Samuel Goldwyn
Samuel Goldwyn | |
---|---|
Goldwyn en 1919 | |
Información personal | |
Calendata de naixencia | 17 d'agosto de 1879 |
Puesto de naixencia | Varsovia, Polonia, Imperio ruso |
Calendata de muerte | 31 de chinero de 1974 |
Edat | 94 anyos |
Puesto de muerte | Los Angeles, California, Estaus Unius |
Enterreco | Forest Lawn Memorial Park |
Ocupación | Productor cinematografico |
Conchuche | Blanche Lasky (1910-1915) Frances Howard (1925-1974) |
Fillos | Samuel Goldwyn, Jr. |
Samuel Goldwyn u Samuel Goldfish y naixiu como Szmuel Gelbfisz de Varsovia, Polonia, Imperio ruso o 17 d'agosto de 1879 y muerto en Los Angeles o 31 de chinero de 1974 estió un productor de cine estausunidense d'orichen polaco-chodigo.
Estió o pai d'o tamién productor Samuel Goldwyn, Jr. y agüelo de l'actor Tony Goldwyn.
Estió fundador de cuantas productoras entre as que destaca a cofundación, chunto a o suyo cunyado Jesse L. Lasky, Cecil B. DeMille y Arthur Friend d'a The Jesse L. Lasky Feature Play Company, que dimpués se fusionó con Famous Players Film Company d'a cuala surtió a Famous Players-Lasky Corporation integrando-se ista a la fin en Paramount Pictures Corporation. Per discrepancias con a dirección d'a Paramount sale d'a companyía y s'asocia con os chirmans Edgar y Archibald Selwyn productors de Brodway, pa fundar Goldwyn Pictures, fendo un mezclayo d'os dos apellius (Goldfish y Selwyn). Samuel aprofita esta oportunidat pa cambiar o suyo apelliu de forma legal pa pasar a decir-se Samuel Golwyn definitivament mientres a resta d'a suya vida, nombre con o cual ye mas conoixiu. A presentación d'as cintas producidas per Goldwyn Pictures se feba con un lión, conoixiu posteriorment como o "Lión d'a Metro" per o cual se le recuerda encara en l'actualidat. En l'anyo 1924 o empresario Marcus Loew compra Goldwyn Pictures y la fusiona con Metro Pictures Corporation, que a la suya vegada heba mercau en 1920, orichinando Metro-Goldwyn-Mayer. Paradoxalment ni Golwyn ni Louis B. Mayer estioron parte d'a dirección d'a interpresa encara que o nombre d'a productora incluye os suyos apellius.
Bibliografía
[editar | modificar o codigo]- (en) Arthur Marx: Goldwyn. A Biography of the Man Behind the Myth. Norton, Nueva York 1976, ISBN 0-393-07497-8.
- (fr) Andrew Scott Berg, Sam Goldwyn : La Légende d'Hollywood, traducción a lo francés per Georges Goldfayn.
Vinclos externos
[editar | modificar o codigo]Se veigan as imáchens de Commons sobre Samuel Goldwyn.
- (en) Samuel Goldwyn en IMDb.