Gryllidae
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre as grillas u grillos que son insectos. Ta las chemas verdes que brostan en as trunfas y belatras hortalicias, se veiga grillo.
Gryllidae | |
---|---|
Acheta domesticus | |
Denominacions populars | |
Grillas, grillos, grilletas, grillons, grichas, grichons
| |
Clasificación cientifica | |
Eukaryota | |
Animalia | |
Filo:
|
Arthropoda |
Insecta | |
Orthoptera | |
Ensifera | |
Grylloidea | |
Gryllidae | |
Descripción | |
Gryllidae
BOLÍVAR, 1878 |
Os grilidos[1] (cientificament Gryllidae -en latín-) son una familia d'insectos ortopteros en a suborden d'os ensifers y a superfamilia d'os griloideus que comprende bellas 900 especies descritas d'insectos, de regular herbivoros y nocturnos.[2]
Son especialment conoixius por a suya canción nupcial, una estridulación aguda caracteristica con a cual os masclos s'atrayen as fembras ta cubrir-las, que executan tipicament en as horas nocturnas.
O chenero tipo d'a familia ye Gryllus, que comprende especies tan comuns como Gryllus campestris, a grilla u grilleta.
Zoonimia
[editar | modificar o codigo]En l'Alto Aragón, as parolas mas comuns ta nombrar a istos insectos son «grilla»[3] (d'o latín <GRYLLA, femenín de GRYLLUS) y «grillo» (lat. <GRYLLU). A forma femenina ye predominadera en aragonés, mientres que a masculina, por estar común con o castellano, se ye tornando mas cheneral solo en os zaguers anyos.
En Nerín (val de Vio, Sobrarbe), Artur Quintana i documenta a variant «grella».[4]. A forma «gricha» s'ha documentau nomás en as zonas a on que s'ha dau historicament una mayor tendencia a la hiper-palatalización d'o grupo -ll-, como Pandicosa (val de Tena, Alto Galligo)[3] y a val de Broto (Sobrarbe).[3]
Rafel Vidaller documenta con frecuencia a forma diminutiva «grilleta», que s'emplega dende Ayerbe (Plana de Uesca) dica Chistén (val de Chistau, Sobrarbe).[3]
Referencias
[editar | modificar o codigo]- ↑ (es) Amenazas sobre los Ortópteros. Ministerio de Medio Ambiente, Rural y Marino. Consultada o 22 de septiembre de 2012.
- ↑ (en) Cricket info por a Universidat d'Arizona; consultada o 22 de septiembre de 2012.
- ↑ 3,0 3,1 3,2 3,3 (an) VIDALLER TRICAS, Rafel (2004). Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza. ISBN 978-84-8986-235-7
- ↑ (es) QUINTANA i FONT, Artur (2007). El Aragonés nuclear de Nerín y Sercué (Valle de Vio); Gara d'Edizions. Zaragoza. ISBN 978-84-8094-060-3
Vinclos externos
[editar | modificar o codigo]Se veigan as imáchens de Commons sobre Gryllidae.
Wikispecies tiene un articlo sobre Gryllidae.