Moliniás
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Moliniás | |
Despoblau d'Aragón | |
Entidat • País • Provincia • Comarca • Municipio |
Despoblau Sobrarbe A Fueva (municipio) |
Partiu chudicial | Boltanya |
Población • Total |
0 hab. (2010) |
Altaria • Meyana |
860 m. |
Distancia • 120 km • 19,5 km • 16,2 km |
enta Uesca enta L'Aínsa enta Tierrantona |
Codigo postal | 22336 |
Parroquial • Diocesi • Arcipestrau |
Balbastro-Monzón Sobrarbe-Ribagorza |
Coordenadas | |
Moliniás ye un lugar aragonés d'o municipio d'a Fueva, en a provincia de Uesca y comarca de Sobrarbe. Actualment se troba despoblau.
Toponimia
[editar | modificar o codigo]O toponimo Moliniás presenta una forma arcaica d'evolución d'o sufixo -iello con diftongo -ia-, y tamién una forma arcaica d'o suyo plural ya desapareixida en aragonés.
- MOLINĔLLO > Moliniacho.
- Moliniacho + -s > Moliniach(o)s > Moliniachs > Moliniás.
Una documentación antiga en latín medieval d'o sieglo XI fa mención de ILLOS MOLINELLOS,[1] o que podría confirmar este orichen.
Cheografía
[editar | modificar o codigo]Molinias se troba a 860 metros d'altaria sobre o livel d'a mar en as garras d'o costau sud d'a sierra Ferrera, en a subcomarca sobrarbenca que tradicionalment ha habido nombre «Baixo Penyas», que popularment comprende o sector norte d'a Fueva y bel nuclio ya mas albocaus ta la valle d'a Cinca, que ixo ye, es que se troban engarrotaus en as garras d'a Sierra Ferrera y Penya Montanyesa. Historicament, Molinias fayó parte d'o conchunto de lugars que formoron o municipio d'o Toledo d'a Nata («Toledo de Lanata») dica la suya extinción y fusión en o municipio que saca o nombre d'a valle local: A Fueva. Se troba situau a una distancia de 13 km de Tierrantona, a capital d'o suyo municipio, y de 148 km de Uesca, a capital d'a suya provincia.
O nuclio el forman dos casas y una capilleta. Una d'as casas remanió habitada dica fa pocos anyos, y en l'actualidat encara el ye puntualment pus os suyos propietarios se van trasladar formalment ta un altro nuclio d'a redolada (posiblement se i empadronoron, por ixo consta como «despoblau»), pero encara guardan en Molinias una grancha con bestiar que se troba en explotación. A segunda casa, que quedó deshabitada de fa mas tiempos, s'ha rehabilitau fa poquez anyos y agora s'emplega como vivienda de turismo rural.
Imáchens
[editar | modificar o codigo]-
Casa de turismo rural
-
A sierra Ferrera dende Moliniás
-
Capiella
Referencias
[editar | modificar o codigo]- ↑ (es) Manuel López Dueso: El Molino de Charo, publicau en: Sobrarbe. Revista del Centro de Estudios de Sobrarbe, nº 14. p. 131.
Vinclos externos
[editar | modificar o codigo]
Lugars d'o municipio d'a Fueva | |
---|---|
Poblaus: Aluchán | Buetas | A Cabezonada | Caneto | Charo | Clamosa | Formigals | Fosau | Fuent de Campo | O Lumo de Muro | O Lumo de Ranyín | A Lueza | Mediano nuevo | Moriello de Monclús | O Pocino de Charo | Ranyín | Salinas de Trillo | Sant Chuan | Sant Mitier | Sant Per | Solipueyo | Tierrantona | Trillo | Troncedo Despoblaus: L'Alquería de Cotón | Arasanz | L'Atiart | Bediello | Benedet | Carrera | A Corona | A Cuesta | Fumanal | Ixantigosa | A Lecina | O Lenero | A Marinyosa | O Mediano | Mediano viello | Ministirio | Moliniás | Montero | A Mula | Muro de Roda | A Nau | A Olivera | O Pamporciello | La Penilla | A Plana | O Plano | Rolespé | Sant Per de Trillo | A Selva | A Sierra | Solaniella | O Sotero | Susiaz | A Torre | A Villa |