Equus africanus
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Somero salvache africano | ||||||||||||||||
Equus africanus | ||||||||||||||||
| ||||||||||||||||
| ||||||||||||||||
Equus africanus | ||||||||||||||||
Distribución de l'Equus africanus |
O somero salvache africano u burro salvache africano (Equus africanus) ye un mamifero salvache d'o continent africano, pareixito a lo somero domestico, que anque hue se troba prou recluito en os países d'o nordueste d'Africa (Etiopía, Somalia y Eritrea), anque antes tenió un aria de distribución que incluyiba Sudán, Echipto e Libia.
As suyas midas plegan dica 2 metros de largo, con entre 230 y 275 kg de peso. Tiene o pelo curto y de color grisa clara, con una rada escura que s'estira dende a clavera dica la coda (igual como os somers) y con rayetas negras en as patas, por debaixo d'o chenullo. A subespecie nubia (Equus africanus africanus) tiene, amás d'a francha lonchitudinal d'a esquerna, unatra que le baixa por o huembro, que anque son compartidas con bels somers, no se troban en l'atra subespecie (E. a. somalicus).
Os somers africanos viven por un regular en ambients deserticos u semideserticos, a on que nomás os suyos estomagos pueden sacar bella cosa d'a pastura que obtienen. Os sistemas dichestivos d'estes animals son duros y sacan l'augua de poca cosa que coman. Se conoixe que pueden tamién tirar a-saber-los días sin gota d'augua. A diferencia d'a mayoría d'equidos, os somers africanos no precisan mica companyía, y se mueven habitualment solos (defueras d'as fembras con pollinez), y nomás cuan se troban solos fan servir a voz suya, que ye prou grau y asinas se claman os uns con os altros en a distancia (dica 3 km).
Tamién s'ha pensato que os somers africanos podesen estar os antipasaus d'os somers domesticos. Se conoixe que os sumerios ya en heban feito uso dende fa sieglos, que os meteban a estirar vagons y carros. Altros autors piensan que ixes habioron d'estar onagres u especies de burros ya mas modernos.
O estato de conservación actual d'a especie ye dramaticament perigloso ta la suya supervivencia. As capturas masivas que denantes se'n heban feitas ta domesticar-los y tamién l'entrecruz con os somers domesticos han feito que actualment no en queden si que unos poquez cientos. A mas, en Somalia y Etiopía, a on que os cazan ta usar-los en a medicina tradicional, o incremento d'armas en circulación con as recients guerras civils no ha feito si que estimular o descenso poblacional d'esta especie. A competencia, finalment, con o bestiar domestico ta sacar-ne pastura d'o suyo duro habitat ha feito declinar encara mas a demografía que teneba.
Imáchens
[editar | modificar o codigo]-
Burra con o suyo pollín.
-
En tetando.
-
E. africanus somalicus
-
En captividat.
-
Detalle d'as patas.
-
Pullinet.
-
Paixentando-se en os campos de caultivo.
Vinclos externos
[editar | modificar o codigo]Se veigan as imáchens de Commons sobre o somero africano.
- (en) O somero africano en a lista roya d'as especies menazatas
- (en) Equidos salvaches