Corvus corone
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Cornella | ||||||||||||||||
Cuerva (Corvus corone) | ||||||||||||||||
| ||||||||||||||||
| ||||||||||||||||
Corvus corone | ||||||||||||||||
Linnaeus, 1758 | ||||||||||||||||
Distribución d'as cuervas per o mundo |
A cornella[1] (Corvus corone (L., 1758)), tamién dita cuerva u corviella, ye un muixón d'a familia d'os corvidos mes chicot que no lo cuervo, anque similar en as formas y colors suyas. A cuerva ye un au de color negra con cualques brilluras metalicas en as plomas, anque mientres mutos anyos s'heba considerato que una especie similar, Corvus cornix, que se puet trobar en l'este d'Europa, yera una subespecie suya con unas coloracions diferentas, a muderna re-clasificación d'ixa altra especie ha deixato la Corvus corone como la sola forma descrita d'iste animal.
A mes gran parte d'os avistamientos de "cuervos" que se gosan fer en a Peninsula Iberica son realment d'iste animal que per cuentas d'os verdaderos cuervos (Corvus corax) son prou mes abundants, anque la suya mida ye inferior. Eixemplo d'isto ye la denominación popular d'o cuervo "de verdat" en Aragón, que se'n diz cuervo masclo, ta diferenciar-lo d'ista especie mes chica, d'a cual se'n clama cuerva talment per una confusión popular que ha feito que ta muita chent ista se considerase la fembra de l'altro animal, cuan realment son dos especies diferents.
A cuerva cenisosa d'a Europa de l'este, Corvus cornix, yera antigament considerata una subespecie u variedat cheografica d'a cuerva occidental (dita alavez Corvus corone cornix) dica que en o 2002 fue re-clasificata tenendo per fin una denominación como especie propia. Ixe altro animal tien as plomas d'o peito, espalda y coda de color grisa, per cuentas de tot o cuerpo negro como en a cuerva occidental.
A cuerva fa uns 50 – 55 cm de lonchitut y se puet trobar dende la frontera atlantica de cuasi tot o continent europeu enta las mugas interiors de Polonia y Austria, estando-ne es Alpes a suya muga mes oriental per o sud. Amaneixen poblacions tamién en l'estremo mes oriental d'Asia d'animals que bels ornitologos consideran una subespecie, dita Corvus corone orientalis, que habita os territorios ta lo norte de l'Himalaya de Rusia enta Chapón. D'entre ixas dos arias se troba l'aria de distribución d'a Cuerva cenisosa. Gosan mover-se en bandadas de poquez individuos, manifestando per un regular conductas prou rudiosas, clamando-se cheneralment de forma repetitiva d'entre os miembros d'o grupo, y permaneixendo caracteristicament un d'éls a l'alto de bel puesto elevato agüellando posibles periglos mientres a resta d'o grupo s'alimenta.
Vinclos externos
[editar | modificar o codigo]Se veigan as imáchens de Commons sobre cornella.
Wikispecies tiene un articlo sobre cornella.
- A grallata d'o Corvus corone (Archivo de sonito)
- (es) Información d'a cornella.
Referencias
[editar | modificar o codigo]- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.