Adidas

Adidas
Datos chenerals
Eslogan	Adidas is all in
Establimiento	18 d'agosto de 1949
Localización	Herzogenaurach, Alemanya
Enfiladors	{{{enfiladors}}}
Industria	Textil
Productos	Ropa, calcero y equipe esportivo
Beneficios	{{{reuto}}}
Emplegatos	{{{emplegaus}}}
Pachina web
Pachina web	www.adidas.com
Twitter	{{{twitter}}}
Facebook	{{{facebook}}}

Adidas (estilizau adidas, con minúsclas, dende 1949) ye una interpresa multinacional alemana fundada en 1949, con seu en Herzogenaurach, ciudat situada en Bavera. S'adedica a la fabricación de equipe deportivo y productos de moda (bolsos, camisas, reloches, lunetas, etc.). A interpresa tamién ye patrocinadora d'eventos y feguras esportivas a livel mundial. Ye o primer mayor fabricant d'o sector en o mundo.

Os suyos ingresos superan os 14.534 millones de dólars estausunidenses y conta en a suya nomina con un total d'alto u baixo 60.000 emplegaus. A marca tién una valura de 6.800 millons de dólars estausunidenses, lo que la convierte en a segunda marca mas valuosa entre as corporacions esportivas dimpués de Nike.

Adidas en Aragón

Historia

A historia d'Adidas en Aragón prencipia en l'anyo 1969, cuan s'instala en Casp una fabrica de balons d'ista interpresa. A elección d'a localidat baixoaragonesa como seu d'ista fabrica se debió a que o chefe d'a companyía, Horst Dassler –fillo d'o fundador Adolf Dassler–, descubrió en as suyas vacanzas en Alicant pilotas de fútbol fabricadas a man en a localidat zaragozana de Fabara y le'n facioron a-saber-lo goyo. Destaca a producción d'o Tango España, balón emplegau en a Copa Mundial de Fútbol de 1982 celebrada en Espanya.

Anyos dimpués a producción s'enampló a las cuerdas de raqueta. En l'anyo 1981 a marca alemana decide establir en Zaragoza a suya seu social y financiera en Espanya. A producción en a fabrica de Casp remató en l'anyo 1994, quedando as instalacions como central lochistica pa Espanya y Portugal.

As oficinas centrals d'Adidas en Zaragoza tienen en l'actualidat mas de 300 emplegaus que treballan en os sectors tecnolochico y financiero.

Patrocinios

A marca Adidas ha patrocinau a diferents clubs esportivos y esportistas aragoneses en a suya historia. Entre os clubs y esportistas aragoneses que han estau vestius por Adidas se troban:

Equipos

• Basket Zaragoza 2002
• Club Deportivo Teruel
• Real Zaragoza
• Sociedad Deportiva Tarazona

Esportistas

• Alberto Belsué
• Alberto Zapater
• César Láinez
• Eliseo Martín

Referencias

• Datos: Q3895
• Multimedia: Adidas / Q3895