Kristen Stewart
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Kristen Stewart | |
---|---|
Información personal | |
Calendata naiximiento: | 9 d'abril de 1990 |
Puesto naiximiento: | |
Premios BAFTA | |
Premio Orange a la Estrela emerchent |
Kristen Jaymes Stewart (Los Angeles, 1990) ye una actriz estausunidense de cine y televisión. Ha feito cuantas cintas pero as mas conoixitas son Panic Room, Speak, Zathura, The Messengers, In the land of women y Into the Wild. O suyo papel mas popular estió a interpretación de Bella Swan, protagonista d'a cinta Twilight, una cinta basata en a primera parti d'a trilochía d'o best-seller de Stephenie Meyer.
Biografía
[editar | modificar o codigo]Naixió y creixió en Los Angeles, California.[1][2][3] Su pai, John Stewart, ye un director y productor de televisión que treballaba ta la FOX.[4] Su mai, Jules Mann-Stewart, ye una guionista naixita de Queensland (Australia).[3][5][6][7] Tiene un chermano mayor, Cameron Stewart.[8] Asistió a la escuela dica o seteno grau, y continó a suya educación por correspondencia,[3] dica graduar-se.[9]
Carrera
[editar | modificar o codigo]Kristen prencipió a suya carrera a la edat de ueito anyos, cuan un achent la veyió actuar en una obra de Nadal d'a suya escuela.[10] A suya primera actuación estió una chicota aparición en a cinta The Thirteenth Year, producita por Disney Channel.[4] Dimpués apareixió en a cinta independient The Safety of Objects, a on que interpretava a la filla d'una mai soltera (Patricia Clarkson).
L'actriz s'enfrontinó con serenidat a o suyo papel chunto a Jodie Foster en o thriller de David Fincher The Panic Room, una cinta de Hollywood de l'anyo 2002. Kristen reemplazó a l'actriz trigata previament y interpretó o papel de Sarah, a filla diabetica de Meg Sulle. Encara que as criticas d'a cinta no estioron guaire buenas, Stewart ganó credibilidat gracias a la suya interpretación d'a filla de Foster, estando l'actriz mas aclamata.
Dimpués d'interpretar a la filla d'una parella que se tresladan a vivir a una casa aparentment encantata en a cinta Cold Creek Manor, Stewart actuó en o drama sobrecargato d'emotividat Speak. En 2004, fació una cinta ta televisión basata en una novela de Laurie Hals Anderson. Kristen teneba trece anyos cuan la gravó y interpretaba a Melinda, una mesacha que ye aislata d'a chent dimpués d'haber estato violata, pero que se converte en l'asunto prencipal d'os suyos amigos y a suya familia. Iste estió o suyo primer papel como protagonista. Kristen obtenió o elochio d'as criticas y d'o publico d'o Festival de Cine de Sundance, gracias a la suya sobrebuena interpretación.
Ye tamién memorable a suya interpretación en a cinta Catch That Kid (2004), un remake d'una cinta danesa que estió un gran exito de taquiella, dita Klatretosen. Kristen interpretaba en a debandita cinta a una adolescent que recluta un par d'amigos ta robar un banco d'alta seguritat, con l'obchectivo de pagar-le a su pai moribundo una operación quirurchica ta salvar-le a vida.
En 2005 apareixió en Zathura, a on que interpretava a Lisa, a irresponsable chermana gran de dos ninos que mete a suya casa en una nau espacial chugando a un chuego de mesa. A cinta abtenió elochios por parti d'os criticos, pero Kristen no atrayó guaire o ficacio d'os medios ya que o suyo personache pasa a mayor parti d'a cinta immovilizato.[11] A l'anyo siguient, interpretó a Maya en Fierce People, dirichita por Griffin Dunne. Dimpués d'ixo, recibió o papel de Jess en o thriller sobrenatural The Messengers. A cinta estió un exito comercial, pero tenio criticas prou malas.[12]
En 2007, fació o papel d'una polita adolescent, Lucy Hardwick, en In the Land of Women , un drama romantico protagonizato por Meg Ryan y Adam Brody. A cinta, asinas como l'actuación de Kristen, recibió comentarios diversos. Iste mesmo anyo, Stewart protagonizo l'aclamata cinta de Seann Penn, In the wild world. Amás amás, fació una chicota aparición en Jumper y en What just happened?.
O 16 de noviembre de 2007, Summit Entertainment anunció que Kristen representaría o papel de Isabella Swan en Twilight, basata en o best-seller de Stephenie Meyer[13] d'o mesmo nombre. Kristen se trobaba rondando Adventureland cuan la directora de Twilight, Catherine Hardwicke visitó o estudio ta fer-le una preba.[14] Robert Pattinson s'encargaba de l'atro papel protagonista interpretando a Edward Cullen, un vampiro que s'enamora de Bella.
