Cygnus cygnus
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Cygnus cygnus | |
---|---|
Un cisne charraire (Cygnus cygnus). | |
Denominacions populars | |
cisne charraire [1]
| |
Estau de conservación | |
Clasificación cientifica | |
Animalia | |
Filo:
|
Chordata |
Aves | |
Anseriformes | |
Anatidae | |
Cygnus | |
C. cygnus | |
Descripción | |
Distribución cheografica | |
Distribución d'o cisne charraire. |
O cisne charraire (Cygnus cygnus (Linnaeus, 1758)[2]) ye una especie d'au d'a orden d'os Anseriformes y familia Anatidae que mide una longaria de 140 a 165 centimetros y una envergadura de 205 a 275 cm. Lo peso gosa estar en o rango de 7,4 a 14,0 kilogramos, con un promeyo de 9,8 a 11,4 kg pa los masclos y de 8,2 a 9,2 kg pa las fembras. Se considera una d'as aus voladeras mas pesadas.
Os cisnes charraires requieren grans arias d'augua pa vivir, especialment cuan encara son creixendo, perque as suyas patas no pueden endurar o peso d'o suyo cuerpo mientres largos periodos de tiempo. Lo cisne charraire pasa gran parti d'o suyo tiempo nadando, filtrando l'augua en busca de birolla u minchando plantas que creixen en o fondo.
Os cisnes charraires emiten un canto fundo y, a pesar d'a suya grandaria, son poderosos voladors. Os cisnes charraires pueden migrar cients u mesmo mils de kilometros dica os suyos puestos d'hibernada en o sud d'Europa y l'este d'Asia.
Os cisnes charraires s'emparellan de per vida y as crietas se quedan con éls tot l'hibierno; bella vegada se les chuntan descendents d'anyos anteriors. O suyo habitat de reproducción preferiu son as paúls, pero as aus semidomesticadas construyirán un niedo en cualsequier puesto amán de l'augua. Tanto lo masclo como la fembra aduyan a construyir o niedo, y lo masclo cosirará lo niedo mientres a fembra coba. A fembra gosa meter de 4 a 7 uegos (excepcionalment 12).
O cisne charraire ye l'au nacional de Finlandia dende 1981.
Referencias
[editar | modificar o codigo]- ↑ (an) Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals,Ed. Val d'Onsera, 2004, ISBN 978-84-8986-235-7, p.120
- ↑ (en) Jobling, James A (2010). The Helm Dictionary of Scientific Bird Names. London: Christopher Helm. p. 128. ISBN 978-1-4081-2501-4.
Vinclos externos
[editar | modificar o codigo]Se veigan as imáchens de Commons sobre Cygnus cygnus.