Pere Bosch Gimpera
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Pere Bosch Gimpera | |
---|---|
29 de chunio de 1937 – 1 d'abril de 1939 | |
President | Lluís Companys |
Precediu por | Joan Comorera i Soler |
Succediu por | Disolución d'o Gubierno |
18 de chulio de 1933 – 22 de febrero de 1939 | |
Precediu por | Creyación d'a Universidat |
Naiximiento | 22 de marzo de 1891 |
Muerte | 9 d'octubre de 1974 |
Partiu | Acció Catalana |
Conchuche | Josefina García |
Profesión | Historiador, prehistoriador y catedratico |
Alma Máter | Universidat de Barcelona |
Pere Bosch Gimpera u Pere Bosch i Gimpera (tamién gosa trobar-se como Pere Bosch-Gimpera u castellanizato como Pedro Bosch Gimpera), naixito de Barcelona (Barcelonés) o 22 de marzo de 1891 y muerto en Ciudat de Mexico (Mexico) o 9 d'octubre de 1974, estió un historiador, prehistoriador y catedratico catalán, refuchiato en Mexico en rematar a Guerra Civil espanyola adquirindo-ne ixa nacionalidat en 1971.
Formato academicament en a Universidat de Barcelona, enampló estudios en Berlín, convertindo-se en una destacata fegura en o campo d'a Prehistoria d'a peninsula iberica. Catedratico d'ixa especialidat dende 1916 en a Universidat de Barcelona, se convertió en o primer rector d'a Universidat Autonoma de Barcelona o 18 de chulio de 1933.
Antiparte, partidario d'o nacionalismo catalán y militant d'Acció Catalana, estió engarcholato en 1934 por as suyas actividaz nacionalistas, y en a Guerra Civil, mientres o Gubierno de Lluís Companys (1937-1939) estió Consellero de Chusticia d'a Cheneralidat de Catalunya.
Dende a nueva Universidat de Barcelona controlata por o franquismo s'organizó contra él una campanya de desprestichio, pero en l'exilio estió profesor en a Universidad Nacional Autónoma de México, amás de chefe d'a División de Filosofía y Humanidaz d'a UNESCO.
Obras
[editar | modificar o codigo]- 1913: El problema de la cerámica ibérica.
- 1914: Grecia y la civilización crético-micénica.
- 1919: Prehistòria catalana.
- 1920: La arqueología preromana hispánica.
- 1926: Historia de Oriente.
- 1934: Etnologia de la península ibèrica.
- 1945: El poblamiento antiguo y la formación de los pueblos de España.
- 1960: El problema indoeuropeo.
- 1960: Cataluña, Castilla, España.
- 1974: Paleontología de la península Ibérica.