Filmografía
[editar | modificar o codigo]Anyo | Títol | Personache | Notas |
---|---|---|---|
1999 | The Thirteenth Year | Mesacha asperando una bebida[15] | Desacreditata |
2000 | The Flintstones in Viva Rock Vegas | Chica que tira un hula hoop[16] | Desacreditata |
2001 | The Safety of Objects | Sam Jennings | Versión limitata |
2002 | Panic Room | Sarah Altman | Nominata a Millor Actuación en una Cinta - Actriz prencipal en os Young Artist Award |
2003 | Cold Creek Manor | Kristen Tilson | Nominata a Millor Actuación en una Cinta - Actriz adolescent segundaria en os Young Artist Award |
2004 | Speak | Melinda Sordino | Cinta independient |
Catch That Kid | Maddy | ||
Undertow | Lila | Nominata a Millor Actuación en una Cinta - Actriz adolescent segundaria en os Young Artist Award | |
2005 | Fierce People | Maya Osbourne | Versión limitata |
Zathura | Lisa | ||
2007 | The Messengers | Jess Solomon | |
In the Land of Women | Lucy Hardwicke | ||
The Cake Eaters | Georgia | Cinta independient | |
Into the Wild | Tracy Tatro | Nominata a Millor Actuación en una Cinta - Actriz adolescent segundaria en os Young Artist Award | |
Cutlass | Joven Robin | Cortometrache | |
2008 | What Just Happened | Zoe | |
Jumper | Sophie | Chicota aparición | |
Twilight | Bella Swan | Premio a la Millor Actriz en os MTV Movie Awards 2009 Premio a o Millor Beso en os MTV Movie Awards 2009 (con Robert Pattinson) Premio a la Millor Actriz en cinta de drama en os Teen Choice Awards Premio a o Millor beso en os Teen Choice Awards (con Robert Pattinson) Millor Actriz en cinta de fantasía en os Scream Awards Premio a o millor equipo en pantalla en os People's Choice Awards (con Robert Pattinson y Taylor Lautner) Nominata a Millor Reparto en os Scream Awards Nominata a Millor actriz en os People's Choice Awards | |
2009 | Adventureland | Em | Nominata a Millor Reparto en os Gotham Awards |
The Twilight Saga: New Moon | Bella Swan | Premio Orange a la Estrela emerchent en os Premios BAFTA | |
2010 | The Runaways | Joan Jett | |
The Twilight Saga: Eclipse | Bella Swan | Post-producción | |
Welcome to the Rileys | Mallory | ||
The Yellow Handkerchief | Martine | ||
K-11 | Butterfly | Rematata | |
2011 | The Twilight Saga: Breaking Dawn | Bella Swan/Cullen | Prencipia filmacion en agüerro. |
Backwoods | Bree Thompson | pre-producción |
Enrastrs externos
[editar | modificar o codigo]Se veigan as imáchens de Commons sobre Kristen Stewart.
- (en) Kristen Stewart en IMDb.
Referencias
[editar | modificar o codigo]- ↑ (en) Kristen Stewart Biography - Yahoo! Movies
- ↑ D'alcuerdo con o Estato de California. California Birth Index, 1905-1995. Center for Health Statistics, California Department of Health Services, Sacramento, California. At Ancestry.com
- ↑ 3,0 3,1 3,2 (en) Kristen Stewart Interview, The Messengers - MoviesOnline
- ↑ 4,0 4,1 (en)Kristen Stewart askmen.com
- ↑ EXCLUSIVE: 'Twilight' Stars Kristen Stewart & Nikki Reed To Reunite, Play Men In Prison Film 'K-11', Larry Carroll, MTV, 21-11-2008
- ↑ Jules Mann-Stewart
- ↑ Kristen Stewart Biography (1990-) Filmreference.com
- ↑ Interview from Portrait Magazine
- ↑ Kristen Stewart, Interview, Dennis Hopper
- ↑ (en) Girls of Fall: Autumn's Crop of Enchanting Entertainers
- ↑ (en) From Suburbia and Stranded Somewhere Near Saturn. Stephen Holden (nytimes.com) 11 de noviembre de 2005
- ↑ (en) http://www.boxofficemojo.com
- ↑ (en) http://www.stepheniemeyer.com
- ↑ (en) 'Twilight': Inside the First Stephenie Meyer Movie . Nicole Sperling (ew.com) 10 de chulio de 2008
- ↑ (en) Kristen Stewart Profile - Her Life Story. YouTube
- ↑ Late Show with David Letterman