Waikato
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Waikato | |
Rechión de Nueva Zelanda | |
Entidat • País |
Rechión |
Capital | Hamilton |
Idioma oficial | Anglés y maorí |
Superficie • Total |
25 598 km² |
Población • Total (2018) |
468 800 hab. |
ISO 3166-2 | NZ-WKO |
Isla | Isla d'o Norte |
Gubierno | Consello d'Auckland |
Ciudat mas gran | Hamilton |
Atras ciudaz | Cambridge, Coromandel, Huntly, Matamata, Miranda, Morrinsville, Ngaruawahia, Ngatea, Paeroa, Pirongia, Putaruru, Raglan, Taupiri, Taupo, Te Aroha, Te Awamutu, Te Kauwhata, Te Kowhai, Te Kuiti, Thames, Tirau, Tokoroa, Waihi |
ISO 3166 | NZ-WKO |
Waikato en Nueva Zelanda | |
Pachina web oficial |
Waikato (pronunciau en anglés /'waɪkɑːtɔː/ u /'|waɪkætoʊ/) ye una rechión d'a Isla d'o Norte de Nueva Zelanda. Cubre as zonas de Waikato, Hauraki, peninsula de Coromandel, norte de King Country, gran parti d'o districto de Taupo y partis d'o districto de Rotorua.[1] Ye gubernada por o Consello Rechional de Waikato. En anglés se fa referencia a ella por un regular fendo servir l'articlo determinau: the Waikato.
A rechión va dende a peninsula de Coromandel en o norte, dica o semontano nororiental d'o mont Ruapehu a o sud y s'estendilla en a Isla d'o Norte dende a costa ueste, a traviés de Waikato y Hauraki dica a peninsula de Coromandel en a costa este. Alto u baixo, a extensión d'a rechion ye a compleganza d'o río Waikato. Atras cuencas que se troban en ista rechión son as d'os ríos Waihou, o Piako, o Awakino y o Mokau. A rechión muga con a rechión d'Auckland a o norte, a rechión d'a Badía de Plenty a l'este, a rechión d'a Badía de Hawke a o sudeste y as rechions de Manawatu-Wanganui y Taranaki a o sud. A rechión de Waikato ye a cuarta rechión mas gran d'o país en aria y población:[2] a suya aria ye de 25.000 km² y a suya población de 449.200 habitants.
A rechión incluye parti u a totalidat d'once autoridaz territorials, mas que cualsiquier atra rechión de Nueva Zelanda. Se centra en l'aria de Waikato que consiste en o districto de Waikato, o districto de Matamata-Piako, o districto de Waipa, o districto de South Waikato y a ciudat de Hamilton.[1] En orden descendent d'aria as once autoridaz territorials son o districto de Taupo (parti), o districto de Waitomo (parti), o districto de Waikato, o districto de Thames-Coromandel, o districto d'Otorohanga, o districto de South Waikato, o districto de Matamata-Piako, o districto de Waipa, o districto de Hauraki, o districto de Rotorua (parti) y a ciudat de Hamilton.
O nombre d'a rechión se prene d'o río Waikato; estando waikato una parola tradicional maorí que puet traducir-se como "augua que fluye" (especificament, wai = "augua" y kato = "o fluxo d'a corrient d'o río enta a mar").[3]
Referencias
[editar | modificar o codigo]- ↑ 1,0 1,1 (en) Swarbrick, Nancy (3 June 2010). "Waikato region – Overview". Te Ara – the Encyclopedia of New Zealand. http://www.teara.govt.nz/en/waikato-region/1.
- ↑ (en) "About the Waikato region". Waikato Regional Council. http://www.waikatoregion.govt.nz/Environmental-information/About-the-Waikato-region/.
- ↑ (en) Royal, Te Ahukaramū Charles (3 May 2010). "Waikato tribes – Waikato landmarks". Te Ara – the Encyclopedia of New Zealand. http://www.teara.govt.nz/en/waikato-tribes/2. Retrieved 10 July 2011.
Se veiga tamién
[editar | modificar o codigo]
Auckland | Badía de Hawke | Badía de Plenty | Canterbury | Gisborne | Manawatu-Wanganui | Nelson | Northland | Marlborough | Otago | Southland | Taranaki | Tasman | Waikato | Wellington | West Coast |