi Pandolfini, Natale Cirino, Antonio Nicotra, Myriam Bru y Totò.
- 1954: Hanno rubato un tram, de Mario Bonnard y Aldo Fabrizi, con Aldo Fabrizi, Carlo Campanini y Juan de Landa.
- 1955: La ladra, de Mario Bonnard, con Lise Bourdin, Henri Vilbert y Fausto Tozzi.
- 1956: Mi permette, babbo!, de Mario Bonnard, con Alberto Sordi, Aldo Fabrizi y Marisa de Leza.
- 1957: Il maestro, d'Aldo Fabrizi, con Aldo Fabrizi, Alfredo Mayo, Mary Lamar y José Calvo.
- 1958: Afrodite, dea dell'amore, de Mario Bonnard, con Isabelle Corey, Anthony Steffen y Irène Tunc.
- 1959: Quai des illusions, d'Émile Couzinet, con Lise Bourdin y Fausto Tozzi.
- 1959: Il figlio del corsaro rosso, de Primo Zeglio, con Lex Barker, Silvia López y Vira Silenti.
- 1961: Sodom and Gomorrah, de Robert Aldrich, con Stewart Granger, Pier Angeli, Stanley Baker y Rossana Podestà.
Director d'a segunda unidat
[editar | modificar o codigo]- 1951: Quo vadis?, de Mervyn LeRoy, con Robert Taylor, Deborah Kerr, Leo Genn y Peter Ustinov.
- 1956: Helen of Troy, de Robert Wise, con Rossana Podestà, Jacques Sernas y Cedric Hardwicke.
- 1959: Ben-Hur, de William Wyler, con Charlton Heston, Jack Hawkins, Haya Harareet y Stephen Boyd.
- 1973: Il mio nombre è Nessuno, de Tonino Valerii, con Terence Hill, Henry Fonda y Jean Martin.
Guionista
[editar | modificar o codigo]- 1958: Afrodite, dea dell'amore, de Mario Bonnard, con Isabelle Corey, Anthony Steffen y Irène Tunc.
- 1959: Nel segno di Roma, de Guido Brignone, con Anita Ekberg, Georges Marchal y Folco Lulli.
- 1959: Gli ultimi giorni di Pompei, con Steve Reeves, Christine Kaufmann y Fernando Rey.
- 1961: Le sette sfide, de Primo Zeglio, con Ed Fury, Elaine Stewart y Bella Cortez.
- 1961: Il colosso di Rodi, con Rory Calhoun, Lea Massari, Georges Marchal y Conrado San Martín.
- 1961: Romolo e Remo, de Sergio Corbucci, con Steve Reeves, Gordon Scott, Virna Lisi y Franco Volpi.
- 1964: Per un pugno di dollari, con Clint Eastwood, Marianne Koch, Gian Maria Volontè y Wolfgang Lukschy.
- 1964: Le verdi bandiere di Allah, de Giacomo Gentilomo y Guido Zurli, con José Suárez, Linda Cristal y Cristina Gaioni.
- 1965: Per qualche dollaro in più, con Clint Eastwood, Lee van Cleef, Gian Maria Volontè, Mara Krupp y Klaus Kinski.
- 1966: Il buono, il brutto, il cattivo, con Eli Wallach, Clint Eastwood, Lee van Cleef y Aldo Giuffrè.
- 1968: C'era una volta il West, con Henry Fonda, Claudia Cardinale, Jason Robards y Charles Bronson.
- 1971: Giù la testa, con James Coburn, Rod Steiger y Romolo Valli.
- 1973: Il mio nombre è Nessuno, de Tonino Valerii, con Terence Hill, Henry Fonda y Jean Martin.
- 1984: C'era una volta in America, con Robert de Niro, James Woods, Elizabeth McGovern, Tuesday Weld y Treat Williams.
- 1986: Troppo forte, de Carlo Verdone, con Salvatore Aiesi, John Armstead y Luciano Bonanni.
Actor
[editar | modificar o codigo]- 1941: La bocca sulla strada, de Roberto Roberti, con Armando Falconi, Carla del Poggio y Giuseppe Rinaldi.
- 1948: Ladri di biciclette, de Vittorio de Sica, con Lamberto Maggiorani, Enzo Staiola y Lianella Carell.
- 1952: Il folle di Marechiaro, de Roberto Roberti, con Aldo Silvani y Polidor.
Productor
[editar | modificar o codigo]- 1973: Il mio nombre è Nessuno, de Tonino Valerii, con Terence Hill, Henry Fonda y Jean Martin.
- 1975: Un genio, due compari, un pollo, de Damiano Damiani, con Terence Hill, Miou-Miou, Robert Charlebois y Patrick McGoohan.
- 1978: Il gatto, de Luigi Comencini, con Ugo Tognazzi, Mariangela Melato y Michel Galabru.
- 1979: Il giocattolo, de Giuliano Montaldo, con Nino Manfredi, Marlène Jobert y Arnoldo Foà.
- 1986: Troppo forte, de Carlo Verdone, con Salvatore Aiesi, John Armstead y Luciano Bonanni.
Se veiga tamién
[editar | modificar o codigo]Vinclos externos
[editar | modificar o codigo]- Sergio Leone en IMDb.